NITRITI 18:21 - ALLAH NIHYET MEM TUNGWATU NYA

²¹ Suar da duug bisis ser yok leu binhyepo dikan tut bipia inghapti di tibim ei ditingou nsi dima igbit rin e, he igbit rin bi e?”

NITRITI 18:21 ပူးပေါင်းရင်းမြစ်များ

NITRITI 11:5

Lene tuhan juk kwei leu gwamti bingat tungwatu nya ide minu ndig di nijep bitut ig di ibon ninggre di jo-jo yam dip anai di timiei dihyeisi dini ingot bou inda him.

NITRITI 11:7

Nna ba nyeni nihwou ndam yok ba, ninggek tut ighyet leu binhyepo imiap yam hyet bu bi.”

NITRITI 18:17

Lene tuhan kan “Dem mem gima siku singon kanti bijo nding leu Abraham bi.

NITRITI 6:12

Lene Allah ngig niyai kep dihyeisi dini bingat lo, dihyeisi mpung tut mun di kinei lewo tungwatu nya yahagom ibon munti nya kinei bibor.

AYUB 34:22

Bit bon nidinditi di dindi-kai cem ku yo di ibon sisar nya leu Allah niyai him kan bi.

MAZMUR 14:2

tuhan cap kwei leu gwamti bingig niyai kep tungwatu nya. Noni nggok ser yo di ingon ki di ikuk yok biNoni.

MAZMUR 90:8

Lewo akon nyende nitunggweisi bijo ei Aho bei. Nyende sisar di niku nyahan jo bou ayai him.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 33:5

Lewo tuhan sok nihyet ei Musa dip mem yoni bipai “Jingkek ndok bibor. Nok gino dingat rin bit je jei bi lo, midicok tut je bijingwig. Gima rino ma jipas jide mun di jindei hagom leu api midikos tut dingon kanti mem je.”

YEREMIA 17:1

tuhan pai “Je di timiei Yehuda e, jikilis kep jide sisar ei jingonti kin jide nimbar hum dok nuhuisi nya dem kep nok no di ba buk nika di ba ngkimom nitu bibon bicim tig permata intan ei niyenti.

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YUNUS 1:2

bipai binoni “Akiju ba, aug ei minu ndig Niniwe lene ma aba acot pai bak timiei nya bipia Da di tuhan dikan tut ide sisar di kinei bibor tu.”

MIKHA 1:3

Noni juk kwei leu nigwam kepti di kwes kei leu api mbut-mbut nyen ei nungug dip nya ei dihyeisi dini.

ZEFANYA 1:12

Mpe dima lene miditin mini ba, dibiput ser minu ndig Yerusalem. Midikes hukum ei limwa di ingon hou ser yam kin yo di ijoi sut yonti njem kin yo di ikan bipia Da di tuhan dibindei mun di mpu yok kin mun di cut igkep yok bi nya yahagom dip.

LUKAS 16:15

Noro Yesus pai biyok “Jindo jenti dem kep nok yo di ingon sren nya ei tungwatu nya igyai him noro Allah kan tut mun di jo ei jingonti. Lewo mun di tungwatu nya ikan bipia bon ninyeng rino bon ninyeng ei Allah niyai him bi.

YOHANES 6:38

Lewo dijuk kwei leu gwamti leu binhyepo diyai midyai bit leu Danti dingon kanti bi noro bit leu No di cuk Da kwei ningon kanti.

KORINTUS GI NICAN 11:11

Nggon rino dipai nok i? Drek dip gi dingon ngakei je bi e? Noro Allah kan tut bipia dingon ngakei je!

NINDAT KEP TUHAN NICUKTI NYA 13:3

ma jingig jitingou mem nihyet au. Lewo tuhan di nok jide Allah ba no dima bibingon je leu binhyepo Noni mikan tut bipia jiba jingon titut bingon ngakei Noni e, he bi e.

NINDAT KEP TUHAN NICUKTI NYA 8:2

Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.

TESALONIKA GI NIGOM 4:16

Mpe dima lene Allah nihyet sra tut nicukti lene malaikati nibou ndig nihyet kin Allah de pun mbrei hacem mitibim leu api Tuhan Yesus Nonti mijuk kwei leu gwamti. Lene yo di imai su di iba ingon com Kristus nya mikiju hanyen leu imai eisi bibie ug e.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

YOSUA 22:22

“tuhan he rino Allah Di Ninyeng Jei a! tuhan he rino Allah Di Ninyeng Jei a! Noni kan tut nyeni ningon kanti tut mun di nibon dini lene handei kon ba, jeni cem jikan tut ningon kanti dima. Gino nikiek ba, naham nimbuk kep tuhan ba, ningon gom tut Noni cem bi lene nna ba jiyai nimai binye nogindini hak ug!