NITRITI 17:6 - ALLAH NIHYET MEM TUNGWATU NYA

⁶ Midibindei ba, ade nintun him yamti di bram yam nya imangti ningot ndig apino ibihi igyai inyeng nibou ndig. Midibindei ba, anok pung di mben imang bibor intun him.

NITRITI 17:6 ပူးပေါင်းရင်းမြစ်များ

NITRITI 13:16

Midibindei ba, ade nintun him yamti di bram yam nya mporo midigek kep mpia. Ningat ne bit bon tungwatu nya ikwop dihyei ndung nimangti kan bi. Bit bon ikwop yo di intun nani him imangti kan bi.

NITRITI 17:16

Midinjei mun di kei bak noni leu api dibindei ba, noni migwam tut apmot gom bina. Midinjei mun di kei bak noni ba, noni minok pung nipmem di mben imang bibor intun him apino nide nintun him yamti di bram yam nya ibihi igyai inyeng nibou ndig.”

NITRITI 17:20

Dimiap ahyet tirigi ahara Da tut Ismael tu. Mporo midinjei mun di kei bak noni leu api noni bon nimunggwom bat nya ba, nide nintun him yamti di bram yam nya idigek kep mpia. Noni minok pung di minir nya ibou simnaibrimigcan intun him. Midibindei ba, nide mben idigek kep mpia.

NITRITI 17:4

“Dipreu ei bit na bipia mporo midibindei ba, anok pung di mben imang bibor intun him.

NITRITI 26:22

Lene noni ug leu hanjop dima bitig minyei bousi nijep gom kin bu. Lene yo dima iba minyei bousi dini biki noni drek dip minyei bousi dini bi. Gima rino noni jem ninyeng “Minyei Bousi Nikes Tut”. Lene noni bitri tut “tuhan bon nibresti ei minu dini mem nye tu. Gima rino nyeni minidigek kep mpia ei sirini bu.”

NITRITI 28:3

Nna ba Allah Di Sindem Bibor njei mun di kei bak nani tirigi awak atnem leu api bindei ba, amunggwom bat nya imang bibor intun nani him leu binhyepo anok pung di mben mang bibor intun him!

NITRITI 35:11

Lene Allah pai binoni “Dani ne Allah Di Sindem Bibor ri. Suar abon yo di intun nani him imang bibor! Ei nidipti bu lene keret nya mintun nani him ba, anok pung di nibou ndig nya cem intun him.

NITRITI 41:52

Lene noni pai bu “Allah yai simunggwom bat nya bisa ei minu di sisima hukum mikuisi eisi dini tu.” Gima rino jem nipmot ndrim ninyeng Efraim.

NITRITI 47:27

Mben Israel ibong ei hanjop Gosyen ei minu Mesir ba, ikum ei ide mun di inyeng tut nya nindig bibor ba, idigek kep mpia.

NITRITI 48:3

Lene pai bak Yusuf “Allah Di Sindem Bibor tau kep da ei Lus ei minu Kanaan binjei mun di kei bak dani.

NITRITI 48:4

Lene Noni preu ei mem da bipia Noni mibindei ba, ditde nintun him yamti di bram yam nya idigek kep mpia apino inok pung di keret nya imang bibor intun him. Lene Noni mipek minu dima hagom bida kin ditde nintun him yamti di bram yam nya bijo ninno.

EZRA 4:20

Nipou yo ne nibou ndig di isindem bibor nya inyeng tak kep minu ndig dima cem hanjop nsi Efrat-Bei-Mpia-Nikimbasti titut yam cem. Lene ibindei mbut belasten kin ndigban nibigo gau minu cem.

IMAM NYA IDE MIDYAI 26:9

Midinjei mun di kei bak jeni lene midibindei ba, jignyot bat kin jidrot bat nya imang bibor. Midibindei ba, gi preu po dipreu ei mem jeni pima mipek kep mem je.