NITRITI 18:2 - ALLAH NIHYET MEM TUNGWATU NYA

² Tirigi noni kon nibou lene ngat lo, ibou ningai itau kwei ei nide biyati. Hammi tirigi noni ngat yok rino dor um yok ba, kuk no biba ningwak bikik dihyei.

NITRITI 18:2 ပူးပေါင်းရင်းမြစ်များ

NITRITI 17:3

Lene Abram kuk no biba ningwak bikik dihyei leu api Allah pai binoni,

NITRITI 18:16

Leu api ibou ningai pima imbut biyuug ei nipieti gom bicap ser Sodom ba, Abraham ceu yok.

NITRITI 18:22

Lene ibou can ikes tuhan kin Abraham leu lene yuug kikau ndam Sodom lo, tuhan ya niyati bit Abraham.

NITRITI 18:3

Lene pai biyok “Andigpoi jen, nna ba jikwei cem kep da ei prak meng behei leu api midimpu je.

NITRITI 19:1

Niabiati malaikati ibou can pima icem kep Abraham tu lene yuug ei Sodom bikrau mem mmun. Mpe dima lene Lot di gwam kui dimbou hui ei minu ndig dima ngat yok lene kiju biya um yok. Lene kuk no biba ningwak bikik dihyei,

NITRITI 23:12

Lene Abraham kuk no hanyen ei mben Het yoho bei.

NITRITI 23:7

Lene Abraham kuk no ei yahagom yoho bei.

NITRITI 24:63

Mpe di gom ne noni hei leu prak meng mem mmunti biya-ya nyen ei susti lene ngat lo, unta nya rino itau ma kwei.

NITRITI 32:24

Noro Yakub gwam binongkom ei minyei nite hi. Lene tungwagom tau kwei bikat noni ba, idahat kukwei yam kikau binjap kep.

NITRITI 42:6

Yusuf tri gandum ngan bak tungwatu nya leu dihyei nisurti-nipekti hagom lewo noni ne nibou di ninyeng tak kep timiei minu Mesir nya yahagom ri. Gima rino nikindig bat nya ikwei kuk yok ei nimig him ba, iba ingwak bikik mpia.

NITRITI 43:26

Tirigi Yusuf kwei krau ig bei nsi tu lene nikindig bat nya ikon ndigban di kei bibor kei dima binjei bak leu api ikuk yok binoni ba, iba ingwak bikik mpia.

NITRITI 43:28

Lene ibuhup “I, ade awak andigpoi di nyeni nicig no niyaisi jo yo ba, noni nok gi kei cem.” Lene ikuk yok binoni ba, iba ingwak bikik mpia.

NITRITI 44:14

Tirigi Yehuda kin nikindig bat-nikinjoi bat nya icoi hanyen ug ei Yusuf de ig bei nsi lene ingat lo, Yusuf no gwam bimbut bigyo. Lene yahagom ikuk yok ei noho bei ba, iba ingwak bikik mpia.

NITRITI 48:12

Lene Yusuf kon yok leu Yakub nimigsi bikuk no ei nicig noho bei lene ba ningwak bikik mpia.

NIBOU NDIG NYA GI NICAN 2:15

Tirigi nabi ibou ningot muhwi leu minu ndig Yerikho ingat gima bou igyai him tu lene igyai nillei bipai biyam “Elisa ba nokep Elia de nisindemti tu!” Lene ikwei um noni bikuk yok ei nimig him.

ROMA 12:13

Ma jikwas jide mun di jima nya tut jisut bat yo di Kresten di yuhui mbum nya ba, jicigit tungwatu nya kui ig cem.

IBRANI 13:2

Ma jiba jikou bicigit ngkiai nya kui ig au. Tug hon nisinati dima lene bihi iba ningon di hukti bi bicigit malaikati nya kui ig tu.

YOSUA 5:13

Mpe dima lene Yosua ya nyen dideu minu ndig Yerikho bingat lo, tungwagom tt au kros biya ei Yosua noho bei ba, krau simeda gom. Lene Yosua dideu noni bihig ser “Atti kin nyeni e, he atti kin nyende siceu nya e?”

PETRUS GI NIGOM 4:9

Ma jicigit yam kui ig lo, jilua sok tut au.

NIJAM NIKEI NYA 13:3

Mpe di gom ne tuhan de malaikati tau kep Manoah nitnem bipai bak “Ningat ne kwei bipek njap di ammani kep lene apijet yo. Noro jei bi lene ma anghop tut munggwom nipinai.

SRAT RUT 2:10

Lene Rut ba ningwak bikik dihyei ei Boas nimig him bipai binoni “Andigpoi e, dani ne dem mem gima abibon da nok gima bi. Nggon rino na di Andigpoi asingat tut da di ngkiai ba, abibon da nok i?”