NITRITI 18:8 - ALLAH NIHYET MEM TUNGWATU NYA

⁸ Gima ngwig lene Abraham ug yai sapi do ngei di tungwatu nya idut kin gi hi di ntan nidip kin mikwau di ibam pima bingei njita tut yo di ikwei cem kep noni. Lene Abraham nonti kwas njita tut yok tirigi igwam ei biei nghousi dima.

NITRITI 18:8 ပူးပေါင်းရင်းမြစ်များ

NITRITI 18:7

Lene noni bipbur buug ngat nide sapi nya ba, mig sapi pmot di nimmau ndok ningut gom bijem kwei bak nide awak ba, awak dima bipbur ba, bui bidigo mikwau haninyai.

NITRITI 18:9

Lene ihig ser Abraham “Atnem Sara no hantou i?” Leu api noni buhup “Sara no gwam prak meng nsi.”

NITRITI 19:3

Noro Lot bidip huk yok kikau bicigit yok kui nide ig leu api ice. Lene Lot tin ei njita di mmau bikang roti nindak poi cem mem yok bigyem.

NEHEMIA 12:44

Mpe dima lene indo ibou poi mem gima igya ser ninsi di inju munkwas ngug-ngau ngot di mem tuhan De Ig ba, igyok eisi. Gima ne bitut munkwas di ikwas gom leu ningot gom lene nok kin ningat ei miaisi gi ngat nimbie him ngat di ikwas bikwop ari bingwam cem. Suar yo di igya ser dima imbus munkwas dima yok leu miai di igyai sir minu ndig kin minu mien nya hagom keyam leu api ittei hagom bikes bak imam nya kin Lewi nya dem igbit Musa nicuk yoti. Apino limwa Yehuda nya iba ingon com imam nya kin Lewi nya dima yok,

YESAYA 7:15

Tirigi nipmot dima mahan ba, ningon tungwatu ne tungwatu nya mibong kei migwam kei.

YESAYA 7:22

do ngei di noni miyai leu mindhe-ndhe dima nimangti midor njiriek mem ibou poi di niken di igwam ei minu dima idutti. Ningat ne yo dima midut sapi do ngei kin ahwei lon ngei ri.

LUKAS 12:37

Gino iceu kwei hanyen bittau kep yok tirigi igyai ngkiem ba, itin ei cem tu lene yo dima ingon nggei-hi-nggei. Ma jiyok ngon kep bipia iceu mijuk nide sinsun ndok di jei leu no leu api sindui sut yok bigwam kui meja leu api mingei njita mem yok.

LUKAS 17:8

Nok bi! Noro jicuk noni ‘Akwen njita mem da lene ma ajuk sinsun di pwoi leu api abitin ei njita mem da. Agwam nyahan bibou diyem njita bididut ndia ngei nipou ug e. Gima ngwig leu api ayem ade njita abia.’

LUKAS 24:30

Tirigi Noni gwam kui meja biyem njita bit yok lene Noni krau roti bipai sigyo kep bak Allah biki kukiau tut yok.

LUKAS 24:43

Noni krau wau dima biyem hagom bingwig bou igyai him.

YOHANES 12:2

Yo dima ingei njita mem Yesus nikweisi. Marta hati tut yok bitri njita tut yok. Lazarus cem gwam bit yo di igwam kui meja bigyem njita bit Yesus.

KISAH 10:41

Noni ndo Yesus brei bak tungwatu yahagom bi noro bak nye dino Allah dimig nye ei nimbie him leu binhyepo ningat Noni bou niyai him. Niyem njita bit Noni niabiati Allah win Noni hanyen leu nimai eisi.

GALATIA 5:13

Noro disut bat jen, Allah hig je leu binhyepo jiyati kwes. Noro harin dima jiba niyati kwes dima bibon nituti mem jibit jingut kanti di kinei nya. Noro ma jingon ngakei yam bijinok awak mem yam cem.

NINDAT KEP TUHAN NICUKTI NYA 32:14

Yoni idut sapi kin kambir do ngei nindig bibor ba, ide domba kin kambir kin sapi nya hagom pap-nap kei. Ide gandum kin ba anggur ningei hagom kei bibor kei.

NINGAT-HI-NGAT NYA 3:20

Jimiap e, diya kui dimbou heisi bidipuk dimbou ba, no di miap dihyet bikau dimbou leu Da lene midicoi ug ei nide ig bei nsi leu binhyepo niyem njita bit yam.

NIJAM NIKEI NYA 13:15

Manoah kan tut no dima ne tuhan de malaikati rin bi. Gima rino pai binoni “Gino ajoi sut nye lene ma agwam mbigom kin bu leu api nuug bui kambir nehen pap ningut gom binibam mem nani ug e.”

NIJAM NIKEI NYA 5:25

Mpe di po Sisera nggobiau ba, hara minyei pima lene Yael hug sapi do ngei ei mok di nibok kak biborti bak noni bidut.