NITRITI 19:24 - ALLAH NIHYET MEM TUNGWATU NYA

²⁴ Lene tuhan kes hum kin belerang di cig-cai kros leu mpia-bbed him kep Sodom kin Gomora.

NITRITI 19:24 ပူးပေါင်းရင်းမြစ်များ

NITRITI 13:10

Lene Lot cap ser minu dima bingat mbang briep ndig ei Yordan nyai bingat lo, bon minyei nimangti kikau ug bipek minu ndig Zoar ba, noyam kin tuhan de miai kin minu Mesir cem. (Minu dima hagom nok gima nipou tirigi tuhan cok tut Sodom kin Gomora bigyo.)

NITRITI 13:12

Abram gwam bibong hak ei minu Kanaan lo, Lot ba nide prak meng bohok ig jibei ei minu ndig ngot ei mbang briep ndig Yordan kikau ba, ug ei dideu Sodom.

NITRITI 18:17

Lene tuhan kan “Dem mem gima siku singon kanti bijo nding leu Abraham bi.

NITRITI 19:23

Hammi tirigi mpia pri bicom nimig rino Lot ug krau Zoar.

AYUB 1:16

Nipou tirigi awak dima kes nihyet hon bigyo lene awak gom kin bu kwei krau bipai bak Ayub “Kigyei tot domba kin gembala nya ba, yahagom imai bingwig noro dangkom ngat he rino dingwes ngun bidikwei pai sut bina di Andigpoi.”

AYUB 18:15

Tini bu ne hiter bong ser nide prak meng nsi lene niabiati iba aspal ngei bigimahap mpia dima ba, ibidip tut no di nggwen nibongti.

MAZMUR 11:6

tuhan ba mun di buhun bibor kin hum kin aspal nggei kin hou di dut bibor di yem yok binggus bikes hukum ei yo di isibut bibor nya dip.

NEHEI LEUSI 9:23

Lene Musa kon nide tom kui mpia-bbed him leu api tuhan bindei ba, kru cut lene biget mbras nok tig njep ba, kigyei ninjeng srei ug ei dihyeisi. tuhan bindei ba,

YESAYA 1:9

Gino tuhan Di Sindem Bibor sindui sut nye ba, ibou poi ingwes ngun bi ne nyeni yahagom isar bingwig dem kep nok Sodom kin Gomora.

YESAYA 13:19

Minu Babel rino kei bibor kei dor njiriek minu ninyeng tak kepti nindigsi nya ba, timiei di ibong minu ndig dima ingon llei sut. Noro Da di tuhan dibindei bitimek noyam kin gi po dibindei timek Sodom kin Gomora.

YESAYA 30:33

tuhan tin ei mpia di mem nindig hum eisi mem nibou ndig Asyur ningut habiei nipou yo tu. Mpia dima jut cem nyan cem ba, mpung tut biei nindig di kui sur mpia eisi tu. tuhan miba ninnei di miep dem kep aspal ngei di biam bipindei biei dima binjeng.

YEREMIA 20:16

Nnaba no dima noyam kin minu ndig di tuhan ba ningon di nggriu bi bindei timek nya. Nnaba noni miap yo di ighyet sra tut nidut kin niwei mem mpia ngket kin pun mbrei di biwin yo di ikon pran nya nitibimti,

YEREMIA 23:14

Noro dingat lo, nabi nya ei minu ndig Yerusalem ibon sisar nindig bibor binjiriek yok bu. Lewo iris ei tungwatu nya dip cem icut tut hiter nitnem cem yahati tut yo di igyai munti nya kinei bibor cem kikau ba, hi ttin ser nide sisar kan bi. Ba, yahagom ibon kep sisar di kinei bibor noyam kin timiei minu ndig Sodom kin Gomora bou diyai him.”

YEREMIA 49:18

tuhan mibindei sar minu Edom noyam kin gi Noni bindei sar minu ndig Sodom kin Gomora bitut minu mien ngot di jo ttai nya. Hi di bong ei mpia dima bu bi. Da di tuhan disimbot dat tu.

YEREMIA 50:40

Dibindei timek minu Babel noyam kin gi dibindei timek minu ndig Sodom kin Gomora bitut minu mien ngot di jo ttai nya. Tungwa hi dima bong ei sirima bu bi. Da di tuhan disimbot dat tu.

NIBWOS-BWOS NYENTI 4:6

tuhan kes hukum di buhun bibor ei ditde limwa nya dip dor njiriek timiei minu ndig Sodom di tuhan Nonti bindei timek yok kros dem kep igyai mpau di bingmai mbigom he. Mun di buhun dima cut igkep yok tug hon tungwatu igyai munti nya bi o!

HOSEA 11:8

tuhan pai “Je di mben Israel e, bit bon disindui sut je bidikes je ei kan bi. Mbro nok gino dibindei ba, mben Adma isar bingwig ba, dibibon mben Zeboim kinei lo, gino dibibon je nok gima ne gima dem dingon bi lewo dingondut je nindig bibor!

AMOS 4:11

Dibindei ba, jibihi jitug ndei nimai noyam kin mben Sodom kin Gomora di itug ndei nimai. Yo di ingwes ngun leu jikieti nya noyam kin no di nide bat iteu leu ig di hum yem. Mbro nok gima lo, jigingkwei hanyen ndam Da bi.

ZEFANYA 2:9

Da di tuhan diyaijo ba, dinyohou minu Israel de limwa nya. Gima rino midicok tut mben Moab kin Amon nya nipwoi leu ide minu noyam kin gi dicok tut minu ndig Sodom kin Gomora nya. Minu dima yok mimpung tut jui nsim bousi kin mpia ninggek sinsiousi di war nggig-nggwen com niti he nya. Ditde limwa niken-ken di ingwes ngun nya micut igkep timiei minu dima bipos ndigban leu yok bigyai dihyei di ide nya bigyati.”

LUKAS 10:12

Ma jiyok ngon kep bipia tirigi Njap dem mem Allah kes hukum ei tungwatu nya dip lene ningon nggriu sut timiei minu ndig Sodom nya dor njiriek minu ndig dima.”

NINDAT KEP TUHAN NICUKTI NYA 28:24

tuhan mikes biget minyei di but kwei bi noro mikes niyap kin iggum di mbras noyam kin biget bibihwen je kikau ba, jibisar kep.

NINDAT KEP TUHAN NICUKTI NYA 29:22

Ei nijam di nidipti bu lene jide nintun him di bram yam nya kin ngkiai nya leu minu ting nya mingat mun di buhun dima yok kin ninghuisi wei di tuhan bindei bihwen jide minu cem.

NINDAT KEP TUHAN NICUKTI NYA 29:23

Jide miaisi nya hagom mporo wer iggum ndigsi di belerang kin nsim ut kep. Dem mem ita mun eisi bi lene minta cem hei ei sirima bi. Jide minu midem kep minu ndig Sodom Gomora nya kin Adma Zeboim nya di tuhan bindei sar tirigi nigga biborti cig-cai.

PETRUS GI NICAN 2:6

Nok gima cem tut Sodom kin Gomora. Allah ba hum bidip tut minu cin dima nok bindo di bindo tut mun di micut igkep yo di isibut nya.

YUDAS 1:7

Ma jiyok ngon kep minu ndig Sodom kin Gomora kin minu mien di gahai nya. Lewo timiei minu dima yok igyai bram malaikati dima yok igyai kepti nya bicut tut yam. Pinai yonti icut tut yam ba, sop yonti icut tut yam apino yahagom itug ndei hukum ei hum njengti di bit bon hi mu kan bi. Ba, gima nok mun di bisok kep bijo nibreisi mem yo di yahagom.

NINGAT-HI-NGAT NYA 14:10

midut Allah de ba anggur ngei. Gima ne ba anggur ngei nigga biborti rin lewo Noni hug ba anggur ngei dima ei Nide mokti di bindo tut nigga biborti tu ba, minyei srigsi bi. Apino yo dima yahagom mitug ndei inghuisi wei ei humti kin belerang ngeisi ei malaikati di kwes-kwau nya kin Domba Pmot yoho bei.