NITRITI 2:17 - ALLAH NIHYET MEM TUNGWATU NYA

¹⁷ Noro harin dima apuk biei ngat di bindei tungwatu nya ingon dor niti tut gi kei nya kin gi kinei nya ba, ayem a. Leu gino ayem biei ngat dima lene amai hak mem njap dima.”

NITRITI 2:17 ပူးပေါင်းရင်းမြစ်များ

NITRITI 2:9

Noni bindei ba, biei di kei-kau di ngat ningat di kei bibor bikwop ninyeng hagom hei ei miaisi. Lene Noni ta biei di bindei dino tungwatu nya igyaijo kikau kin biei di bindei dino tungwatu nya ingon dor niti tut gi kei nya kin gi kinei nya. Noni ta biei dini hacem ei miai ninggimau.

NITRITI 20:7

Noro suar atug noni hanyen bak nijjep nogindini. Lewo nijjep ne nabi rin ba, noni mingat nadi tindei je leu binhyepo jitug ndei nimai bi. Amiap e, gino atug noni hanyen bak nijjep bi lene nani kin ade limwa nya cem jahagom mijitug ndei nimai hak.”

NITRITI 3:11

Lene Allah hig ser noni “Tou ripai bina bipia angat ngu i? Ayem biei ngat po dicuon ser na leu pima tu e?”

NITRITI 3:17

Lene Noni pai bak no di pinai “Amiap kep atnem nihyet pima ba, ayem biei ngat di dicuon ser na tut tu. Gima rino midimbriom dihyei apino suar nani ayai midyai sindem kikau ba, ug bipek ayaijo ningwig honti leu binhyepo dihyei yai ningat di dem mem nani.

NITRITI 3:19

Suar acom amuhup nindig bibor tirigi ayai miai ba, ahanggwap mbilen kikau bibou abingkwei hanyen ug ei dihyeiti lewo dibon nani leu dihyei dima. Dibon nani leu dihyei ba, mporo angkwei hanyen ug ei dihyeiti.”

NIBOU NDIG NYA GI NIGOM 2:37

Gino abisinggre ba, asigon minyei pmot Kidron lene suar atug ndei nimai drek dip ba, abiang ayai munti nibuhunti drek dip atunggweisi dima.”

NIBOU NDIG NYA GI NIGOM 2:42

lene cuk tungwatu ba, yuug buwak Simei kwei leu api pai bak “Dibindei ba, apreu ei tug hon tuhan ninyeng bipia ma ambut-mbut nyen leu minu ndig Yerusalem bi. Lene disok kep na bipia gino ambut-mbut nyen leu minu ndig Yerusalem lene mporo atug ndei hukum nimai. Sipreu ei mem yam ba, ace tut bipia abit dihyet dima tu.

YEREMIA 26:8

Tirigi dikes dihyet tut tuhan nicuk dati nya hagom tu lene yo dima ikat da kros ba, ighyet ngwig kep da bipai “Suar ma ayai nimai drek dip ahyet di atri tut dima.

YEHEZKIEL 18:13

lene com mitiei bak tungwatu nya leu binhyepo iba hi bitem hanyen binoni e? No dima hek tut niyaisi e? E bi! Mun di mbuk bibor di noni bibon pima hagom bindei ba, noni mitug ndei nimai drek dip. Noni mibiang nide sisar nibuhunti bitug ndei nimai.

YEHEZKIEL 18:32

Dingon llei sut gino tungwatu nya igyai nimai bi. Ma jittin ser jide sisar ba, jehek tut jiyaisi. Da di tuhan Di Dinyeng Jei Bibor disimbot dat tu.”

YEHEZKIEL 18:4

Dinyeng tak kep bikwop tungwatu dihyeisi dini hagom igyaijoti bitut andigpoi nya kin imunggwom bat nya cem yahagom. No di bon sisar ne nongkom mitug ndei nimai drek dip.

YEHEZKIEL 33:14

Gino disok kep no di mbuk bipia jei bi ne noni mitug ndei nimai apino noni mbres nonti leu sisar biyai kep mun di kei bibor kin mun di igbit,

YEHEZKIEL 33:8

Gino ditri tut bipia no di mbuk mitug midut noro asok kep noni leu binhyepo luei ningonti tut niyai munti nya leu binhyepo ningwes ngun bi ne noni mimai ei nide sisarti noro suar abuhup hanyen biDa tut nimaisi.

MBEN ISRAEL IMBUT-MBUT NYEN 26:65

Lewo tuhan pai ei su bipia yoni yahagom mimai ei iggum ndigsi. Lene nipaisi pima pek kep tu lewo yahagom imai bingwig noro Kaleb di Yefune nipmot kin Yosua di Nun nipmot he ingat rin ba, imai bi.

ROMA 1:32

Mbro nok gino yo dima ikan tut bipia Allah nihyet pai ser yok bipia yo di ibon sisar dima yok mitug ndei nimai lo, igyai kikep mun di kinei dima hagom he bi noro ice tut yo di igyai bram igyaisi cem.

ROMA 6:16

Jikan tut bipia gino jikuk je bak tungwagom bijibit nihyet lene jinok awak mem no dima lewo ninyeng tak kep je. Gino jikuk je bak sisar bijibit sisar nicuk jeti nya ne gini bindei nimai. Gino jikuk je bak Allah bijibit nihyet ne gini biyai jingon di kwes kin Noni.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

ROMA 8:2

Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

KORINTUS GI NIGOM 15:22

Bit leu nok tungwatu yahagom itug ndei nimai drek dip gi intun Adam him lene yahagom mikiju hanyen leu imai eisi drek dip gi inok gom kin Kristus.

KORINTUS GI NIGOM 15:56

Nimai de nisindemti ntun sisar him ba, sisar de nisindemti ntun Puig Yahudi niggai serti him.

GALATIA 3:10

Allah sigion yo di iba ingon com bipia igyai ingon di kwes kin Noni tug hon gino ibit Puig Yahudi niggai serti nya yahagom. Bit leu nok gi ipas ei Allah nihyetti “Tungwa tou rino ba ningon di gom bibit Puig Yahudi niggai serti kikau bi ne Allah sigion no dima.”

EFESUS 5:14

Lewo mun hagom di tungwatu nya ingat biput kei dima ne nipigati ngat ri. Gima rino tungwatu nya itri tut a He na di abong mai e, ma ada ayai ba, akiju leu nimai eisi! Kristus ninjeng mipiga digai na ri!

NINDAT KEP TUHAN NICUKTI NYA 27:26

‘Ma tuhan sigion no di bit tuhan nicukti kin ningginausi nya hagom bi.’ Lene limwa nya ibuhup ‘Igbit ri!’ ”

NINDAT KEP TUHAN NICUKTI NYA 30:15

Njap di ammani dibon nituti mem gima jima gi kei e, he jima gi kinei e? Mem gima jima niyaijo e, he jima nimai e?

NINDAT KEP TUHAN NICUKTI NYA 30:19

Nogindini dibon nituti mem gima jima niyaijo e, he jima nimai e? Nituti mem gima jima gi kei e, he jima nisigion jeti e? Njap di ammani dihig mpia-bbed him kin dihyeisi dini ikwei bingat jide nikos tutti bou igyai him. Gima rino ma jikos tut bipia jima niyaijo.

KOLOSE 2:13

Nipou ne mun di bitut jinnei mai ei sisarti. Jicoi bit midut sunat di ntun Puig Yahudi niggai serti him bi. Noro tini bu ne Allah win je bijiyai niyaijo nijep bit Kristus. Allah kos ser ide sisar hagom tu ba,

TIMOTIUS GI NIGOM 5:6

Sop kibom di ba noho rok mun di ngat ningwes eisi lene mbro nok gino niyaijo yo lo, mai su.

YAKOBUS 1:15

Gino noni nyohou ningon pri kep mun di ngat ningwes eisi dima lene sisar ntun him. Gino sisar dima mahan tu lene nimai ntun him sindam.

YOHANES GI NIGOM 5:16

Gino jigom ngat nisut no di Kresten di bon sisar di bindei ba, nide niyaijo nijep di jo kikau srawir bi ne ma jingat nadi tindei noni apino Allah mitug niyaijo nijep hanyen binoni. Dipaisi dini bitut yo di ibon sisar di bindei ba, ide niyaijo nijep di jo kikau srawir bi nya. Noro sisar ninyeng gom bindei ba, niyaijo nijep di jo kikau pror hak leu tungwatu nya ba, israwir. Tut nadi di bitut sisar dima ne dipai bije tut bi.

NINGAT-HI-NGAT NYA 2:11

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Bikwop yo di ibindei cut sisar nisindemti migyai ninghuisi wei tug hon nimai gi nican bi sren.”

NINGAT-HI-NGAT NYA 20:14

Leu api malaikati gom com nimai kin minu nimai nya ide ug ei muk humti. (Muk hum dini ne nimai gi nican ri.)

NINGAT-HI-NGAT NYA 20:6

Yo di ikiju hanyen bit nimpung gi nigom dima ingon nggei-hi-nggei ba, ingon llei bibor cem. Nimai gi nican om kep yok bi. Inok imam mem Allah kin Kristus ba, inok nibou ndig di igwam kui Noni mem ari bingwam sribu gom.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”

NIJAM NIKEI NYA 3:2

tuhan ba nisinati dima bingginau mben Israel ide nintun him yamti di bram yam nya tut nikon pranti lewo igikon pran bit ide siceu di nipou nya bi sren.

SAMUEL GI NIGOM 14:39

Dipreu ei tug hon Allah di niyaijo di bindei ba, ide siceu nya icut bak nyeni ninyeng bipia mbro nok gino no di ningon mui dima ne dipmot Yonatan rin lo, suar no dima tug ndei nimai.” Pai nok noro hi hap niji bimbrap bi.

SAMUEL GI NIGOM 14:44

Lene Saul pai binoni “Gino atug ndei hukum nimai mem njap di ammani bi lene handei kon ba, Allah kes hukum ei da dip hak ug!”

SAMUEL GI NIGOM 20:31

Gino disindui sut ba, Daud niyaijo lene mporo aya luei dohoti nok nibou ndig di ninyeng tak kep minu dini bi sren. Gini jo nibreisi mem na bi e? Gima rino ma acuk tungwatu nya ba, yuug nggok Daud bikat kwei lewo suar ma noni tug ndei nimai!”

SAMUEL GI NIGOM 22:16

Noro nibou ndig Saul pai “Ahimelekh e, suar nani kin ade adig-ajoi nya jahagom jitug ndei nimai.”