NITRITI 17:1 - ALLAH NIHYET MEM TUNGWATU NYA

¹ Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

NITRITI 17:1 ပူးပေါင်းရင်းမြစ်များ

NITRITI 12:1

Lene tuhan pai bak Abram “Ma ajo leu atimieisi ba, akes ade bat nya kin acig de ig bei nsi ei leu api aug ei minu di midindo binani yo.

NITRITI 12:7

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NITRITI 16:16

Mpe dima lene Abram de njap ug ei ari bingwam ningot muhwindaningai ba, muhwindagom.

NITRITI 18:1

Lene tuhan ndo Nonti bak Abraham tirigi noni bong dideu biei pigig nghousi ei Mamre nok mpia di tungwatu nya ikuk yok bak ide kwar nya eisi. Lene Abraham gwam ser dimbou heisi ei prak meng behei mem mpia huk pijum di wam bibor.

NITRITI 18:14

Mun mindei rino bit bon tuhan yai kan bi i? Bed muhwindatai bu lene midikwei ngat je hanyen bu ba, ei mpe dima lene Sara migwam tut nipmot bit leu nok gi dipai bina tu.”

NITRITI 24:40

Lene noni buhup bida bipia tuhan di noni bit nihyet habiei kwei bipek ammani kep micuk Nide malaikati hi kin da leu binhyepo diyai hagom bit leu ningon kanti. Mporo midibuwak sop gom leu nide bat nya ikieti mem nipmot nok nitnem.

NITRITI 26:2

Ishak ug ei sirima lewo tuhan tau kep noni nipou su bipai binoni “Ma aug kikau ug ei minu Mesir au. Noro ma abong ser minu jep dini bit leu nok dicuk nati.

NITRITI 28:3

Nna ba Allah Di Sindem Bibor njei mun di kei bak nani tirigi awak atnem leu api bindei ba, amunggwom bat nya imang bibor intun nani him leu binhyepo anok pung di mben mang bibor intun him!

NITRITI 35:11

Lene Allah pai binoni “Dani ne Allah Di Sindem Bibor ri. Suar abon yo di intun nani him imang bibor! Ei nidipti bu lene keret nya mintun nani him ba, anok pung di nibou ndig nya cem intun him.

NITRITI 43:14

Nna ba Allah Di Sindem Bibor mipingok nibou mben Mesir dima ningonti leu binhyepo ngondut je bikes Simeon kin Benyamin hanyen bije. Noro tut danti ne gino suar dimunggwom bat nya ipror leu da lene minggon ndei?”

NITRITI 46:3

Lene Allah pai binoni “Dani ne Allah di acig kuk no bak ri. Ma attin tut gima ambut ug ei minu Mesir au. Lewo midibindei ba, ade nintun him yamti di bram yam nya idigek bibor binok mben nindig bibor bu.

NITRITI 48:15

Lene noni ngat nadi tindei Yusuf bipai, “Nna ba Na di Allah di dicig kin dignyon ikuk yok bak e, Na di anyohou da habiei kwei bipek ammani kep tu e,

NITRITI 48:3

Lene pai bak Yusuf “Allah Di Sindem Bibor tau kep da ei Lus ei minu Kanaan binjei mun di kei bak dani.

NITRITI 5:22

Henokh yai Metusalah lene nide njap ug ei ari bingwam sratus ningai bu ba, ningon kwes kin Allah kikau. Noni yai nimunggwom bat nya hi kin bu ba,

NITRITI 5:24

Henokh kin Allah ingon ce yam bi. Gima rino Allah teu noni tut niyaisi jo leu dihyeisi bipror bihigom hak.

NITRITI 6:9

Ayat dini yok pui sut Nuh kin niyai munti nya. Nuh ningon sren ba, nongkom ningon kwes kin Allah mem nijam dima. Allah kin Nuh ingon ce yam bi.

NIBOU NDIG NYA GI NIGOM 2:4

Gino abit tuhan nihyet lene Noni miyai hagom bit leu nok Noni preu ei mem da tut ditde nintun him yamti di bram yam nya. Gino iba ingon gom bibit tuhan nihyet lene inyeng mitak kep mben Israel bram yam kikau.

NIBOU NDIG NYA GI NIGOM 3:6

Lene Salomo buhup “tuhan e, angon ngakei Ade awak di dicig Daud ninno tu. Ningon kwes ba, ningon sren cem ba, ningon gom tut na di tuhan cem. Ando bindo tut Ade ningon ngakei noti kikau tirigi abindei ba, nipmot ya luei nohoti binok nibou ndig bu.

NIBOU NDIG NYA GI NIGOM 8:25

tuhan e, nogindini handei kon ba, abindei ba, Ade nipreu eisi hiter pima cem midem igbit angon kanti. Lewo apreu ei mem Daud bipia gino nide nintun him yamti di bram yam nya minyohou bit ahyet hagom noyam kin gi po noni bit ahyet pima lene yoni migya luei Daud nohoti bram yam bijo ninno bijo kikau.

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

AYUB 1:1

Ayub bong ei Us. Noni kuk no bak Allah biningon gom tut Noni. Ayub ningon sren bimbres no leu mun di kinei hagom.

AYUB 11:7

Bit bon akan bidem tut Allah ningon bei kanti nya kan bi. Angon huk niti tut Nide nisindemti cem kan bi.

MAZMUR 115:3

Nyeni ide Allah No rima ei gwamti. Noni yai midyai nya bit leu ningon kanti.

MAZMUR 116:9

Gima rino dikan tut bipia tuhan ningat rin bit da mem nijam dino diyaisi jo ei yo di igyaijo nya ikieti.

MAZMUR 25:14

tuhan ne yo di ingon gom nya isut rin bimbot kep tut ningon kanti biyok.

NEHEI LEUSI 6:3

Mpe dima lene dipreu ei mem yok bipia ei nidipti bu lene mporo midiyai minu Kanaan po nipou yo igyaijo eisi nok ingkiaisi pima biyok nok ide minu ninda rom.

NIPINGOK NINGONTI 10:9

Yo di ingon gom nya ingwes ngun noro tuhan ngat igbit no diris mun.

YESAYA 38:3

“tuhan e, ma ayok ngon kep bipia diba dingon gom boom danti nok awak biNa ba, dingon sren cem tu. Dibrim dingkek mem gima dibit angon kanti tu.” Leu api Hizkia ba ningon di ngguk bibor bipim nggruet.

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

DANIEL 4:35

Noni mian huk tungwatu dihyeisi dini bingat lo, idem kep nok yo di ibon inyeng bi ei niyai him. Ninyeng tak kep malaikati nya ei gwamti kin tungwatu dihyeisi dini cem. Bit bon tungwa hi tte tut ningon kanti bihig simber Noni tut niyai munti nya kan bi.

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

MBEN ISRAEL IMBUT-MBUT NYEN 11:23

Lene tuhan pai bak Musa “Ditde nisindemti ug hon nohonti bi sren. Jei bi lene ma angat mun di dipai bina dima mipek kep mem je nya hagom bou ayai him.”

MBEN ISRAEL IMBUT-MBUT NYEN 24:16

Allah nihyet tibim ei ditingou nsi. No Di Ninyeng Jei Bibor ndo ningon kanti brei bida ba, diba diyai di piga hak bingat ningat-hi-ngat di Allah Di Sindem Bibor ndo bida.

MATIUS 19:26

Yesus mian huk yok bibuhup “Bit bon tungwatu nya igyai mun dini yok kan bi! Noro Allah sindem mem gima yai mun nyeng hagom.”

MATIUS 5:48

Jicig ei gwamti ba ningon di gom bingon ngakei tungwatu nya yahagom. Suar jeni cem jiyai bram niyaisi dima.”

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

KISAH 23:1

Paulus niyai bong kep Nikei Puig Yahudi Nya lene pai biyok “Disut bat jen, dingon mien kwes kin Allah tut diyai munti nya habiei dimien kwei bipek ammani kep.”

KISAH 24:16

Gima rino dita dibou ei dingon mien di kwes kin Allah kin tungwatuti kikau.

EFESUS 3:20

Allah sindem mem gima birop hanyen binye nindig bibor dor njiriek mun di nyeni yahara Noni tut kin ikan-kan nyenti cem tug hon Nide nisindemti di sindem tut ingonti.

NINDAT KEP TUHAN NICUKTI NYA 10:17

tuhan di nok jide Allah ninyeng jei dor njiriek kwar di tungwatu nya ikuk yok bak nya kin nisindemti nya hagom. Ma tungwatu nya ibit nihyet lewo ninyeng jei ba, Noni sindem bibor cem. Noni mbus nggok tungwatu nya ba, ce tut hi ba mitiei bingot kep Noni bi.

NINDAT KEP TUHAN NICUKTI NYA 18:13

Gima rino ma jiba jingon di gom boom jenti bijinok awak mem jide tuhan Allah.”

NINDAT KEP TUHAN NICUKTI NYA 30:20

Ma jingon ngakei tuhan di nok jide Allah ba, jibit nihyet ba, jingon gom tut Noni cem apino jeni kin jide nintun him yamti di bram yam nya mijibong kei mijigwam kei mem nijam di jei bibor ei minu di Noni preu ei mem jidigup bat-jidigai bat di Abraham kin Ishak kin Yakub nya tu.”

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

IBRANI 12:28

Gima rino ma ipai sigyo bak Allah lewo Noni bindei ba, iba nyekep ninyeng tak kepti di bit bon ugwa-kwei kan bi. Ma inggei sut bittin tut Noni bipai sigyo biNoni tug hon nisinati di bindei ba, joi sut nye.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.