NITRITI 19:37 - ALLAH NIHYET MEM TUNGWATU NYA

³⁷ Nipmisop mighumbou yai nipmot bijem ninyeng Moab ba, noni nok pung di mben Moab intun him ei nijam dini.

NITRITI 19:37 ပူးပေါင်းရင်းမြစ်များ

NITRITI 19:36

Gima rino Lot nipmisop bat cin yahacem inghop tug hon icigya.

MAZMUR 83:9

Lene mben Asyur di intun Lot him cem ibicom yam bit mben dima yok ba, yahati tut yok.

ZEFANYA 2:8

tuhan Di Sindem Bibor pai “Dimiap tut mben Moab kin mben Amon di ighyet kinei sut Ditde limwa nya biba ighyet bicig yok tu. Yoni ingon jei bikan bipia igyai Ditde limwa nya ide dihyei bigyati.

MBEN ISRAEL IMBUT-MBUT NYEN 21:29

Aye, mben Moab e, buhun mem jeni! Je di jikuk je bak Kamos e, jisar ri! Jide mun di jikuk je bak dima sindui sut je ba, jinang ug ei jingkiaisi. Nibou ndig mben Amori kat jide sop nya bimbut tut.

NINDAT KEP TUHAN NICUKTI NYA 2:19

Tirigi jikes je kikau kak puig ei minu Moab lene mijidideu minu Amon. Yoni ne yo di intun Lot him ri. Ma jiwaisi yok bijihwen yok cem au. Lewo midipek dihyei hanjop nsi di diyai biyok tu dima hi poi mien leu yok bak jeni cem bi.’ ” (

NINDAT KEP TUHAN NICUKTI NYA 2:9

Mpe dima ne tuhan pai bida ‘Ma jiwaisi mben Moab nya au lewo yoni ne Lot de di intun noni him di bram yam nya ri. Ma jihwen yok cem au. Diyai minu Ar bak yoni tu lene midipek ide dihyei hanjop nsi hi poi mien bak jeni cem bi.’ ” (

NINDAT KEP TUHAN NICUKTI NYA 23:3

Harin dima mben Amon kin mben Moab bitut ide nintun him di bram yam nya gi nigom kikau ug bipek gi nisimnai icoi bit tuhan de limwa nya a.

SRAT RUT 4:10

Lene dibiyai Rut di kibom timiei mben Moab po nijjep Mahlon mai leu noni tu pima cem binok ditnem. Tug hon nisinati dima lene yo di intun Mahlon him minyeng tak kep dihyei hanjop nsi dima bijem Mahlon nok ide pung di intun him cem kikau ei nitimieisi dini. Jingat mun dini yok hagom bou jiyai him ammani tu.”

SAMUEL GI NIGOM 14:47

Niabiati mben Israel ita Saul nok nibou ndig lene noni kon pran bit nide siceu nya bidem hantou-hantou bitut mben Moab kin Amon kin Edom yahagom kin nibou ndig nya ei Zoba kin Filistia. Tirigi noni kon pran lene nide siceu nya yahagom icut bak noni.