NITRITI 18:10 - ALLAH NIHYET MEM TUNGWATU NYA

¹⁰ Lene tungwagom leu ikieti simbot dat bipai “Bed muhwindatai bu lene midikwei ngat je hanyen bu. Mpe dima ne atnem Sara migwam tut nipmot.” Lene Sara ya ei ibou ningai pima inghim nyahan ei prak meng nsi dima nimbou bintu kep no dima nihyet.

NITRITI 18:10 ပူးပေါင်းရင်းမြစ်များ

NITRITI 16:10

Lene binut nihyet bu bipai “Mporo midibindei ba, ade nintun him yamti di bram yam nya idigek kep mpia ba, bit bon tungwatu nya ikwop imangti kan bi.

NITRITI 17:16

Midinjei mun di kei bak noni leu api dibindei ba, noni migwam tut apmot gom bina. Midinjei mun di kei bak noni ba, noni minok pung nipmem di mben imang bibor intun him apino nide nintun him yamti di bram yam nya ibihi igyai inyeng nibou ndig.”

NITRITI 17:19

Noro Allah srep “Atnem Sara migwam tut apmot bina leu api ma ajem ninyeng Ishak. Midikrau kep Ditde gi preu ei bit na dima tug hon nide nintun him yamti di bram yam nya bijo ninno bijo kikau. Nipreu eisi dima ug hon nohonti bi sren.

NITRITI 17:21

Noro gi po dipreu ei bit na pima mitug hon apmot Ishak ri. Sara migwam tut noni ei ari bingwam gi dip noyam kin bed dini.”

NITRITI 18:9

Lene ihig ser Abraham “Atnem Sara no hantou i?” Leu api noni buhup “Sara no gwam prak meng nsi.”

NITRITI 21:1

Lene tuhan njei mun di kei bak Sara bit leu nok noni preu sut ei mem noni nipou su.

NITRITI 21:2

Dem igbit tto bou di Allah preu ei nipou su lene Sara tta buhun bigwam tut munggwom pinai bak Abraham tirigi noni wer andig-ndau su.

LUKAS 1:13

Noro malaikati dima pai bak “Zakharia e, ma angon digit tut au! Allah miap ade nadi tu. Gima rino atnem Elisabet misrek tut munggwom pinai. Suar ajem ninyeng Yohanes.

GALATIA 4:23

Sop di awak srek tut nipmot bit leu tungwatu nya ingut kanti noro sop di niyati kwes srek tut nipmot bit leu Allah nipreu ei mem Abrahamti.

GALATIA 4:28

Disut bat jen, jeni ne Allah nimunggwom bat nya rin ba, jintun Noni him tug hon Nide nipreu ei mem nyeti noyam kin Ishak di ntun Abraham him tug hon Allah nipreu ei mem Abrahamti.