NITRITI 18:19 - ALLAH NIHYET MEM TUNGWATU NYA

¹⁹ Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

NITRITI 18:19 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

NITRITI 17:9

Lene Allah pai bak Abraham bu “Suar nani kin ade nintun him yamti di bram yam nya jahagom jikrau kep gi preu dini kikau.

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NITRITI 35:2

Lene Yakub sok kep nide bat nya kin nide limwa nya yahagom bipai biyok “Ma jicom ngkiai ide kwar di ikuk yok bak di jipwoi-pwoi nyen leu ba, jibon midut di bindo bipia jingon kwes hanyen leu api ma jijuk sinsun di pwoi kei.

SAMUEL GI NICAN 22:22

Dibit tuhan de nicukti nya ba, digikiek doho tai leu ditde Allah bi.

SAMUEL GI NICAN 7:20

Bit bon dahap diji bidimbrap bit Na bu kan bi! Akan bidem tut mun di jo ei Ade awak di dani dingonti hagom tu.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NICAN 14:3

Ninda jo kep nimbar hum dok kin mpia di ikuk yo bak kwar eisi nya di mben ngkiai ide binggek hagom bingwig. Lene ya kep kwar di itas ei nya ba, kki bindung-ndiem hak ba, ya kep dihim di itas ei mem kwar Sop Asyera nya cem binjei bitti hak ug.

NEHEMIA 9:7

tuhan e, Nangkom ne Allah ri. Adimig Abram leu nide mben ikieti leu api abuwak noni kwei leu minu ndig Ur ei minu Babel. Hon kep njap dima bikui ne ajem ninyeng Abraham.

AYUB 1:5

Mpe di igyem pesta ba, ngwig binjap kep lene Ayub kiju mem ha yausi leu api bon midut nibiyai ningon kwesti mem nimunggwom bat nya bibindei ba, ingon kwes kin tuhan. Lewo noni kan bipia hi rima simunggwom gom bon sisar ba, nihyet wer mpiahi tut Allah e? Sikan tut bi.

MAZMUR 1:6

Lewo tuhan bie tut yo di ingon sren nya binyohou yok noro yo di isibut nya no ikak puig di bie ndam nimai.

MAZMUR 11:4

tuhan Ningat rin ei Nide Ig di kwes-kwauti. Nide banggo mbrei no jo gwamti. Noni ngig niyai kep nimpung tungwatu nya ba, kan tut ide nibon munti nya hagom tu.

MAZMUR 34:15

Suar mbres nonti leu sisar biyai kep niyai munti di kei nya ba, bingon tut ningon jo nyahanti kikau cem.

NIPINGOK NINGONTI 22:6

Ma jipingok jimunggwom bat nya ingonti tut igyai munti di singat kei nya leu api yoni migyok ngon kep nipingokti dima ei mpe di yuug krau indig-ndausi.

YESAYA 38:19

Yo di igyaijo nya he rino ikon anyeng bit leu nok gi dikon anyeng mem njap di ammani. tuhan e, ndigpoi nya ipui sut Ade ningon gom biborti bak imunggwom bat nya.

IMAM NYA IDE MIDYAI 14:42

Lene ma ig ceu ba tig nijep biluei tig di sgwa yem pima. Lene ba plester nijep biluei plester di sgwa yem pima bu.

AMOS 3:2

“Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

MATIUS 25:17

Nok gima cem tut awak di yai mitiei mas sribu can ba mitiei dima bipek mun bitri lene biyai mitiei mas sribu can bikum eisi bu.

YOHANES 10:14

Dani ne gembala di ningon gom tut domba nya rin ba, dingat igbit Ditde domba nya. Nok gima cem Ditde domba nya ingat igbit Da.

YOHANES 21:17

Yesus hig ser noni nimbiningai bu “Na di Simon di Yona nipmot e, angon ngakei Da e?” Petrus ningon ngguk drek dip Yesus nipaisi lewo Yesus hig ser noni mbiningai su. Gima rino noni buhup “Tuhan e, akan tut mun nyeng hagom ba, akan tut bipia dingon ngakei Na!” Lene Yesus pai binoni “Ma anyohou Ditde domba nya.

KISAH 27:31

Noro Paulus pai bak kompi kin nide limwa pima yok “Gino timiei kibarti nya yoom ingon ei kibar nsi bit nye bi lene bit bon jingwes ngun kan bi.”

EFESUS 6:4

Munggwom cig jen e, ma jiba je yai yok bijibiyai ingon ten bingon sibui sut je drek dip au. Noro ma jiba Tuhan ningginausi nya bipingok yok ba, jinyohou yok bibou imahan ug e.

NINDAT KEP TUHAN NICUKTI NYA 32:46

noni pai biyok “Suar jibit dicuk jeti di ditri tut bije njap di ammani hagom. Ma jingginau jimunggwom bat nya tut tuhan nicuk jeti nya hagom leu binhyepo iba ingon gom bibit nihyet.

TIMOTIUS GI NIGOM 3:12

Suar yo di igya kui nibou nya iwak sop gom ngat he ba, inyohou pingok imunggwom bat nya ingonti kan ba, ibie tut ide ig bei nsi nya nok mungkun kei.

2 TIMOTIUS GI NICAN 1:5

Diyok ngon kep ade niba ningon com Kristusti di mungkun kei ba, dem kep nok adrot Lois kin apmem Eunike ide niba ningon com Kristusti. Lene dikan tut bipia nani cem aba angon com Kristus noyam kin yoni.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

2 TIMOTIUS GI NICAN 3:15

Ma ayok ngon kep bipia tirigi amien kikau kwei bipek ammani kep ne akrau kep Allah nihyet. Ba, nihyet dima sindem mem gima biyai angon di dorti leu binhyepo ayai niteu leu sisarti kin niyaijo nijep tug hon ade niba ningon com Kristus Yesusti.

YOSUA 24:15

Gino jikou sut gi jikuk je bak Noni lene ma njap di ammani jikos tut no di jikuk je bak. Mijikuk je bak nung nya di jidigup bat-jidigai bat nya ikuk yok bak ei Mesopotamia pima e, he jikuk je bak nung di timiei mben Amori ei minu di jibong eisi dini ikuk yok bak nya e? Noro tut dani kin dide bat nya nahagom minikuk nye bak tuhan Nongkom.”

NIJAM NIKEI NYA 13:12

Lene Manoah hig ser noni “Tirigi tto bou dem mem apaisi dima lene mininggon ndei nyeni nipmot i? Ando igbit angon kanti tut niyai munti nya bi nye.”