NITRITI 15:13 - ALLAH NIHYET MEM TUNGWATU NYA

¹³ Leu api tuhan pai binoni “Ei nidipti bu lene ade nintun him yamti di bram yam nya mporo minok awak ei ingkiaisi ba, ngkiai ico kep yok nindig bibor kikau mem nijam ari bingwam sratus bitai.

NITRITI 15:13 ပူးပေါင်းရင်းမြစ်များ

NITRITI 15:16

Lene ei nidipti bu mem nijam di agnyon bat nya ignyon bat nya igyaijo lene ade nintun him yamti di bram yam nya mporo mingkwei hanyen ei sirini. Lewo midijji mben Amori leu minu dini bigyo bibou ikum ei ide nimbukti nindig bibor bu ug e leu api mpe dima lene midikes hukum ei yok dip.”

NITRITI 17:8

Mbro nok gino abong angkiaisi ei minu Kanaan dini lo, mporo midiyai minu dini leu nisurti-nipekti hagom binani kin ade nintun him yamti di bram yam nya bijo ninno bijo kikau bidinok ide Allah ri.”

NITRITI 47:4

Nikwei bong nok ngkiai ser ade minu dini lewo ninggum di kinei bibor hwen nyeni nitimieisi ei minu Kanaan ba, mun di nibihyen kep mindhe-ndhe nya cem mui bingwig leu su. Gima rino gino na di Andigpoi ace tut nye lene nibong ei Gosyen e?”

MAZMUR 105:42

Noni yok ngon kep gi preu di kwes-kwau di Noni preu ei mem Nide awak di Abraham.

NEHEI LEUSI 1:11

Gima rino yo di igya kui Firaun ita mindor nya di iba imbuk co kep mben Israel bikes midyai di buhun bibor ei inghat dip. Suar mben Israel ingot ig gudan bousi nindig bibor ei minu ndig Pitom kin Raamses cem leu binhyepo Firaun minju ndigban ninyeng hagom eisi.

NEHEI LEUSI 1:13

Lene iba imbuk co kep yok bihwen bit yok nindig bibor.

NEHEI LEUSI 1:14

Apino mben Israel igyaijoti buhun bibor. Suar igyai midyai dino ingot ig proyek nya ba, igyai miai nya cem lo, mben Mesir ingondut yok kan bi.

NEHEI LEUSI 2:24

Lene Noni miap ighyet bikan tut bipia inso kwop nyen apino Noni yok ngon kep gi preu po Noni preu ei mem Abraham kin Ishak kin Yakub yoni pima.

NEHEI LEUSI 22:21

Ma jimbuk tut ngkiai nya di ibong srig jikieti ba, jingon koi kep yok au. Ma jiyok ngon kep bipia jeni cem jinok ngkiai nya ei minu Mesir nipou su.

NEHEI LEUSI 23:9

Ma jiba jingon di can bibon ngkiai nya au. Lewo jikan kep notou mben Mesir yuubon je tirigi po jinok awak ei jingkiaisi pima.”

NEHEI LEUSI 3:10

Nogindini midipinak nani ba, aug ya ei Firaun noho bei leu binhyepo ateu Ditde limwa nya bingwes ngun leu minu Mesir hak ug.”

NEHEI LEUSI 3:17

Dikos tut bipia midibuwak yok leu minu Mesir lewo mben Mesir iba isibut bico kep yok. Leu api midibie tut yok ug ei minu jep di bon ninnumti di kei bibor lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

IMAM NYA IDE MIDYAI 19:34

Ma jibibon yok noyam kin jisut bat mben Israel ba, jingon ngakei yok bit leu nok jingon ngakei jenti cem. Ma jiyok ngon kep bipia jibong jingkiaisi ei minu Mesir nipou su. Dani ne tuhan bidinok jide Allah ri.

MBEN ISRAEL IMBUT-MBUT NYEN 20:15

Nyeni nidigup bat-nidigai bat nya yuug ei minu Mesir ba, ibong ei sirinu mem nijam ari bingwam mang bibor. Noro mben Mesir imbuk tut yoni kin nyeni cem.

KISAH 7:17

Son dideu nicunti mem Allah yai mun bit leu nok Noni preu ei mem Abraham habiei su pima lene mben Israel imangti kum eisi binindig bibor ei minu Mesir.

GALATIA 3:17

Gi dipai sut dima rinok gini. Allah preu ei mem Abraham ngkiem bitak buk ser nipou su. Gima rino bit bon niggai serti di Allah yai bak mben Yahudi ari bingwam sratus bitai ningot ningai niabiati bu dima binggek tut mun di Noni preu ei mem Abraham ngkiem biciu ser kan bi.

NINDAT KEP TUHAN NICUKTI NYA 10:19

Gima rino ma jingon ngakei ngkiai dima yok lewo jeni cem jibong jingkiaisi ei minu Mesir nipou su.

NINDAT KEP TUHAN NICUKTI NYA 5:15

Ma jiyok ngon kep bipia nipou yo lene mben Mesir yuubon je nok awak. Leu api Da di dinok jide tuhan Allah diba nisindemti di nindig bibor bikwek jeni. Gima rino dicuk je bipia ma jibon midut nibiyok ngon kep Njap Nigwam Kep Ninghuisi a.