NITRITI 21:17 - ALLAH NIHYET MEM TUNGWATU NYA

¹⁷ Lene Allah miap Hagar nipmot Ismael di pim leu api malaikati Allah de nihyet tibim kwei leu mpia-bbed him bipai Hagar e, Hagar e, apim tut nggon i? Ma attin bu au lewo Allah miap apmot nihyet tu.

NITRITI 21:17 ပူးပေါင်းရင်းမြစ်များ

NITRITI 15:1

Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

NITRITI 16:11

Jei bi lene ayai apmot lene ma ajem ninyeng Ismael lewo tuhan miap ahyet tirigi po aba ayai nggwei bahara pima.

NITRITI 16:7

Lene tuhan de malaikati tau kep noni ei iggum ndigsi tirigi dut minyei leu minyei bousi di jo kak puig di ug ei Syur ba,

NITRITI 16:8

hig ser noni “Hagar na di Sarai de awak e, akwei leu hantou i? Ba, aug ei hantou bu i?” Lene Hagar buhup “Dinang leu sop ndig di Sarai.”

NITRITI 16:9

Lene malaikati dima pai bak “Ma angkwei hanyen ndam ade sop ndig dima ba, aba abou coi mem nihyet.”

NITRITI 22:11

Noro tuhan de malaikati gom nihyet tibim kwei leu mpia-bbed him bimbrua ser noni bipai “Abraham! Abraham!” Lene Abraham miap bipai “We? Da rini!”

NITRITI 24:7

Lewo tuhan di ninyeng tak kep mpia-bbed him jem da kwei leu dicig kin dide bat nya itimieisi ba, preu ei mem da bipia ditde nintun him yamti di bram yam nya mporo miba yokep minu dini hagom. Noni rino micuk Nide malaikati gom di mpu na leu binhyepo abuwak sop gom kwei bak dipmot nok nitnem.

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 46:3

Lene Allah pai binoni “Dani ne Allah di acig kuk no bak ri. Ma attin tut gima ambut ug ei minu Mesir au. Lewo midibindei ba, ade nintun him yamti di bram yam nya idigek bibor binok mben nindig bibor bu.

NIBOU NDIG NYA GI NICAN 13:23

Noro tuhan ngondut Nide limwa nya ba, kos ser igyai munti nya cem. Noni mpu yok bisindui sut ba, isar bi drek dip gi preu di Noni bon bak Abraham kin Ishak kin Yakub. tuhan bbwe ser Nide limwa nya bi sren kikau kwei bipek ammani kep.

NIBOU NDIG NYA GI NICAN 13:4

Leu api Yoahas ngat nadi bak tuhan. tuhan ngat lo, mben Siria ide nibou ndig ba nisibut biborti bico kep mben Israel apino tuhan buhup Yoahas de nadi dima.

MAZMUR 10:14

Noro ningat ne Nani angat gima tu ba, angig ayai kep niduhug-duhug nyenti kin niweisi. Ba, atin ei kikau mem gima ampu yok. Yo di isindem bi nya ikes yonti ei anda nsi. Ampu kep yo di yuhui mbum nya kikau kwei bipek ammani kep tu.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

MAZMUR 6:8

Ditde siceu di iba nitok bida nya ibindei ba, dingon ngguk kikau apino diyai cem dindi ba, piga haigtu bi a.

MAZMUR 65:2

Allah e, dem mem nyeni ninggei sut Nani ei Sion ba, niyai hagom bit leu nok nipreu ei mem Nati cem,

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

NEHEI LEUSI 14:13

Lene Musa buhup “Jidigit tut au! Ma jingon nddong hak ug! Mbigom mijingat notou tuhan miteu je bijingwes ngun bou jiyai him ug ri. Nogindini jingat mben Mesir dima noro jei bi ne mijingat yok bu bi sren.

NEHEI LEUSI 22:23

Leu gino jibibon yok nok gima lene Da di tuhan midibuhup ighyet tirigi yahara Da drek dip je.

NEHEI LEUSI 22:27

Lewo noni suar sinsun ndok di jei dima bijuk ser nidigokti. Gi bi lene noni mittin mindei kep noni ei nibongti mem mmun i? Gino noni hara Da mem gima dimpu noni lene midibuhup nihyet lewo dingondut noni.

NEHEI LEUSI 3:2

Ei sirima lene tuhan de malaikati ndo nonti bak Musa tug hon hum njeng di sror ei warti. Musa tou kep hum di ninjeng sror lene nggap leu tut lewo hum yem war dima bi.

NEHEI LEUSI 3:7

Lene tuhan pai binoni “Dingat bou diyai him bipia mben Mesir iba isibut co kep Ditde limwa nya. Lene dimiap Ditde limwa nya ighyet tirigi yahara Da leu binhyepo diteu yok bingwes ngun leu yo di ico kep yok dima. Dikan mungkun tut mun di buhun tak yok nya.

YESAYA 22:1

Gini ne nisok nihyetti tut Mbang Briep Ningat-hi-ngat ri. Timiei minu ndig Yerusalem e, nggon rino jahagom jikui ug ei ig ninjek dip i?

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

MATIUS 15:32

Lene Yesus hig yo di igya kui Noni kwei bipai biyok “Dingondut tungwatu ningot ndig dini lewo igwam bit Da mem njap ningai ba, njita ngwig leu yok tu. Dipi bidicuk yok bingkwei hanyen ug ei ide ig lo, inghop ngwak apino imai inggum hapuig ri.”

MARKUS 5:36

Noro Yesus ba ningha bak ighyet bipai bak Yairus “Dwai. Angon digit tut au noro ma angon jo kep Da!”

NINDAT KEP TUHAN NICUKTI NYA 26:7

Mpe dima ne ningat nadi bak tuhan di nok nyeni nidigup bat-nidigai bat nya ide Allah. Lene amiap kep nyende nadi ba, angat bou ayai him bipia niyai ninghuisi di wei ba, mun di buhun bibor cut igkep nye ba, ico kep nye cem ei mpia dima.

NIJAM NIKEI NYA 18:23

lene Mikha kin nisut bat nya isrep huk yok. Noro keret Dan dima yok ikiek yok bihig ser Mikha “Mindei i? Nggon rino akwei sut yo di imang bibor dima kwei i?”

SAMUEL GI NIGOM 11:5

Jam dima ne Saul sindi jem nide sapi nya kwei leu niyai midyaisi nya bihig ser yok “Jinggon i? Nggon rino jahagom jipim nok i?” Lene indat kep nihyet di buhun po mben Yabesh itri tut biyok pima binoni.