NITRITI 17:12 - ALLAH NIHYET MEM TUNGWATU NYA

¹² Hon kep ammani kui lene suar jipmot bat nya di ide njap ug ei njap muhwindaningai igyai nibon midut sunat ba, bitut jenti kin jide awak ei jide ig bei nsi kin awak di jiba mitiei wim yok leu ngkiai nya cem jahagom. Lewo nibon midut sunat ndo tut Ditde gi preu di dipreu ei bit je.

NITRITI 17:12 ပူးပေါင်းရင်းမြစ်များ

NITRITI 17:23

Njap gom ndia lene Abraham ba sunat nipmot Ismael kin pinai nindigsi nya bitut nide awak nya ei nide ig bei nsi kin nide awak di noni ba mitiei biwim yok yahagom.

NITRITI 21:4

Tirigi Ishak de njap ug ei njap muhwindaningai lene Abraham bon midut sunat ei ningutti bit leu nok Allah nicuk noti.

NEHEI LEUSI 12:44

Noro disindui sut jide awak nya di jiba mitiei biwim yok nya bigyem kep mikwau dima bit je gino jiyai nibon midut sunat biyok tu.

NEHEI LEUSI 22:30

Lene jidimig jide sapi nipmot bou nya kin jide domba nipmot bou nya ei mem Dani. Noro ma jisindui sut ipmot bou nya bibong bit ipmem bat nya mem ari nitindur gom leu api ma jidimig yok ei mem Dani mem njap gi nimuhwindaningai.

IMAM NYA IDE MIDYAI 12:3

Ei njap gi nimuhwindaningai lene suar ningwoi-ngwoi dima yai nibon midut sunat.

LUKAS 1:59

Tirigi munggwom ngwoi dima nide njap ug ei Njap muhwindaningai lene yuusap Noni biyuug sut mem gima imam gom bon midut sunat binoni. Nide bat nya ipi bijem ninyeng Zakharia noyam kin nicig ninyeng,

LUKAS 2:21

Tirigi nide njap ug ei njap muhwindaningai su lene ibon midut sunat biNoni ba, Yusuf kin Maria ijem ninyeng Yesus. Ninyeng dima bit leu malaikati nipaisi nipou tirigi nipmem nghop bigyo.

KISAH 7:8

Allah pai nok bipreu ei mem Abraham tug hon midut sunat. Gima rino tirigi Ishak de njap ug ei njap muhwindaningai lene Abraham basunat noni. Leu api Ishak basunat nipmot Yakub. Ba, Yakub cem basunat nipmot bat nya ibou simnaibrimigcan. Yo dini ne pung di keret Israel nya intun him ri.

ROMA 2:28

Lewo no di ntun mben Yahudi him di nijit biyai midut sunat di nijit cem dima ne no di yai ninyeng Yahudi he kin no di yai midut sunat ei ningkek dip he rin bi.

FILIPI 3:5

Tirigi ditde njap ug ei njap muhwindaningai lene dicoi bit midut sunat ba, dani ne timiei mben Israel rin tug hon disrekti. Ditde pung kim keret Benyamin ba, didigup bat-didigai bat nya yahagom intun mben Ibrani him. Ba, dibit Puig Yahudi niggai serti nya hagom lewo dinggre kin nimpung Farisi nya.