NITRITI 20:7 - ALLAH NIHYET MEM TUNGWATU NYA

⁷ Noro suar atug noni hanyen bak nijjep nogindini. Lewo nijjep ne nabi rin ba, noni mingat nadi tindei je leu binhyepo jitug ndei nimai bi. Amiap e, gino atug noni hanyen bak nijjep bi lene nani kin ade limwa nya cem jahagom mijitug ndei nimai hak.”

NITRITI 20:7 ပူးပေါင်းရင်းမြစ်များ

NITRITI 12:15

Lene yo di igya kui Firaun cem ingat lo, Sarai ne sop di ubbu rin leu api inga leu sut bak Firaun. Gima rino ibuwak Sarai ug ei Firaun de ig bei nsi.

NITRITI 12:17

Noro tuhan kes ninggwen di buhun bibor bihwen Firaun kin nide ig bei nsi yahagom drek dip gi noni buwak Sarai di Abram nitnem.

NITRITI 2:17

Noro harin dima apuk biei ngat di bindei tungwatu nya ingon dor niti tut gi kei nya kin gi kinei nya ba, ayem a. Leu gino ayem biei ngat dima lene amai hak mem njap dima.”

NITRITI 20:18

Lewo tuhan bindei ba, bit bon sop nya yahagom di ibong ei Abimelekh de ig bei inghop kan bi drek dip Sara di Abraham nitnem.

NITRITI 20:3

Njap poi ser lene Allah ndo Nonti bak Abimelekh. Tirigi Abimelekh bong bimumpriem mem mmun lene Allah sok kep noni ngkiem ser “Mbigom amai drek dip gi abuwak sop dima lewo noni bon nijjep tu.”

NITRITI 20:8

Lene njap di hyep bu Abimelekh nduk nide limwa nya yahagom kwei mem ha yausi bitri tut mun di bitimon noni pima hagom leu api yahagom idigit tut nindig bibor.

NITRITI 23:6

“Andigpoi e, nipai ningon kanti gom bina. Niba nibou di cut bak na di Andigpoi lewo anok nibou di sindem bibor. Gima rino ma atig atnem ningut ei nyende jui nsi gi hi di kei bibor kei bit leu angon kanti hak ug. Bikwop nyeni nahagom ningon llei sut gima nitin ei nyende jui nsi gom mem gima atig atnem ningut eisi.”

SAMUEL GI NICAN 24:17

Tirigi Daud ngat malaikati di ba nsuwer ajar bihwen limwa nya lene pai bak tuhan “Dani rino dibon sisar a. Dangkom ngat rino dibon mun di tunggwei dima. Noro yo di yuum hukum dima ne itunggwei sut mindei ngan i? Suar akes hukum ei dani kin ditde ig bei nsi nya dip hak ug.”

NIBOU NDIG NYA GI NIGOM 13:6

Lene Nibou Ndig Yerobeam hara nabi dima “Angat nadi tindei da bak ade tuhan Allah leu binhyepo Noni ngondut da bikinding dinda bikei hanyen!” Lene nabi dima ngat nadi tindei nibou ndig dima bak tuhan leu api ninda kei hanyen.

NIBOU NDIG NYA GI NICAN 5:11

Tirigi Naaman miap nihyet rino ningon sibui sut Elisa nindig bibor bipai “Dikan bigya nonti mikwei ya um da lene mingat nadi bak nide tuhan Allah leu api su ninda gau dingkek dip di bras yem dini bibindei ba, diyai dingkek ngun eisi hanyen hak ug!

NIBOHON MBEN ISRAEL GI NIGOM 16:22

“Ma jiwaisi Ditde limwa nya di didimig yok ei su nya au. Ma jibon mun kinei sut Ditde nabi nya cem au.”

NIBOHON MBEN ISRAEL GI NICAN 30:18

Ter bu leu yo dima lene keret Efraim kin Manasye kin Isakhar kin Zebulon nya imang bibor di ibindei pwoi yonti nipou leu api ikwei ei minu ndig Yerusalem bi cem yo rinaha. Gima rino ibon midut kep Njap Ndig Paskah dima noro ibit nisinati di dem mem Njap Ndig Paskah bi. Gima rino Nibou Ndig Hizkia ngat nadi tindei yok bipai,

AYUB 34:19

Noni tti kin nibou ndig nya ba, mig mbus yo di inyeng nya leu nikinei-kinau nya bi. Lewo yoni ne Nide tungwatu di pai testi nya ri.

AYUB 42:8

Nogindini ma jijem sapi nikre ningut muhwindacan kin domba nikre ningut muhwindacan ba, jijem bak Ayub. Lene ma jibui mindhe dima hagom bijindig kep hum ei nimbar hum dokti drek dip jide sisar. Ayub mingat nadi tindei je lene midibuhup nihyet. Mbro nok gino jiji kipa tut Da bijipai mun di igbit bi lo, midibinim kep je ba, suar jibiang jipai munti nya nibuhunti bi. Noro Ayub pai mun di igbit tut Da.”

MAZMUR 25:14

tuhan ne yo di ingon gom nya isut rin bimbot kep tut ningon kanti biyok.

NEHEI LEUSI 18:17

Lene Yitro pai “Ayai midyai dima tug hon nisinati di igbit bi.

NEHEI LEUSI 4:16

Noni mimbrap tug hon anyeng ei jide limwa nya yoho bei. Noni miba niji di ngkiem biya hacan mem na. Lene apingok ningonti tut nihyet di mitibim ei nuhui him tereu nok tuhan rino pingok tungwatu nya ingonti.

NEHEI LEUSI 7:1

Lene tuhan pai bak Musa “Amiap e, midibindei ba, akindig Harun minok no di binut ahyet ba, noni mitri tut ahyet bak Firaun tereu nok nabi di binut dihyet bak tungwatu nya.

YEREMIA 14:11

tuhan pai bida “Ma ahara mem Da leu binhyepo dimpu yo dima au.

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEREMIA 27:18

Gino yoni ne nabi di nijit di igyai nisokti dima leu Dani rin lene nnaba yahara bak Da di tuhan Di Disindem Bibor leu binhyepo dibindei ba, siceu nya ipos ndigban nya niken di jo ei Ditde Ig kin nibou ndig de ig ei minu ndig Yerusalem bittei ug ei minu Babel au.

YEHEZKIEL 3:18

Gino disok dihyet tut no di mbuk igkei ei nani dip bipia jei bi ne no dima mitug midut lo, asok kep no dima leu binhyepo noni ttin ser nide sisar biningwes ngun bi lene noni mimai ei nide sisarti noro suar abiang nimaisi nibuhunti hanyen.

YEHEZKIEL 33:8

Gino ditri tut bipia no di mbuk mitug midut noro asok kep noni leu binhyepo luei ningonti tut niyai munti nya leu binhyepo ningwes ngun bi ne noni mimai ei nide sisarti noro suar abuhup hanyen biDa tut nimaisi.

IMAM NYA IDE MIDYAI 6:4

Gino tungwagom bon sisar tug hon nisinati nya dima,

IMAM NYA IDE MIDYAI 6:7

Lene ma imam bon midut nibiyai nikos ser sisarti dima mem no dima leu binhyepo tuhan mikos ser no dima nide sisar.

KISAH 8:24

Lene Simon hara Petrus kin Yohanes bipai “Ma jingat nadi bak Tuhan leu binhyepo mun di jipai kep dati dima hi cut igkep da bi.”

KORINTUS GI NIGOM 14:4

No di ba nihyet mindur bimbrap biyai nisindem bak nonti njem he noro no di tri tut Allah nihyet biyai nisindem bak yo di mbusyamei nya yahagom.

IBRANI 1:1

Nipou yo ne Allah ba nisinati di ter leu yam bitri tut ningon kanti bak idigup-idigai bat nya mbirimang bibor tug hon nabi nya.

IBRANI 13:4

Suar tungwatu nya yahagom iba ingon bisrip huk bipia niwak yamti ne mun di kei bibor ri. Gima rino ma nijjep-nitnem nya ingon gom tut yam. Lewo Allah mikes hukum ei yo di icut tut yam kin yo di ipigau ijjep bat-itnem bat nya dip.

YOHANES GI NIGOM 5:16

Gino jigom ngat nisut no di Kresten di bon sisar di bindei ba, nide niyaijo nijep di jo kikau srawir bi ne ma jingat nadi tindei noni apino Allah mitug niyaijo nijep hanyen binoni. Dipaisi dini bitut yo di ibon sisar di bindei ba, ide niyaijo nijep di jo kikau srawir bi nya. Noro sisar ninyeng gom bindei ba, niyaijo nijep di jo kikau pror hak leu tungwatu nya ba, israwir. Tut nadi di bitut sisar dima ne dipai bije tut bi.

SAMUEL GI NIGOM 12:19

Leu api ipai bak Samuel “Andigpoi e, angat nadi bak tuhan di nok ade Allah mem nye ser nhyema nitug ndei nimai bi. Jo nibreisi mem nye tu bipia nibon sisar tirigi po nahara mem nibou ndig di ninyeng tak kep nye pima ba, nibikum ei nyende sisar nindigsi nya hagomti.”

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.

SAMUEL GI NIGOM 7:5

Lene Samuel nduk mben Israel yahagom kwei ei Mizpa bipreu ei mem yok bipai “Midingat nadi mem je ei mpia dima.”

SAMUEL GI NIGOM 7:8

Lene ibidip huk Samuel bipai bak “Ma ahuk nadi bak Allah kikau leu binhyepo Noni miteu nye ba, ingwes ngun leu mben Filistin indati.”