NITRITI 17:16 - ALLAH NIHYET MEM TUNGWATU NYA

¹⁶ Midinjei mun di kei bak noni leu api dibindei ba, noni migwam tut apmot gom bina. Midinjei mun di kei bak noni ba, noni minok pung nipmem di mben imang bibor intun him apino nide nintun him yamti di bram yam nya ibihi igyai inyeng nibou ndig.”

NITRITI 17:16 ပူးပေါင်းရင်းမြစ်များ

NITRITI 1:28

Lene Noni njei mun di kei bak yoni bipai “Ma jiyai jimunggwom bat nya imang bibor leu binhyepo jide nintun him yamti di bram yam nya midigek kep mpia bikieng kep dihyei nisurti-nipekti binyohou hagom. Dita jeni bijinyeng tak kep wau nya kin ha nya kin mindhe-ndhe di ibong bigbehei nya hagom.

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 15:4

Lene Abram miap tuhan nihyet di pai binoni “Ade awak miba nokep mun di anyeng tut nya bi. Noro nanti apmot mporo miba nokep hagom.”

NITRITI 17:15

Lene Allah pai bak Abraham bu “Ma ajem atnem ninyeng Sarai bu au. Hon kep ammani kui lene ninyeng rino Sara.

NITRITI 17:19

Noro Allah srep “Atnem Sara migwam tut apmot bina leu api ma ajem ninyeng Ishak. Midikrau kep Ditde gi preu ei bit na dima tug hon nide nintun him yamti di bram yam nya bijo ninno bijo kikau. Nipreu eisi dima ug hon nohonti bi sren.

NITRITI 17:6

Midibindei ba, ade nintun him yamti di bram yam nya imangti ningot ndig apino ibihi igyai inyeng nibou ndig. Midibindei ba, anok pung di mben imang bibor intun him.

NITRITI 21:1

Lene tuhan njei mun di kei bak Sara bit leu nok noni preu sut ei mem noni nipou su.

NITRITI 24:60

Lene nikijam kin nipmem ipigo noni bipai binoni “Nnaba ade nintun him yamti di bram yam nya imangti ibou juta mang bibor o! Nnaba igya kep bihwen ide siceu nya ba, itimek leu itimieisi o!”

NITRITI 25:23

Lene tuhan buhup “Atta buhun tut pung di intun him ningat can rin ba, mporo agwam tut munggwom nggre di inok pung di keret can di iba nitok biyam intun him. Keret gom misindem dor njiriek keret gom ba, munggwom mighumbou nok awak mem nikinjoi.”

NITRITI 35:11

Lene Allah pai binoni “Dani ne Allah Di Sindem Bibor ri. Suar abon yo di intun nani him imang bibor! Ei nidipti bu lene keret nya mintun nani him ba, anok pung di nibou ndig nya cem intun him.

NITRITI 36:31

Nipou tirigi mben Israel ibon ide nibou ndig nya hi bigyo lene yo dini inok nibou ndig nya ei Edom.

YESAYA 49:23

Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”

ROMA 9:9

Lewo Allah preu ei mem noni bipai “Dem igbit tto bou ne midikwei hanyen leu api Sara misrek tut nipmot.”

GALATIA 4:23

Sop di awak srek tut nipmot bit leu tungwatu nya ingut kanti noro sop di niyati kwes srek tut nipmot bit leu Allah nipreu ei mem Abrahamti.

PETRUS GI NIGOM 3:6

Sara cem yai nok gima bibit Abraham nihyet bijem noni nok niceu. Gino jiyai munti nya kei bibor ba, jidigit tut mun-mun hi di cut igkep je bi lene je dima ne je di jintun Sara him nok nipmisop bat nya ri.