NITRITI 17:17 - ALLAH NIHYET MEM TUNGWATU NYA

¹⁷ Lene Abraham kuk no biba ningwak bikik dihyei leu api pa tut tirigi kan “Bit bon no di nide njap ug ei ari bingwam sratus gom yai nimunggwom kan bi. Bit bon Sara di nide njap ug ei ari bingwam ningot muhwindatai yai nimunggwom kan bi.”

NITRITI 17:17 ပူးပေါင်းရင်းမြစ်များ

NITRITI 17:18

Gima rino noni hig ser Allah “Nggon rino asindui sut Ismael ba, nonti ba nokep mun di apreu ei bit da bi i?”

NITRITI 17:3

Lene Abram kuk no biba ningwak bikik dihyei leu api Allah pai binoni,

NITRITI 18:11

Mpe dima lene Abraham kin Sara yahacem ikoi-ka leu su ba, Sara ningkek kan mun bu bi.

NITRITI 18:12

Gima rino Sara pa tut no dima nipaisi ei ningonti bikan “Sinok sindig-ndau leu su ba, sikoi-ka bibor tu. Notou misiyem njita tut sijjep bu i? Noni cem andig-ndau leu su.”

NITRITI 21:5

Gima rino Abraham yai nipmot Ishak tirigi nide njap ug ei ari bingwam sratus gom.

NITRITI 21:6

Lene Sara pai “Allah bindei bidiba dingon llei bibor bipa tut. Bikwop tungwa tou rino miap dinghapti tut dingon llei biborti lene noni miba ningon di llei bibor bipa bit dani bu.”

NITRITI 21:7

Lene noni binut bu bipai “Nipou pini jug tou ripai bak Abraham bipia Sara miyai do bak nimunggwom i? Noro diyai munggwom pinai binoni tirigi noni wer andig-ndau su.”

NIBOHON MBEN ISRAEL GI NIGOM 21:16

Daud ngat malaikati dima di dwop-dwop nyen ei mpia-bbed him kin dihyeisi dini nikieti bikrau simeda ei nindati lene bitin ei mem gima bindei timek Yerusalem lene noni ya tut limwa nya ide nibou nya yahagom di ijuk sinsun kron noyam bibindo tut gi inso yonti tut itunggweisi pima. Lene yahagom ikuk yok biba ingwak bikik dihyei.

AYUB 1:20

Lene Ayub kiju birik nide sinsun ei no him gi bindo bipia ningon ngguk bibor. Noni kak nibou nta leu api tti ug ei dihyeisi biba ningwak bikik dihyei,

YEHEZKIEL 1:28

Mun dima bon nisieng hi gom hi gom di noyam kin pwet. Nipigati di jimjit dima ndo tut tuhan di ningat rin ei sirima. Tirigi dingat gini bou diyai him lene dikuk da bidiba dingwak bikik dihyei. Lene nihyet gom hig da,

DANIEL 8:17

Leu api Gabriel di ya doho bei dima son dideu da apino didigit tut nindig bibor biditti ug ei dihyeisi. Noni pai bida “Na di tungwatu di ayaijo kikau bi e, suar akan tut bipia ningat-hi-ngat dima bindo tut nijam ningwig honti ri.”

IMAM NYA IDE MIDYAI 9:24

Jei bi lene tuhan pinak nide hum kros kwei bibindei hum dima yem mindhe titut kin nimmau hagom ei nimbar hum dokti bingwig. Tirigi yo dima ingat mun di mindur dini lene yahagom ikon ighyet nok gom leu api yom yok biba ingwak bikik mpia.

MBEN ISRAEL IMBUT-MBUT NYEN 14:5

Lene Musa kin Harun ikuk yok ba, iba ingwak bikik mpia ei mben Israel yahagom yoho bei.

MBEN ISRAEL IMBUT-MBUT NYEN 16:22

Noro Musa kin Harun ikuk yok lene iba ingwak bikik dihyei leu api yahara “Allah e, Nani ne nibousi mem mun di yai niyaijoti nya hagom. Gino tungwagom ngat he bon sisar lene ma agga limwa nya yahagom e?”

MBEN ISRAEL IMBUT-MBUT NYEN 16:45

“Jisujou leu yo dima. Leu midibindei sar yoni cem ei mpia ttou nsi dima ug ri!” Noro yo cin ikuk yok biba ingwak bikik dihyei,

MATIUS 2:11

Leu api icoi ug ei ig bei bingat munggwom dima kin nipmem Maria lene ikuk yok bak binggei sut Yesus. Leu api ikwek migbuwang leu mas kin biei nggrai di ui-gwang kei kin mur ba, yihit binjei bak.

LUKAS 1:18

Zakharia hig ser malaikati dima “Notou midikan tut mun di mipek kep mem da dini i? Lewo dinok andig-ndau su ba, ditnem cem nok sindig-ndau leu su.”

YOHANES 8:56

Jicig Abraham yai nillei lewo noni kan tut bipia noni mingat Dani bou niyai him. Tirigi noni ngat Da tu lene ningon llei bibor!”

NINDAT KEP TUHAN NICUKTI NYA 9:18

Lene dikuk da bidiba dingwak bikik dihyei ei tuhan Noho bei mem mmun-njap nyatungwacan bu bidiyem njita ba, didut minyei cem bi. Diyai nok gima lewo jibon sisar tut tuhan bijibindei ba, ningon sibui sut je.

NINDAT KEP TUHAN NICUKTI NYA 9:25

Gima rino dikuk da bidiba dingwak bikik dihyei ei tuhan Noho bei mem mmun-njap nyatungwacan pima lewo dikan tut bipia Noni bungwam mem gima mihwen je bijingwig.

YOSUA 5:14

Lene no dima buhup “Ditti kin je bi jide siceu nya cem bi. Dikwei ya diyati dini ba, dinok nibou ndig mem tuhan de tentara.” Lene Yosua ba ningwak bikik dihyei ei no dima nimig him bipai binoni “Andigpoi e, dani ne ade awak rin ba, midiyai hagom bit leu nok acuk dati.”

YOSUA 7:6

Lene Yosua kin nibou Israel nindigsi nya ingon ngguk bibor apino irik ide sinsun rok yo him drek dip leu api ikuk yok biba ingwak bikik dihyei ei bei tuhan De Brua Gi Preu nuhui him mem njap jei dima kikau bimmun kep ba, ikam atriem bigimahap ei ibousi nok bindo tut ingon di ngguk cem.

NINGAT-HI-NGAT NYA 11:16

Lene nibou nya ibou nyatungwagom ba, bitai di igwam ei ide banggo mbrei dip ei Allah Noho bei iba ingwak bikik mpia binggei sut Allah ba,

NINGAT-HI-NGAT NYA 5:8

Tirigi Noni krau srat dima rino mindhe ningut bitai kin nibou nya ibou nyatungwagom ba, bitai pima ikuk yok ei Domba Pmot Noho bei. Ikrau nggong mbrei kin bokor mas di biei nggrai di ui-gwang kei joti bikwop yok. Ba, biei nggrai di ui-gwang kei dima ne Allah de limwa nya ide nadi ri.

NIJAM NIKEI NYA 13:20

Hum di cig-cai sror kui leu tig di nok nimbar hum dok dima lene tuhan de malaikati cem kui ug ei gwamti srig hum njeng dimati. Tirigi Manoah nya ingat gima tu lene iba ingwak bikik dihyei.