NITRITI 21:33 - ALLAH NIHYET MEM TUNGWATU NYA

³³ Lene Abraham ta biei tamariska nikioi gom ei Bersyeba. Hon kep njap dima kui lene noni kuk no bak tuhan dino Allah Di Niyaijo Kikau ei sirima.

NITRITI 21:33 ပူးပေါင်းရင်းမြစ်များ

NITRITI 12:8

Lene noni jo leu sirima buug ndam mpia nibiho ei cet him ei minu ndig Betel kin Ai ikieti ba, hok nide prak meng ei sirima. Betel jo ei nite bei mpia nicutti lo, Ai jo ei nite bei mpia nipriti. Noni dingug tig nindig bijo-jo yam dip bu ei sirima bingon nimbar hum dok leu api bikuk no bak tuhan.

NITRITI 21:32

Tirigi ipreu mun bit yam ei Bersyeba tu lene Abimelekh kin Pikhol ingkwei hanyen ug ei mben Filistin ide minu.

NITRITI 26:23

Mpe hi bu lene noni mbut buug ei Bersyeba.

NITRITI 26:25

Lene Ishak dingug tig bijo-jo yam dip nok nimbar hum dok bikuk no bak tuhan ei mpia dima. Lene noni hok nide prak meng yati ei sirima leu api nide awak nya itig minyei bousi gom kin bu.

NITRITI 26:33

Lene Ishak jem minyei bousi dima ninyeng “Nikwam Minggwen”. Gima ne nimbie him ngat di ijem minu ndig dima ninyeng Bersyeba.

NITRITI 4:26

Lene Set yai nipmot bijem ninyeng Enos. Mpe dima lene tungwatu nya kindi indat kep tuhan ninyeng tirigi ikuk yok biNoni.

MAZMUR 90:2

Nipou tirigi apai tes nungug nya kin dihyeisi dini cem bigyo ne Angat rin ba, ayaijo ug hon nohonti bi sren.

MAZMUR 93:2

tuhan e, ade banggo mbrei jo habiei ei nimbie him kikau kwei bipek ammani kep ba, jo ninghig-niker. Angat rin nipou tirigi ikwop ari bingwam nya nimangti sindam bigyo.

NEHEI LEUSI 15:18

Nani ne tuhan cem Nibou Ndig cem rin ba, anyeng mitak kep Ade limwa nya bijo ninno bijo kikau.”

YESAYA 40:28

Mei! Jikan tut bijimiap tut bi e? tuhan ne Allah di niyaijo ninno bijo kikau ri. Noni pai tes dihyeisi dini titut yam. Ninghuisi wei ba, ninda mbris bi sren. Bit bon nye di tungwatu nya ikan bidem tut ningon kanti nya kan bi.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YEREMIA 10:10

Noro Nani ne tuhan Allah di nijit-jau ba, Allah di yai niyaijo bak tungwatu nya cem nibou ndig di niyaijo kikau cem ri. Gino angon sibui lene dihyeisi dini ugwa-kwei bibor. Gino agga lene ngkiai nya igya mem kan bi. (

AMOS 8:14

Yo di yeheng bitug hon mben Samaria ide kwar nya bipai ‘Deheng bitug hon keret Dan ide kwar’ e he ipai ‘Deheng bitug hon mben Bersyeba ide kwar’ e yahagom micut bihigom bikiju hanyen bi sren.”

HABAKUK 1:12

tuhan e, Nani ne Allah habiei nimbie him kwei ri. Nani ne tuhan kin ditde Allah di kwes-kwau di niyaijo ninno bijo kikau cem ri. Na di tuhan kin ditde Allah di aya srak ko hagau da cem e, adimig mben Babel ei lene abindei ba, isindem bibor leu binhyepo aba yok bikes hukum ei nyeni dip.

ROMA 1:20

Habiei ei nimbie him tirigi Allah pai tes dihyeisi dini ne tungwatu nya ingon dorti tut Allah de nisindemti di ngwig hon nohonti bi ba, ingon dorti tut bipia Noni ne Allah di nijit ri. Ba, bit bon tungwatu nya ingat mun dini yok bou igyai him kan bi noro hagom jo nibreisi mem yok tug hon Allah nipai testi. Gima rino bit bon ibuhup hanyen bipai mun mem ibisu tindei kan bi.

ROMA 16:26

Noro tini bu ne Allah di niyaijo kikau mbot kep tut mimun dima brei bak mben dihyeisi dini hagom tug hon srat di nabi nya ipas ei su nya leu binhyepo tungwatu yahagom iba ingon com Noni bibit nihyet.

NINDAT KEP TUHAN NICUKTI NYA 16:21

Gino jibon nimbar hum dok mem jide tuhan Allah lene ma jitas kwar biei Asyera biya simiak nimbar dima au.

NINDAT KEP TUHAN NICUKTI NYA 32:40

Dani ne Allah di niyaijo rin ba, dikon dinda bideheng tut tug hon dinyeng bipia,

NINDAT KEP TUHAN NICUKTI NYA 33:27

Jiya coi Noni dem kep nok jiya coi tring behei ninno tu lene ninda di sindem hati tut je bijo ninno bijo kikau. Tirigi jimbut-mbut nyen pima lene Noni njei jide siceu nya sindam ei joho bei bicuk je bipia suar jihwen yahagom bingwig ug.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

IBRANI 13:8

Yesus Kristus luei ningonti kan bi ei nijam gi nipou kin nijam di nogindini kin nijam di nidipti di jo kikau bi sren.

NIJAM NIKEI NYA 3:7

Jei bi lene mben Israel ibon sisar tut ide tuhan Allah. Ibbwe ser Noni apino ikuk yok bak kwar di inyeng Baal kin Asyera.