NITRITI 19:13 - ALLAH NIHYET MEM TUNGWATU NYA

¹³ Lewo minicok tut minu ndig dini ningwig ug ri. Timiei minu ndig dini inghapti di kinei bibor tibim ei tuhan nitingou nsi tu ba, Noni cuk nye kwei leu binhyepo nicok tut Sodom bihigom.”

NITRITI 19:13 ပူးပေါင်းရင်းမြစ်များ

NITRITI 18:20

Lene tuhan pai bak Abraham “Tungwatu nya ipai kep mben Sodom kin Gomora inghapti ba, ningat ne ibon kep sisar nindig bibor.

YUDAS 1:7

Ma jiyok ngon kep minu ndig Sodom kin Gomora kin minu mien di gahai nya. Lewo timiei minu dima yok igyai bram malaikati dima yok igyai kepti nya bicut tut yam. Pinai yonti icut tut yam ba, sop yonti icut tut yam apino yahagom itug ndei hukum ei hum njengti di bit bon hi mu kan bi. Ba, gima nok mun di bisok kep bijo nibreisi mem yo di yahagom.

KISAH 12:23

Hammi tirigi ikon ighyet nok rino Tuhan de malaikati gom tot Herodes kros lewo noni nggei sut Allah Nongkom he bi. Apino nji nya isui ningut bibindei ba, mai hak ug.

YAKOBUS 5:4

Jitak kep awak di igyai miai nya imuhup leu yok bijiyem imuhup bingwig su. Suar jintu kep mun di yoni inso je tut! Jide awak di igyai njita kwei leu beisi nya ighyet tibim kikau ug ei Allah Di Sindem Bibor nitingou nsi tu.

YESAYA 37:36

Lene tuhan pinak Nide malaikati gom kwei ei mben Asyur ide prak meng yati mem mmun dima ba, yai nimai bak tentara nya ibou sribu sratus gom ningot muhwindaningai bimuhwi. Njap tekti lene tungwatu nya ingat lo, imai biwer nimbiam sinsiou ei dihyei ninjek dip.

YESAYA 36:10

Jikan bipia tuhan mimpu nye tut gi ninjei siceu di nihwen jide minu ba, nibicut jide minu ninyeng cem dima bi e? tuhan Nonti rino cuk nye kwei leu binhyepo nikon pran bit je binico kep jide minu dini hagom bingwig a.”

YESAYA 3:11

Noro buhun bibor mem yo di isibut nya! Midibibon yok noyam kin gi yoni ibibon nindigsi nya.

NITRITI 13:13

Mpe dima lene timiei minu ndig Sodom nya imbuk bibor ba, ibon sisar tut tuhan.

NITRITI 19:12

Lene yo cin pima ipai bak Lot “Gino abon apmot bat nya kin apmisop bat nya hi e, he sijjep ade nya kin agnyot bat nya hi e, he ade bat nindigsi nya hi e, yahagom ingat rin ei minu ndig dini lene suar abuwak yok ba, jinang leu minu dini.

IMAM NYA IDE MIDYAI 26:30

Lene midicok tut mpia di jikuk je kikep bak mun di mipror yon eisi nya di jo bidem mbigdip nya ba, midinggek jide nimbar di jindig kep biei nggrai di ui-gwang kei kikep eisi ba, midicom jide nimai ngut nya ei jide kwar di tti tu pima yok dip cem. Midiba ningon him wei,

NINDAT KEP TUHAN NICUKTI NYA 4:26

Gino jibit dihyet bi lene mpia-bbed him kin dihyeisi dini mitou kep je nok tungwagom di mipai brei sut jiyai munti nya lene jei bi mijipror hak leu minu di jibong kei jigwam kei eisi ei Minyei Yordan nite dima ug ug ri. Mijibong ser minu dima mem nituti poi he leu api tuhan mibindei ba, jimai bijingwig.

NINDAT KEP TUHAN NICUKTI NYA 28:45

Mun di buhun dima yok hagom micut igkep je lene miwaisi kep je kikau ba, juug bisar ug. Lewo jibit jide tuhan Allah nihyet ba, jibon igbit niggai serti nya di Noni tri tut bije bi.

YEREMIA 44:22

tuhan om ningonti tut gi ngat jibon munti di kinei kin gi suwok dima bu bi tu. Gima rino nogindini jitimieisi timek tu. Tungwatu ibong ser bu bi noro iba minu dima ninyeng bisigion yam. Yo di ingat gima yok nya igyai ttin ningat tu.

MBEN ISRAEL IMBUT-MBUT NYEN 16:21

“Ma jitti bileu limwa dima yok lewo ditin ei mem dibindei sar yahagom ug ri.”