Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NITRITI 19:3 - ALLAH NIHYET MEM TUNGWATU NYA

3 Noro Lot bidip huk yok kikau bicigit yok kui nide ig leu api ice. Lene Lot tin ei njita di mmau bikang roti nindak poi cem mem yok bigyem.

အခန်းကိုကြည့်ပါ။ ကော်ပီ




NITRITI 19:3
18 ပူးပေါင်းရင်းမြစ်များ  

bipai biyok “Andigpoi jen, ma jikwei ba, yuug ei ditde ig bei nsi. Ba, jipiap jimig leu api jibong bit da. Njap di hyep bu gino jingon kanti jimbut nut bu leu api jikiju bijimbut ug.” Noro ibuhup “Nok ug e. Asindui sut nye binibong hak ei mpia di jo bas hak ei minu ndig dini.”


Tirigi Abraham nipmot wer ndig nut bidut do bu bi lene nicig bon pesta nindig bibor kep noni.


Lene Laban pigo noni bipai “Ningat ne tuhan njei mun di kei bak na di Arig tu! Aya hak ei nisai dini tut nggon i? Akwei bit da ba, suug ei ig bei nsi. Ditin ei nghim nsi gom mem na biditin ei mpia di dem mem unta nya cem tu.”


Lene Ishak bon pesta mem yok. Lene igyem njita ba, idut ba anggur ngei bit yam.


Mpe di gom bu ne Elisa ug ei Sunem. Lene sop timiei Sunem gom cigit noni kui ig bingei njita mem noni. Gima rino tirigi noni ngkwei-ngkwei nyen kep Sunem lene noni gwam sindam biyem njita bit noni.


Lene tuhan pai “Ma jiyem roti di dwoi kikau mem njap muhwindacan dima au. Ma jicom roti ninjep leu jide ig bei nya mem njap gi nigom. Leu gino tungwagom yem kep roti di dwoi ei ninsi njap muhwindacan pima lene Noni minok Ditde limwa bu bi.


Yuug krau Sukot tu lene inon ide roti di dwoi bi di ikon kwei leu minu Mesir. Lewo Firaun jji yok kros leu minu Mesir apino bon nituti mem ingei njita kin roti mem yonti bi.


Ginok lene notou mem na i? Dipai bipia mbro nok gino anok nisut rin lo, noni mikiju bikwas roti tut nani bi. Noro noni mikiju bikwas mun di asuar nya hagom tut na drek dip gino abrim angkek kep noni ba, ahara noni kikau.


Lene niceu cuk noni hanyen bu ‘Aug buwak tungwatu nimikuisi nya yahagom kwei leu minu mien di gahai dini kou leu binhyepo ditde ig mpung.


Mpe dima lene noni bon pesta nindig bibor ei nide ig mem Yesus ba, yo di igya tindei belasten bigyem tungwatu nya imuhup nindigsi nya kin yo di hiter imang bibor induk yam kwei ba, igwam bit Yesus bigyem njita.


Yo dima ingei njita mem Yesus nikweisi. Marta hati tut yok bitri njita tut yok. Lazarus cem gwam bit yo di igwam kui meja bigyem njita bit Yesus.


Gima rino ma jikwei ba, iba roti di ninjep srigsi bi bibon pesta kep ide Njap Ndig Paskah. Lewo roti di ninjep srigsi bi tereu nok ingon di gom kin nipwoi Allah ningon. Ma iba roti timiei di ninjep srigsi bibon pesta kep ide Njap Ndig Paskah au. Lewo roti timiei di ninjep srigsi tereu nok sisar kin mun di mbuk nya.


Kristus ningon ngakei nyeti ninyeng tak kep niyai munti nya. Ba, nikan tut bipia tungwagom ngat mai biya luei nindigsi nya yahagom. Gini ndo bipia yahagom imai ei ide sisarti tu.


Ma jiba jikou bicigit ngkiai nya kui ig au. Tug hon nisinati dima lene bihi iba ningon di hukti bi bicigit malaikati nya kui ig tu.


Gima rino Gideon ngkwei hanyen ug ei nide ig bei bibui kambir di nehen pap ningut gom bibam lene ba tepun naham gom bikang roti di dwoi bi. Lene noni kes mikwau dima ei bansiti ba, hug ningei cem ei yeng gomti bikwei sut. Lene yai hagom bak tuhan de malaikati di gwam mem noni ei biei ndig pima nitriti.


Lene haninyai sop dima bui sapi nehen pap ningut gom bibam. Lene ug yai tepun di roti ninjep joti bi bikang nok roti.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ