Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NITRITI 17:8 - ALLAH NIHYET MEM TUNGWATU NYA

8 Mbro nok gino abong angkiaisi ei minu Kanaan dini lo, mporo midiyai minu dini leu nisurti-nipekti hagom binani kin ade nintun him yamti di bram yam nya bijo ninno bijo kikau bidinok ide Allah ri.”

အခန်းကိုကြည့်ပါ။ ကော်ပီ




NITRITI 17:8
47 ပူးပေါင်းရင်းမြစ်များ  

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.


Leu mporo midipek hanjop nsi di acap ser dima yok hagom bina kin ade nintun him yamti di bram yam nya cem bijo ninno bijo kikau.


Nogindini ma ambut bidem minu dini nisurti-nipekti hagom leu mporo midiyai hagom bina yo.”


“Dibong dingkiaisi dini ba, nna ba jipek dihyei hanjop nsi gom bida leu binhyepo ditig ditnem ningut eisi.”


Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”


Nna ba Allah njei mun di kei bak nani kin ade nintun him yamti di bram yam nya bit leu nok Noni njei mun di kei bak Abraham! Nna ba anyeng tak kep minu di abong ser dini di Allah pek bak Abraham nipou su!”


Lene Yakub ug ngat nicig Ishak ei nibongti ei Mamre gi dideu Hebron. (Yakub nignyon Abraham cem bong ei sirima nipou su.)


Ikwas yam nok lewo ide mindhe-ndhe nya idigek kep mpia ba, imang bibor apino minu dima bon nibresti mem yahagom bi ba, mun di ibihyen kep ide mindhe-ndhe nya cem dem bi.


Mpe dima lene Yakub tot mpia hak ei nicig nitimieisi ei minu Kanaan.


Lene Noni preu ei mem da bipia Noni mibindei ba, ditde nintun him yamti di bram yam nya idigek kep mpia apino inok pung di keret nya imang bibor intun him. Lene Noni mipek minu dima hagom bida kin ditde nintun him yamti di bram yam nya bijo ninno.


Tug hon nisinati dima ne Allah minjei mun di kei bak ditde nintun him di bram yamti lewo Noni preu ei mem da tut gima bijo ninno bijo kikau tu. Noni nyohou yai mun nyeng hagom leu api miluei ningonti tut nipreu ei mem dati dima bi. Gino Allah bindei ba, dingon kanti dima mipek kep mem ditde nintun him di bram yamti lene midingon cut hon Nide nipreu ei mem dati.


tuhan pai bak “Midiyai minu Kanaan binani binok ade dihyei ninda rom.”


Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,


Noni preu ei mem noni “Midiyai minu Kanaan bina leu api ade nintun nani him di bram nani nya minyeng tut minu dima yo.”


Lene Musa pai bak mben Israel bu “tuhan mibuwak je ug ei minu Kanaan bit leu nok Noni ba neheng bipreu ei mem jeni kin jidigup bat-jidigai bat nya. Tirigi jinyeng tak kep minu dima lene,


ma niceu buwak noni ug ei ide ig mbusyamei bikes noni biya kui dihim gom ei dimbou heisi. Lene niceu tu nitingou meng. Tug hon nibon midut dima lene awak dima miyai midyai mem niceu kikau ug bipek niyaijo ningwig honti kep.


Midikwei bong bit mben Israel leu binhyepo ikuk yok biDa leu api midinok ide Allah.


Ayok ngon kep Ade awak di Abraham kin Ishak kin Yakub nya. Ayok ngon kep bipia apreu ei mem yok tug hon neheng bipia ide nintun him yamti di bram yam nya imangti midem ham mpia-bbed him. Lene apreu ei mem yok tut ide dihyei hanjop nsi bipia apek dihyei dima biyok leu binhyepo inyeng mitak kep hagom bijo ninno bijo kikau.”


Lene akiber mini nibon midut ei ibou nggram him bit leu nok akiber ei icig nibou nggram him pima leu binhyepo igyai kep midyai nok imam mem Da. Tug hon nibon midut dima lene yoni migyai inyeng imam bijo ninno bijo kikau.”


Dimiap kep mben Israel ighyet tirigi ilua biDa drek dip mben Mesir di iba isibut bico kep yok leu api diyok ngon kep mun di dipreu ei mem yok tu.


Midibuwak je ug ei minu po dipreu ei mem Abraham kin Ishak kin Yakub yoni tug hon neheng pima leu api midindo dihyei dima bije leu binhyepo jinyeng tak kep hagom lewo Dani ne tuhan ri.”


Nabi dima yok icuk je leu binhyepo jikes hon jiyaijoti di kinei bibor kin jibon munti di sisar ntun him leu binhyepo jibong kikau ei minu di tuhan yai bijeni kin jidigup bat-jidigai bat nya nok jide minu ninda rom dini.


tuhan pai “Tto bou dem lene midinok tuhan mem mben Israel ide keret nya hagom leu api yoni inok Ditde limwa nya.


Leu api yoni iba ingon di gom bibit didimigsi kin dicukti nya hagom. Yoni minok Ditde limwa nya lene dinok ide Allah.


“Na di tungwatu di ayaijo kikau bi e, mben Israel nindigsi di ibong ser itimieisi isimbot kep biyam bipai ‘Abraham nyeng tut minu dini nisurti-nipekti noro noni ne tungwagom ngat he ri. Tini bu ne nimang bibor tu. Gima rino suar nyeni niyai dihyei dini nok dihyei ninda rom.’ ”


tut ig di nisgwa nut yem. Nicukti dini yok mimbut mem nijam di mben Israel icoi ug ei minu Kanaan di tuhan yai biyok nok ide.


Suar mben Israel ibit dicuk yokti dini bijo ninno bijo kikau. Ma imam bon midut nibikos ser mben Israel ide sisar hagom mbigom mem ari bingwam gom lene nok. Gima rino Musa yai hagom bit leu nok tuhan nicuk noti.


Midingat rin bit je. Midinok jide Allah lene mijinok Ditde limwa nya.


bidibuwak yok hanyen kwei leu nite bei mpia nipriti kin nite bei mpia nicutti kwei leu api ibong ei minu ndig Yerusalem hanyen bu. Dibindei ba, inok Ditde limwa nya lene dinok ide Allah. Midiba ningon gom kin ningon sren binyeng tak kep yok.”


Lene Musa bon nidohoi Hobab di nicig ninyeng Rehuel leu Midian. Gima rino Musa pai binoni “Nyeni minimbut ug ei minu di tuhan preu ei mem nye bipia miyai bak nyeni. tuhan preu sut ei mem nye di mben Israel bipia minjei mun di kei binye. Gima rino ma abit nye ba, nani cem ayai mun dikei dima bit nye.”


Dikos tut noni kin nide nintun him yamti di ibram yam nya bipia inok imam bijo ninno bijo kikau lewo noni brim ningkek mem nide Allah binyohou dinyeng di jei bibor lene bindei ba, mben Israel igyai gi kos ser ide sisar.”


Lene tuhan cuk Musa bipai “Aug ba, akui ug ei Nungug Abarim leu binhyepo acap ug ei minu di midiyai bak mben Israel.


Mpe dima lene Allah ndo minu ttou nsi gom bak Abraham binok nide dihyei ninda rom bi. Noni pek hanjop nsi mien hi mem miai ngausi cem bi. Noro Allah preu ei mem noni kin yo di intun noni him bipia inyeng mitak kep minu dini hagom ei nidipti bu. Tirigi Allah preu ei mem noni dima lene Abraham yai nimunggwom hi bigyo.


Jide tuhan Allah ninyeng tak kep je. Noni mbus jengkom bijinok Nide limwa nya leu mben nindigsi di ingat rin ei dihyei njek dip dini hagom.”


Gima rino Noni sindui sut je bijinok Nide limwa nya bit leu nok Noni preu ei mem je tu. Lene Noni cuk je leu binhyepo jibit nicuk jeti nya hagom.


Njap di ammani tuhan simbot dat hanyen bipia jeni ne Nide limwa nya rin tug hon gi preu dini. Noni ne jide Allah rin dem igbit nipreu kep jeni kin jidigup bat-jidigai bat di Abraham kin Ishak kin Yakub nyati.


“Ma aug ei Nungug Abarim ei minu Moab di birok kik Yerikho. Lene ma akui ug ei mbigdip Nebo leu api acap minu Kanaan di jei bi midiyai bak mben Israel nok ide bu.


Tirigi po No Di Ninyeng Jei kwas dihyei hanjop nsi nya leu yam pima lene Noni pek hanjop nsi bibikwop mben nya hagom. Lene Noni sindui sut mben hi gom hi gom ikuk yok bak ide kwar nya.


Lene tuhan pai bak Musa “Dihyei hanjop nsi dima hagom dipreu ei mem Abraham kin Ishak kin Yakub leu binhyepo diyai bak ide nintun him yamti di bram yam nya. Disindui sut gima acap hagom noro dipai ser nhyema acoi ug eisi bi.”


Noni dimig je ei su lewo ningon ngakei jidigup bat-jidigai bat nya leu api buwak je bijingwes ngun leu minu Mesir tug hon Nide nisindemti di nindig bibor.


tuhan misindui sut jeni bijiyai ide minu bijiyati tug hon jide nikwes-kwausi kin gi jibit Nonti ningon kanti nya bi. Noni mihwen yok bingwig leu je drek dip ide nisibut biborti ba, Noni yai igbit mun po Noni preu ei mem jidigup bat-jidigai bat di Abraham kin Ishak kin Yakub nya cem.


Gima rino Kristus bon Nonti nok No di ya hacan mem gi preu nijep leu binhyepo yo di Allah dimig yok ei nya igyai Nide munkwas di jo kikau di Noni preu ei mem nye tu. Mun dini yok hagom tug hon tungwagom nimaisi. No dima ne Kristus ri. Nimai ei biei salibti kwek tungwatu nya leu sisar di ibon nya tirigi gi preu nitimiei ninyeng tak kep yok.


“Ditde awak di Musa mai su. Ma nani kin mben Israel jahagom jitin ei mem gima jisigon Minyei Yordan leu binhyepo jicoi ug ei minu di midiyai biyok.


No di bindei cut sisar nisindemti miyai mun dini yok leu Da. Dani ne nide Allah lene Noni ne dipmot ri.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ