NITRITI 21:1 - ALLAH NIHYET MEM TUNGWATU NYA

¹ Lene tuhan njei mun di kei bak Sara bit leu nok noni preu sut ei mem noni nipou su.

NITRITI 21:1 ပူးပေါင်းရင်းမြစ်များ

NITRITI 17:16

Midinjei mun di kei bak noni leu api dibindei ba, noni migwam tut apmot gom bina. Midinjei mun di kei bak noni ba, noni minok pung nipmem di mben imang bibor intun him apino nide nintun him yamti di bram yam nya ibihi igyai inyeng nibou ndig.”

NITRITI 17:19

Noro Allah srep “Atnem Sara migwam tut apmot bina leu api ma ajem ninyeng Ishak. Midikrau kep Ditde gi preu ei bit na dima tug hon nide nintun him yamti di bram yam nya bijo ninno bijo kikau. Nipreu eisi dima ug hon nohonti bi sren.

NITRITI 17:21

Noro gi po dipreu ei bit na pima mitug hon apmot Ishak ri. Sara migwam tut noni ei ari bingwam gi dip noyam kin bed dini.”

NITRITI 18:10

Lene tungwagom leu ikieti simbot dat bipai “Bed muhwindatai bu lene midikwei ngat je hanyen bu. Mpe dima ne atnem Sara migwam tut nipmot.” Lene Sara ya ei ibou ningai pima inghim nyahan ei prak meng nsi dima nimbou bintu kep no dima nihyet.

NITRITI 18:14

Mun mindei rino bit bon tuhan yai kan bi i? Bed muhwindatai bu lene midikwei ngat je hanyen bu ba, ei mpe dima lene Sara migwam tut nipmot bit leu nok gi dipai bina tu.”

NITRITI 24:36

Tirigi nitnem wer sindig-ndau su lene noni yai nipmot bak Abraham leu api Abraham kes nide mun di nyeng tut pima hagom bak nipmot bu.

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

NIBOU NDIG NYA GI NICAN 4:17

Ari bingwam nidipti bu ei bed di nok gi pima lene noni yai nipmot gom bit leu nok Elisa nipreu ei mem noti.

MAZMUR 106:4

tuhan e, ayok ngon kep da tirigi ando Ade nisingatti bak Ade limwa nya. Ampu dani cem ei mpe di ateu yok bingwes ngun.

MAZMUR 12:6

tuhan pai “Siceu nya ico kep nikinei-kinau nya lene yo di inghuisi wei nya yahara kwop. Gima rino nogindini dikwei bindei ba, igyai nibong kei nigwam kei di igyok ingon mem dima.”

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 3:16

Aug ba, anduk nibou mben Israel yahagom ei gom ba, atri tut biyok bipia Da di tuhan di nok idigup bat-idigai bat di Abraham kin Ishak kin Yakub yoni ide Allah ba, dindo Danti bina tu. Atri tut biyok bipia dikwei yok diyai kep yok bidikan tut notou mben Mesir ibimangkrei yok tu.

NEHEI LEUSI 4:31

Apino yahagom iba ingon com Musa Harun nya ighyet. Tirigi imiap tut bipia tuhan yok ngon kep mben Israel bingat mun di buhun tak yok hagom bou niyai him lene ikuk yok binggei sut Noni.

MATIUS 24:35

Mpia-bbed him kin dihyeisi dini misar noro Da dihyet misar bi sren.”

LUKAS 1:68

“Jikwei ba, inggei sut mben Israel ide Tuhan. Lewo Noni kwei mpu Nide limwa nya ba, kwek yok leu mun di kat yok.

LUKAS 19:44

Yoni minggek jide ig hagom bitut timiei nya yahagom bingwig. Yoni mibindei timek je bitut timiei nya yahagom. Tig di jo-jo yam dip mijo bu bi lewo jingon hukti tut nituti di Allah kwei mem gima teu je bijingwes ngun bi!”

GALATIA 4:23

Sop di awak srek tut nipmot bit leu tungwatu nya ingut kanti noro sop di niyati kwes srek tut nipmot bit leu Allah nipreu ei mem Abrahamti.

GALATIA 4:28

Disut bat jen, jeni ne Allah nimunggwom bat nya rin ba, jintun Noni him tug hon Nide nipreu ei mem nyeti noyam kin Ishak di ntun Abraham him tug hon Allah nipreu ei mem Abrahamti.

TITUS 1:2

Ide niba ningon com Kristusti kin ide ningon dorti tut nihyetti ntun gi igyok ingon mem niyaijo nijep di jo kikausi di Allah preu ei mem nye habiei ei nimbie him. Ba, bit bon Noni ris binye kan bi.

SRAT RUT 1:6

Mpe hi bu tirigi Naomi bong ningkiaisi ei minu Moab lene noni miap tut mben Israel inghapti bipia tuhan ngondut yok bibindei ba, ide njita ei beisi yai ningat nindig bibor hanyen bu. Gima rino noni kin nignyot bat cin itin ei mem ingkwei hanyen leu minu Moab.

SAMUEL GI NIGOM 1:19

Njap di hyep bu lene Elkana nya ikiju mem ha yausi ba, ikuk yok bak tuhan mbigom kin bu leu api ingkwei hanyen ug ei minu ndig Rama. Jei bi lene Elkana kin Hana igyem njita tut yam apino tuhan buhup Hana nihyet po ngat nadi pima.

SAMUEL GI NIGOM 2:21

lene Allah njei mun di kei bak Hana. Noni yai nipmot bat nya ibou ningai kin nipmisop bat nya ibou can bu. Lene nipmot mighumbou di Samuel pima mahan tu ba, yai kep midyai mem Allah.