Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NITRITI 19:9 - ALLAH NIHYET MEM TUNGWATU NYA

9 Noro mben Sodom dima imbrua ser nihyet bipai “Aya bileu! Nani ne ngkiai ba, anyeng tak kep nye bi. Aya bileu! Leu mbigom minimbuk tut na nindig bibor dor njiriek pinai cin dima.” Lene irok Lot ei itta bibisau ndam dimbou binggek.

အခန်းကိုကြည့်ပါ။ ကော်ပီ




NITRITI 19:9
21 ပူးပေါင်းရင်းမြစ်များ  

Lene Noni kan “Yo dini inok mben gom ba, imbrap ighyet gom ngat cem ba, sindi ikinyon ei igyai munti nya bit leu ingon kanti. Jei bi lene isindem mem igyai mun nyeng hagom bit leu ingon kanti bu ug ri.


Abram gwam bibong hak ei minu Kanaan lo, Lot ba nide prak meng bohok ig jibei ei minu ndig ngot ei mbang briep ndig Yordan kikau ba, ug ei dideu Sodom.


Lene no dima buhup “Tou rindo nani nok nibou kin nikei dino abakei nyeti i? Mpaba ma ayai nimai bida nok gi po ayai nimai bak timiei minu Mesir gom pima e?” Apino Musa ningon digit tut bikan “Aye! Tungwatu nya ikan tut mun di siyai annani pima tu.”


Yo di ingon ki nya itindei ser mun di kinei bimbres yonti leu noro yo di ingon mbum nya ibou buwei ba, iba ingon ko-ko wai.


No di um mindhe beruang niwek di nimien nya ipror leu noni ne buhun bi gino ibinai sut no di um no di ningon mbum di ta nibou ei nide midyai di yai ariwaceti a.


Tig kin iggum wer buhun haigtu bi gino ibinai kin ningon di buhun di cut igkep tungwatu nya tug hon no di ningon mbum nihyet.


Noni kinyon ei gipai nihyetti lo, suglai mun bit leu nisuglai mun ngan-nganti noro bikui dip gimbrap nok no di mirei bon.


Ba, mun di Allah kos tut ei mem tungwagom-gom mipek kep mem yok bibikwop yahagom. Gima ne mun nyeng gom di biyai ingon di buhun rin ba, noyam kin mun nindigsi nya di pek kep mem tungwatu dihyeisi dini hagom. Tirigi tungwatu nya ingonti mpung tut mun di buhun ba, ibou ngwakti cem mpung tut ningon mbumti cem mem nijam di igyaijo ei dihyeisi dini. Leu api innei kimbas kros hak.


Imbrua ser tungwatu nya bipai ‘Jiya bileu nye bijingget nye au! Nimbres nye leu je lewo nikwes-kwau!’ Noro diyai ngkek ttin yok bidingon mpo tut yok! Dingon sibui sut yokti dem kep nok hum di sror di imu hanyen kan bi.


Gima rino biget di kwei leu mpia-bbed him ntus. Biget di but mem nijam di but di biwaisi biei di nimeng tu cem gi but kwei bi. Jidem kep sop di nikrar jut. Gi mbun jimmai sut jenti kan bi.


Ningat ne ma suar immai sut gi ibon mun di kinei bibor dima. Noro ingkek ndok ba, immai sut yonti kan bi. Gima rino yoni mimai nok nimbiam noyam kin nindigsi nya. Tirigi dikes hukum ei yok dip ne igyaijoti mingwig hon. Da di tuhan disimbot dat tu.”


Je di Ditde limwa nya e, suar ma jimmai sut gi jibon mun di kinei dima hagom. Noro jingkek ndok ba, jigikan tut jide nimmai sut jentiti bi. Gima rino mijimai nimbiam noyam kin nindigsi nya di imai su. Tirigi dikes hukum ei yok dip lene igyaijoti mingwig hon.


Minu ndig Sodom ya tut nide minu mien nya bikon yonti lewo ide njita di jo mem yok nya ne nindig bibor. Ibong nyahan ba, ibong kei igwam kei cem. Noro igingondut nuhwap mbum nya kin nikinei-kinau nya bi.


Ma jiyai mun di Allah nyeng tut nya bak nsien nya au. Lewo yoni mingkwei hanyen ba, yaham je. Nok gima cem ma jiba sriou tiei njep biris na nya au. Lewo yoni mico kep sriou tiei njep dima ug ri.”


Lene noni cug Daud bipai “Akwei! Midiyai nimai bina ba, awer nimbiam leu api midikes angut ei mem ha nya bipuk lene mindhe nya bibriug ug ri.”


Ne gino no dima buhup “Nnaba siyai igbit Musa nipingok sati ba, sindig ninggwo kep hum nipou ug e leu api adigo nikenti bit leu angon kanti.” Gino buhup nok lene awak dima srep bipai “E bi! Ayai hak bida nogindini. Gi bi lene midipos mikwau dima kindi-kindok leu na ug ri.”


Gima rino Inyinai e, abinai sut mun di buhun dini ba, akos tut mun nyeng dima ayai haninyai. Lewo Daud nya ikos tut bipia mibuhup ba, ikes hukum ei side Andigpoi kin nide ig nsi nya hagom dip ug ri. Side Andigpoi ningkek ndok apino dem tut gima miap hi nipingok noti kan bi.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ