NITRITI 19:14 - ALLAH NIHYET MEM TUNGWATU NYA

¹⁴ Gima rino Lot bisau buug ngat pinai cin di igyok wa kep nipmisop bat cin lene bidip huk yok bipai “Suar jibipbur ba, jinang leu sirini lewo tuhan micok tut hagom ug ri.” Noro ikan bigya noni cat eisi he.

NITRITI 19:14 ပူးပေါင်းရင်းမြစ်များ

MBEN ISRAEL IMBUT-MBUT NYEN 16:21

“Ma jitti bileu limwa dima yok lewo ditin ei mem dibindei sar yahagom ug ri.”

MBEN ISRAEL IMBUT-MBUT NYEN 16:45

“Jisujou leu yo dima. Leu midibindei sar yoni cem ei mpia ttou nsi dima ug ri!” Noro yo cin ikuk yok biba ingwak bikik dihyei,

YEREMIA 51:6

Ma jiteu jenti bijingwes ngun ug! Ma jinang leu minu Babel hak leu ma jitug ndei nimai drek dip yo dima ide sisar! Lewo tto bou dem mem dibirop mben Babel ide nisibutti ba, dikes hukum ei yok dip bit leu ibon munti di kinei nya.

MBEN ISRAEL IMBUT-MBUT NYEN 16:26

bimbrua ser mben Israel “Ma jiya bileu yo di isibut dini ide prak meng yati lene ma jingget ndigban nyeng gom di inyeng tut nya au. Gino jibit dihyet dini bi lene tuhan mibindei sar jeni cem bit yoni drek dip ide sisar di ibon nya.”

NIBOHON MBEN ISRAEL GI NICAN 30:10

Tirigi tungwatu di ipinak yok ug dima ittei srat pima ba, ijo leu minu ndig hi ug ei minu ndig hiter nya ei hanjop Efraim kin Manasye ba, kikau ug bipek kin nite bei mpia nijjai ei keret Zebulon ide hanjop nsi cem rino timiei minu ndig dima yok yahagom ipa tut yok ba, ighyet kinei sut yok.

KISAH 17:32

Tirigi yo dima imiap Paulus tri tut tungwagom di kiju hanyen leu nimai eisi tu lene ibou poi ipa ndip noni lo, hiter ipai binoni “Ningon ya mem nituti tirigi akwei tri tut nihyet dini hanyen binye.”

LUKAS 24:11

Noro yo di igya kui Yesus ikan bigya sop nya ipai-pai wai he. Gima rino ingon bit ighyet bi.

MATIUS 9:24

lene cuk yok “Jahagom jehei leu! Misop dini mai bihigom bi noro bong mai he yo.” Lene yo dima yahagom insrik ser nihyet.

YEHEZKIEL 20:49

Noro da di Yehezkiel dindo dingon buhunti bidipai “tuhan Di Ninyeng Jei Bibor e, ma acuk da biditri tut nihyet dima au! Yahagom inso-nso nyen tut da drek dip gi diba nihyet nibiti nindati he bitri tut nihyet apino nggruk bibor mem gima ingon huk niti a.”

YEREMIA 20:7

tuhan e, disindui sut ba, aba ninsi di mmau biris da tu. Asindem bibor dor njiriek da ba, aom kep da tu. Tungwatu nya yahagom iba da bikek ba, ipa ndip da kikau njap jei cem.

YESAYA 28:22

Dimiap tut tuhan Di Ninyeng Jei Bibor ba, Sindem Bibor cem nikos tutti mem gima bindei sar jide minu titut yam tu. Ma jihyet kinei sut nihyet nibisok kepti di ditri tut bije dini au. Jei bi lene nggruk bibor mem gima jiteu jenti bijingwes ngun a.

NIPINGOK NINGONTI 29:1

No di ba ningkek ndok bibuhup bak nindigsi nya di ipingok kep noni ninyen ne mpe di gom noni mitug midut nipou tirigi luei ningonti tut bigyo.

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

TESALONIKA GI NIGOM 5:3

Mpe dino tungwatu nya mitri tut biyam “Yahagom ibong kei igwam kei ba, mpia mbum-bra” lene mun di bindei timek yok micut igkep yok kros noyam kin sop di ninghim dut tut munggwom lene bit bon ingwes ngun kan bi.

LUKAS 9:42

Tirigi mot dima mbut ndam Yesus lene ninnei rom dahat kukwei noni binjei noni ug ei dihyeisi. Noro Yesus cuk ninnei rom dima ba, hei leu mot dima lene noni kei hanyen leu api Yesus kes noni bak nicigya.

MATIUS 1:18

Yesus Kristus tirigi nimbie him ningwoi-ngwoi sindi nipmem srek tut nok gini. Yusuf yok wa kep Maria noro nipou tirigi iwak yam bigyem njita tut yam bigyo ne Maria kan tut bipia nghop tu lo, tug hon Ninnei Gi Kwes.

NEHEI LEUSI 12:31

Mmun dima cem Firaun sok nihyet mem Musa kin Harun ikwei ngat noni bicuk yok bipai “Suar jeni kin jide limwa nya jahagom juug bihigom hak! Jikes ditde minu dini ei bijimbut leu! Leu binhyepo jikuk je bak jide Allah bit leu jingon kanti!

NEHEI LEUSI 9:21

Noro nindigsi nya ingkek ndok tut tuhan nisok kep yokti lene isindui sut ide awak nya kin ide mindhe-ndhe nya bigya ei nisai.

NITRITI 19:22

Abipbur haninyai ba, abrim amig lewo bit bon diyai dibou tut bigyo bibou aug krau minu dima nipou leu ug e.” Lot ndat minu dima bipia minu mien. Gima rino tungwatu nya ijem minu dima ninyeng Zoar.

NITRITI 19:17

Lene malaikati gom cuk yok bipai “Jinang bihigom leu minu dini leu binhyepo jingwes ngun! Jitou kep jinghim dip ba, jiya hak jiyati ei mbang briep dini au! Suar jinang kikau bijillu ug ei cet him dima leu binhyepo jimai bi!”

NITRITI 19:15

Dideu njapti rino malaikati cin dima ibisau huk Lot bipai “Abipbur ba, abrim amig bitut atnem kin apmisop bat cin bijinang bihigom leu sirini leu binhyepo jimai ba, jingwig tirigi nicok tut minu ndig dini bi.”

YEREMIA 43:1

Tirigi ditri tut tuhan di Allah Israel de nisok nihyetti hagom bak limwa nya bit leu Nide nicuk dati biyok tu,

YEREMIA 43:2

lene Azarya di Hosaya nipmot kin Yohanan di Kareah nipmot kin yo di nindigsi nya di inggei sut yonti dima ipai bida “Abicum yo! Nyende tuhan gicuk na mem gima acuon ser nye tut gima nuug bong ei minu Mesir bi.