NITRITI 15:1 - ALLAH NIHYET MEM TUNGWATU NYA

¹ Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

NITRITI 15:1 ပူးပေါင်းရင်းမြစ်များ

NITRITI 15:2

Lene Abram buhup “tuhan Di Ninyeng Jei Bibor e, midinggon ndei gi kei nindig bibor di ayai bida dima i? Lewo diyai dimunggwom hi bi ba, ditde awak di Eliezer leu Damsyik mporo miba nokep ditde ndigban hagom.

NITRITI 15:4

Lene Abram miap tuhan nihyet di pai binoni “Ade awak miba nokep mun di anyeng tut nya bi. Noro nanti apmot mporo miba nokep hagom.”

NITRITI 21:17

Lene Allah miap Hagar nipmot Ismael di pim leu api malaikati Allah de nihyet tibim kwei leu mpia-bbed him bipai Hagar e, Hagar e, apim tut nggon i? Ma attin bu au lewo Allah miap apmot nihyet tu.

NITRITI 22:1

Mpe hi bu lene Allah bingon Abraham ningon gomti bihig noni “Abraham e?” Lene Abraham miap bipai “We? Da rini!”

NITRITI 22:20

Niabiati Abraham ngkwei hanyen leu Nungug Moria tu lene noni miap nikinjoi Nahor ninghapti bipia nitnem Milka gwam tut nipmot bat nya ibou muhwindaningai binoni.

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 31:7

Mbro nok gima lo, noni ris bida biluei ningonti tut dimuhup nimangti mbisimnai su. Noro Allah sindui sut gima jicig mbuk tut da bi.

SAMUEL GI NICAN 22:3

tuhan ne tentara nibousi di diya coi di bindei ba, dingon jo nyahan ri. Digwam coi Noni lewo Noni nok bor ngug biyon gau da. Noni ba Nide mun di bipukep ser tibor ninggwenti nya binyohou da kikau.

NIBOU NDIG NYA GI NICAN 1:15

Pai nok rino tuhan de malaikati pai bak Elia “Abit noni ba, jijuk leu mbigdip dini lene ma attin tut au.” Gima rino Elia kiju bijuk leu mbigdip dima bit nibou tentara dima biyuug ngat nibou ndig mben Israel,

NIBOHON MBEN ISRAEL GI NIGOM 28:20

Leu api Nibou Ndig Daud pai bu bak nipmot Salomo “Suar aba angon ngkiem bibingwam kep midyai dima. Akinyon eisi lene ma adigit tut mun nyeng hi au. tuhan Allah di dikuk da bak mimpu na. Noni mikes nani ei bi sren. Noni minggre kin nani tut midyai ningot tuhan De Igsi dima kikau biput kep.

MAZMUR 115:10

Je di tuhan de imam nya e, ma jiba jingon com Noni lewo Noni mpu je biya srak ko hagau je.

MAZMUR 119:114

Ambrap gau da bidigwam coi Nani lene diba dingon com Ade nipreu eisi nya.

MAZMUR 142:5

Mpe di dikiek da bidingat sir dintig-tta lene dingat hi gi mpu da bi. Hi di ya srak ko hagau da bicuon diyaisi cem bi.

MAZMUR 18:2

tuhan e, dingon ngakei Na. Nani ne ditde nisindemti ri.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

MAZMUR 3:3

Imang bibor di ipai bipia Allah kou sut gi mpu dani.

MAZMUR 3:4

Noro Na di tuhan rino anok mun di dibipuk kep ser tibor ninggwenti nya. Abindei ba, dicut ditde siceu nya ba, abiwin kep dingonti cem.

MAZMUR 5:12

Noro ma asindui sut ba, yo di igwam coi Nani yahagom ingon nggei-hi-nggei hak ug ba, igyai nillei bijo ninno bijo kikau. Anyohou yo di ingon ngakei Nani leu binhyepo igyai nillei tug hon Nani.

MAZMUR 58:11

Yo di ingon sren nya ingon nggei-hi-nggei mpe dino ingat yo di isibut nya di itug ndei hukum. Yo di ikiek imig jou tut Allah inggrom mirus yo di ingon sren nya imigya.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

MAZMUR 84:9

tuhan Allah Di Sindem Bibor e, ma angig atingou mem dihyet tirigi dingat nadi. Yakub de Allah e, ma antu kep.

MAZMUR 91:4

Noni nyohou na dem kep nok ha di kieng ninyehei gau nimien bat nya leu binhyepo angwes ngun ba, angon jo nyahan. Noni ba ningon gomti biya srak ko hagau na binok bor ngug mem na cem,

NEHEI LEUSI 14:13

Lene Musa buhup “Jidigit tut au! Ma jingon nddong hak ug! Mbigom mijingat notou tuhan miteu je bijingwes ngun bou jiyai him ug ri. Nogindini jingat mben Mesir dima noro jei bi ne mijingat yok bu bi sren.

NIPINGOK NINGONTI 11:18

No di sibut mitug ndei nimuhup nitrowai. Gino abon mun di igbit ne amuhup di kei-kau mitau bina.

NIPINGOK NINGONTI 30:5

Allah yai mun nyeng hagom bit leu nok gi Noni preu ei mem nye tu. Noni noyam kin mun di ibipukep tibor ninggwenti nya mem yo di ikwei gwam coi Noni.

YESAYA 35:4

Ma jipai bak yo di ingon ttin nya “Ma jiwin jenti jingonti lene ma jittin-ttin nyen au. Allah mikwei kes hukum ei jide siceu nya dip ba, teu je bijingwes ngun.”

YESAYA 40:10

Jingat i! tuhan Di Sindem Bibor dideu su ba, ninyeng mitak kep biyai nibou tut yok bit leu Nonti ningon kanti. Noni buwak yo di Noni kwek yok tu pima bigya abia kep Noni kwei.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 41:14

tuhan pai “Je di mben Israel e, mbro nok gino jimang bi ba, jinghuisi wei lo, ma jittin au. Lewo Da di tuhan midimpu je. Dani ne mben Israel ide Allah Di Kwes-Kwau ba, diteu je bijingwes ngun.

YESAYA 43:1

Je di mben Israel e, tuhan di pai tes je pai “Ma jittin au lewo miditeu je bijingwes ngun! Dihig je ba, dibindat tungwagom-gom ninyeng lewo dinyeng tak kep je.

YESAYA 43:5

Ma jittin tut au lewo midinyohou je! Midibuwak jide nintun him yamti di bram yam nya kwei leu nite bei mpia nipriti kin nicutti.

YESAYA 44:2

Dani ne tuhan ba, dipai tes je habiei ei jipmem ninghopti bidimpu je tu. Ma jittin au lewo jinok Ditde awak di didimig ei su nya ba, dingon ngakei je.

YESAYA 44:8

Ditde limwa jen, ma jittin au! Dangkom he rino ditri tut nisinati tut nijam di nimbie him kikau kwei bipek nijam di nogindini. Jingat gini hagom bou jiyai him tu bijiya kui Da. Ninyohou kep je cig hiter hi bi. Dingat hi bou diyai him bi sren.”

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?

YEREMIA 39:17

Noro Da di tuhan midinyohou nani. Hi di mikes nani ei yo di attin tut yok nya indati ba,

NIBWOS-BWOS NYENTI 3:24

tuhan ne ditde ndigban gom ngat di dingon ce bi rin! Gima rino diba dingon com Noni!

YEHEZKIEL 1:1

Ug ei hon njap gi nimuhwi ei bed gi nibitai mem ari bingwam gi ningot ningai lene da di Imam Yehezkiel di dicig ninyeng Busi dibong bit mben Yehuda ei ingkiaisi simiak Minyei Kebar ei minu Babel. Mpe dima lene dingat lo, mpia-bbed him kau leu api Allah ndo ningat-hi-ngat gom bida.

YEHEZKIEL 11:24

Tirigi dingat ningat-hi-ngat dima lene Allah Ninnei buwak da bingkwei da hanyen bikes da bak yo di ibong ei ingkiaisi ei minu Babel leu api ningat-hi-ngat dima pren leu da,

YEHEZKIEL 3:4

Allah pai bida bu “Na di tungwatu di ayaijo kikau bi e, ma aug ngat mben Israel ba, atri tut mun di disok ei na dip bak yoni.

MBEN ISRAEL IMBUT-MBUT NYEN 12:6

Lene tuhan pai biyok “Suar jingig jitingou mem dihyet! Tirigi jide nabi nya ikiju bitri tut dihyet bije lene dindo dingon kanti biyok tug hon ningat-hi-ngat nya ba, dimbrap bit yok tug hon ide mun di imumpriem nya cem.

MBEN ISRAEL IMBUT-MBUT NYEN 18:20

Lene tuhan pai hanyen bu bak Harun “Atug ndei mun nyeng hi nok mun ninda rom bi. Midipek dihyei hanjop nsi gom ei minu di dipreu kep mben Israel tut dima gom bak nani cem bi. Da di tuhan di nok ade mun ninda rom ri.”

MBEN ISRAEL IMBUT-MBUT NYEN 24:4

Allah nihyet tibim ei ditingou nsi ba, dimian huk ningat-hi-ngat di Allah Di Sindem Bibor ndo bida tirigi diyai piga hak.

MATIUS 28:5

Malaikat dima pai bak sop nya “Ma jinghuisi mpig sut au! Dikan tut bipia jinggok ser Yesus di ipek ei biei salibti.

MATIUS 8:26

Yesus buhup “Jidigit tut mindei i? Jiba jingon com Da bi!” Lene Noni kiju biya leu api ggai ser hou di ten bibor kin igpong di roi bibor apino hou ntus hak ba, mpia mbum-bra.

LUKAS 1:13

Noro malaikati dima pai bak “Zakharia e, ma angon digit tut au! Allah miap ade nadi tu. Gima rino atnem Elisabet misrek tut munggwom pinai. Suar ajem ninyeng Yohanes.

LUKAS 1:30

Gima rino malaikati pai bak “Maria e, antu kep anghuisi tut au lewo Allah joi sut na.

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

KISAH 10:22

Ibuhup “Kornelius di Nibou tentara pinak nye kwei. Noni ba ningon gom bikuk no bak Allah ba, mben Yahudi yahagom ikon ninyeng cem. Allah birop Kornelius de nadi bipinak Nide malaikati gom kwei bipai binoni bipia ma noni sok nihyet bak na di Andigpoi leu binhyepo abit nye biyuug ei nide ig bei leu binhyepo noni miap mun di tibim ei na di Andigpoi ahui him.”

KORINTUS GI NIGOM 3:22

Jimbun Paulus kin Apolos kin Petrus kin dihyeisi dini kin niyaijoti kin nimaisi kin nijam dini kin nijam di jo nidipti bu ba,

NINDAT KEP TUHAN NICUKTI NYA 18:2

Harin dima yoni ima dihyei hanjop nsi noyam kin keret nindigsi nya a. Lewo tuhan Nonti ne ide mun ninda rom rin bit leu gi Noni preu ei mem yok nipou su.

NINDAT KEP TUHAN NICUKTI NYA 31:6

Suar jita jibou eisi bijibrim jingkek ba, jittin tut yok au. Lewo tuhan di nok jide Allah misindem tut je. Noni mikes je ei bibindei ba, jingon pus tut Noni bi sren.”

IBRANI 1:1

Nipou yo ne Allah ba nisinati di ter leu yam bitri tut ningon kanti bak idigup-idigai bat nya mbirimang bibor tug hon nabi nya.

NINGAT-HI-NGAT NYA 1:17

Tirigi dingat Noni lene diba dingwak bikik mpia ei nimig him dem kep no di mai su. Noro Noni ba ninda com bitak da bipai bida “Attin tut au! Dani ne nimbie him kin nohon keti,

SRAT RUT 2:12

Handei kon ba, tuhan di nye di mben Israel nikuk nye bak miba mun di kei bibor bibirop hanyen bina tut ayai munti nya hagom lewo akwei gwam coi Noni tu!”

SAMUEL GI NIGOM 15:10

Lene Allah pai bak Samuel,

SAMUEL GI NIGOM 9:9

Ei nijam dima ne tungwatu nya ijem no di nabi ninyeng hi no di kan huk mindur kan cem. Gino tungwagom hig ser Allah tut mun nyeng hi lene noni mipai “Jikwei ba, yuug cem kep no di kan huk mindur kan.”)