NITRITI 17:7 - ALLAH NIHYET MEM TUNGWATU NYA

⁷ Dani midiyai bipek kep gi preu po di dipreu ei bit nani kin ade nintun him yamti di bram yam nya cem ba, gima ne gi preu di ngkiem bibor bijo ninno bijo kikau ri. Midinok ade Allah kin yo di intun nani him cem ide Allah.

NITRITI 17:7 ပူးပေါင်းရင်းမြစ်များ

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NITRITI 17:13

Suar bikwop tungwagom-gom yai nibon midut sunat nok bindo ei jingutti di bindo bipia Ditde gi preu bit jeni dima jo kikau.

NITRITI 17:19

Noro Allah srep “Atnem Sara migwam tut apmot bina leu api ma ajem ninyeng Ishak. Midikrau kep Ditde gi preu ei bit na dima tug hon nide nintun him yamti di bram yam nya bijo ninno bijo kikau. Nipreu eisi dima ug hon nohonti bi sren.

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NITRITI 6:18

Noro midipreu nipreu eisi gom mem na. Ma abuwak atnem kin apmot bat nya bitut itnem bat nya cem ba, jahagom jicoi ug ei kibar nsi.

NITRITI 9:16

Mpe dino pwet jo nibreisi ei bumbuhuiti lene midingat gima bou diyai him apino midiyok ngon kep gi preu di bit bon ug hon nohonti bi sren di dipreu ei bit nani kin mun di niyaijo nya ei dihyeisi dini hagom.

SAMUEL GI NICAN 7:24

Na di tuhan abindei ba, mben Israel inok Ade limwa nya bijo ninno bijo kikau ba, Nanti anok ide Allah.

NIBOHON MBEN ISRAEL GI NIGOM 16:14

Ide Allah ne tuhan ri. Nikos tutti nya hagom bon ninyeng mem tungwatu dihyeisi dini hagom.

MAZMUR 81:10

Ma ngkiai nya ide kwar hi jo ei jikieti ba, jikuk je bak au.

NEHEI LEUSI 3:15

Ma apai bak mben Israel bipia Dani ne tuhan di idigup bat-idigai bat di Abraham kin Ishak kin Yakub yoni ide Allah pima rin ba, dipinak na ug ndam yok tu. Dani ne tuhan ba, gima ne dinyeng di bijo ninno bijo kikau ri. Suar mben Israel ide nintun him yamti di bram yam nya igyok ngon kep dinyeng dima kikau buug hon nohonti bi.

NEHEI LEUSI 3:6

Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

NEHEI LEUSI 6:4

Dimiap kep mben Israel ighyet tirigi ilua biDa drek dip mben Mesir di iba isibut bico kep yok leu api diyok ngon kep mun di dipreu ei mem yok tu.

NEHEI LEUSI 6:7

Midibuwak je ug ei minu po dipreu ei mem Abraham kin Ishak kin Yakub yoni tug hon neheng pima leu api midindo dihyei dima bije leu binhyepo jinyeng tak kep hagom lewo Dani ne tuhan ri.”

YESAYA 61:8

tuhan pai “Dingat dingwes ei yo di ingon sren-srauti lo, dingon mpo tut yo di isibut nya kin yo di ico kep hiter nya. Midiba dingon di gom biyai amuhup bina bidiba nipreu di jo ninno bijo kikau bipreu ei mem na.

YEREMIA 31:1

tuhan pai “Tto bou dem lene midinok tuhan mem mben Israel ide keret nya hagom leu api yoni inok Ditde limwa nya.

YEHEZKIEL 28:26

Yoni mibong kei migwam kei ei minu dima bingot ide ig nya ba, ibiyai ide miai ba anggur nghousi nya cem. Midikes hukum ei yo di ngkiai di ibong ttai yok di ighyet wer mpiahi tut yok nya yahagom dip. Leu api mben Israel mibong nyahan ba, mun hi binggek yok bi. Mpe dima lene ikan tut bipia Dani ne ide tuhan Allah ri.”

IMAM NYA IDE MIDYAI 11:45

Dani ne tuhan rin ba, dibuwak je kwei leu minu Mesir leu binhyepo jikuk je biDa. Suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 25:38

Gima ne nicukti leu tuhan ba, Noni ne jide Allah di teu je bijingwes ngun leu minu Mesir ri. Noni yai minu Kanaan bije leu binhyepo Nonti nok jide Allah.

IMAM NYA IDE MIDYAI 26:12

Midingat rin bit je. Midinok jide Allah lene mijinok Ditde limwa nya.

IMAM NYA IDE MIDYAI 26:44

Noro tirigi ingat rin ei ingkiaisi ei minu di ide siceu nya ide lene midikes yoni ei ba, midibindei sar yoni bingwig cem bi. Leu gino dibindei sar yok lene gima bindo bipia dibindei bitun gi preu di dipreu ei mem yok lo, Dani ne tuhan ide Allah ri.

IMAM NYA IDE MIDYAI 26:45

Midiwin Ditde nipreu ei mem yokti di dipreu ei mem idigup bat-idigai bat nya tirigi po dindo tut Ditde nisindemti bak ngkiai nya yahagom tug hon gi diteu Ditde limwa nya bingwes ngun leu minu Mesir pima. Gima hagom nok leu binhyepo Da di tuhan dinok ide Allah.”

IMAM NYA IDE MIDYAI 26:9

Midinjei mun di kei bak jeni lene midibindei ba, jignyot bat kin jidrot bat nya imang bibor. Midibindei ba, gi preu po dipreu ei mem jeni pima mipek kep mem je.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

MATIUS 22:32

‘Dani ne Abraham kin Ishak kin Yakub ide Allah ri.’ Noni ne Allah mem yo di imai su nya bi noro mem yo di igyaijo nya!”

MARKUS 10:14

Tirigi Yesus ngig niyai kep yok lene wok yo di igya kui Noni bipai biyok “Jisindui sut munggwom dima yok bikwei ndam Da ba, jibigen ser yok au. Lewo tungwatu di ingonti noyam kin munggwom dini yok ingonti minggre kin Allah Ninyeng Tak Kepti.

KISAH 2:39

Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”

ROMA 9:4

Yoni ripo intun mben Israel him tug hon Allah nidimig yok eisi ba, inok Nide limwa nya cem. Noni nek yok nok nipmot bat nya bindo nisindemti biyok cem. Allah kin yoni ipreu ei mem yam tug hon Puig Yahudi niggai serti ba, ikan tut nisinati mem gima ikuk yok biNoni mungkun kei cem. Igyai Nide nipreu ei mem yokti leu Noni ba,

EFESUS 2:2

Mpe dima lene jibit-bit nyen niyai kepti di kinei di ntun dihyeisi dini him nya kin nibou ndig di ninyeng tak kep nisindemti nya ei mpia-bbed him. No dima ne ninnei di pingok ei yo di ibit Allah nihyet bi nya ingonti ri.

NINDAT KEP TUHAN NICUKTI NYA 29:13

Njap di ammani tuhan simbot dat hanyen bipia jeni ne Nide limwa nya rin tug hon gi preu dini. Noni ne jide Allah rin dem igbit nipreu kep jeni kin jidigup bat-jidigai bat di Abraham kin Ishak kin Yakub nyati.

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

IBRANI 8:10

Noro tini bu ne dibon gi preu dini mem mben Israel. Ei nidipti bu ne Tuhan pai ‘Midindim dicuk yokti nya ei ibou ngwakti bidipas hagom ei ingonti. Mpe dima lene Dani midinok ide Allah lene yoni minok Ditde limwa nya.’

NIJAM NIKEI NYA 2:1

Lene tuhan de malaikati gom jo leu Gilgal buug kikau ug ei Bokhim leu api pai bak mben Israel “Diteu je bijingwes ngun leu minu Mesir lene dibuwak je kwei ei minu po dipreu ei mem jidigup bat-jidigai bat nya pima tu. Mpe dima lene disimbot dat bipia midiluei dingonti tut mun di dipreu ei mem je bi sren.