NITRITI 14:20 - ALLAH NIHYET MEM TUNGWATU NYA

²⁰ Ma tungwatu nya inggei sut Allah Di Ninyeng Jei Bibor di sindem tut na dino ahwen ade siceu nya bicut bina tu.” Lene Abram hit ndigban po pos pima hagom bikwas gom leu ningot gom lene gom leu ningot gom tut Melkisedek.

NITRITI 14:20 ပူးပေါင်းရင်းမြစ်များ

NITRITI 14:21

Lene nibou ndig Sodom pai bak Abram “Tut ndigban po apos leu ade siceu nya pima lene jo bina hak ug. Noro nna ba akes ditde limwa nya po ipos yok pima hanyen kwei bida.”

NITRITI 24:27

bipai “Dinggei sut tuhan di ditde andigpoi Abraham kuk no bak lewo jo nibreisi bipia tuhan ningon gom ba, yai hagom bit leu nok gi po preu ei mem andigpoi Abraham pima tu. Noni bie tut da hammi ndam andigpoi nide bat nya tu.”

NITRITI 28:22

Lene midikwas gom leu ningot gom lene gom leu ningot gom bikwop mun nyeng hagom di dinyeng tut nya leu Na di tuhan hanyen biNa. Tig nibiyok ngon kep dini minok gumihyep mem tungwatu nya ibikuk yok bak tuhan eisi.”

NITRITI 47:24

Tirigi ngat ningat tu lene suar jiyai ningat can leu ningot gom ningat can leu ningot gom lene nok bak Firaun. Lene nindigsi nya mijo bije bijibet hi ei nok njita bou lene jiyem kep nindigsi nok njita mem jenti kin jide bat nya jahagom.”

NITRITI 47:26

Gima rino Yusuf pas kep nicukti bingkiem ba, nicukti dima ne suar timiei minu Mesir nya igyai ide njita ningat can leu ningot gom ningat can leu ningot gom lene nok bak Firaun bininyeng tak kep. Lene nicukti dima jo kikau kwei bipek ammani kep. Noro Firaun ninyeng tak kep dihyei hanjop nsi nya di imam nya ide bi.

NITRITI 9:26

Jikwei ba, inggei sut tuhan di Sem de Allah. Kanaan minok awak mem Sem.

SAMUEL GI NICAN 18:28

Ahimaas pigo nibou ndig lene kuk no biba ningwak bikik dihyei ei nimig him bipai binoni “Akwei ba, singgei sut tuhan di nok na di Andigpoi ade Allah lewo Noni bindei ba, yo di yaham imbuk kep na di Andigpoi yahagom icut bak nyeni tu!”

NIBOHON MBEN ISRAEL GI NICAN 31:12

leu api inju ndigban di limwa nya ikwas dima kin ndigban di ikwas gom leu ningot gom hagom ei ig gudan dima yokti ba, ibindo Konanya di ntun keret Lewi him ba, noni ya ser ndigban dima yok. Lene ibindo nikinjoi Simei ba, hati tut nikindigya.

NEHEMIA 10:37

Minittei tepun di niba gandum di nikos nimbie him ngat biniyai bak imam nya ei tuhan De Ig bikwop ari bingwam. Miniyai nok gima tut munkwas nindigsi nya nok ba anggur ngei kin mini zaitun ngei kin biei ngat nindigsi nya cem. Minikwas ningat leu miaisi gom leu ningot gom lene nok leu api nikes hagom ei Lewi nya indati. Lewo yoni ingon ya mem gima imbus munkwas nya gom leu ningot gom lene nok gima bidem minu ndig di niyai miai eisi nya hagom.

NEHEMIA 13:12

Gima bindei ba, limwa Israel yahagom ikinyon ei nikwas gandum kin ba anggur ngei kin mini zaitunti ba, ikwas gom leu ningot gom lene nok tut tuhan De Ig hanyen bittei hagom ug ei ninsi ninju ndigban ngug-ngau eisi.

MAZMUR 144:1

Doia Daud. Ma jikon tuhan di ya srak ko hagau da ninyenga! Noni pingok da tut nihwen munti bingginau da tut nikon pranti.

MAZMUR 44:3

Nanti rino ajji ngkiai nya leu itimieisi leu api ayai ide dihyei di inda rom dima bak Ade limwa nya apino ibong ser minu dima. Abindei ba, mben ngkiai hiter nya yuum mun di buhun noro asindui sut Ade limwa nya ba, idigek kep mpia.

MAZMUR 68:19

tuhan buwak nikat yok nya imang bibor bikui sut yok ug ei mpia di anai bibong ei mpia dima bijo ninno bijo kikau. Noni tug ndei munkwas leu tungwatu nya kin nimpung di ikiek imig jou tut Noni ikieti cem.

NEHEI LEUSI 18:10

Lene noni pai “Dinggei sut tuhan di teu je bijingwes ngun leu Firaun kin nide limwa nya di imbuk tut je inda nsi! Dinggei sut tuhan di teu Nide limwa nya leu awak ei minu Mesir!

AMOS 4:4

tuhan Di Ninyeng Jei Bibor pai “Je di mben Israel e, nnaba jimbut ug ei gumihyep di jikuk je biDa eisi ei minu ndig Betel hak ug leu api ma jibon kep jide sisar ei sirima! Nnaba juug ei hanjop Gilgal bijibrim jingkek mem sisar ei mpia dima cem hak ug! Nnaba jijem mindhe-ndhe kwei mem jide midut nya bikwop njap tekti lene ma jipwoi mun di jikwas tut Da gom leu ningot gom lene nok mbigom mem njap nitindur ningai hak ug.

MALEAKHI 3:10

Ma jipwoi jide mun nyeng gom leu ningot gom, gom leu ningot gom titut yam kwei ei Tuhan De Ig leu binhyepo njita mpung bibor ei Ditde Ig. Tug hon nisinati dima ne jibiyai hamem Da leu api jingat lo, dikau dimbou pmem ei gwamti nya bidinjei mun di kei nyeng hagom bak jeni.

MALEAKHI 3:8

Nogindini dihig ser je ‘Da di Allah disindui sut tungwatu nya biris Da e?’ Jo nibreisi bipia bit bon jiris Da bi sren. Noro jiris Da tu bijihig ser Da ‘Notou niris Na i?’ Dibuhup “Jiris Da tug hon munkwas di jiyai biDa bi. Gima ne mitiei gom leu ningot gom, gom leu ningot gom kin mun di jinyeng tut di jikwas mikuisi tut Da bi cem.

MBEN ISRAEL IMBUT-MBUT NYEN 28:26

Tirigi ikinyon ei Njap Ndig Nike Gandumti ba, ittei ide gandum nimbie him mem nibon midut njita nibipai sigyo bak Allahti kwei lene suar idem yam ei mem njap gi nigom. Harin dima igyai midyai di buhun mem njap dima a.

LUKAS 18:12

Diyem njita bi mbican mem nituti poi bikwop ari nitindur gom bidikwas mun di dima nya gom leu ningot gom tut Na.’

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

NINDAT KEP TUHAN NICUKTI NYA 12:17

Ma jiyem mun di jipigig sut ei mem tuhan ei jide biyati kin jide minu au. Nok jide gandum kin ba anggur ningei kin mini zaitun di jikwas gom leu ningot gom lene nok kin mun di jihyen kep nipmot bou nya cem mun di jipreu ei mem tuhan nipou su kin mindhe-ndhe di jikwas tut Noni mikuisi kin mun nyeng hiter di jikwas.

NINDAT KEP TUHAN NICUKTI NYA 14:23

Lene ma jiyem njita ningat gom leu ningot gom bibikwop nok di jibikuk je bak tuhan ei jide tuhan Allah Noho bei ei mpia di Noni ndo ei nok mpia ttou nsi mem gima jikuk je bak Noni eisi. Ningat gom leu ningot gom bitut gandum kin ba anggur ngei kin mini zaitun kin jide sapi kin kambir kin domba nipmot bo nya hagom. Ma jiyai kep midut dima leu binhyepo jibiyok ngon kep nisinati tut nibikuk je bak jide tuhan Allahti bijo kikau.

NINDAT KEP TUHAN NICUKTI NYA 14:28

Bikwop ari bingwam niningai ningwigsi lene suar jittei njita ningat gom leu ningot gom di jiyai kwei leu jide miaisi pima ba, jinju keyam ei jide minu ndig nya.

YOSUA 10:42

Yosua nya iba nikon pran sindam dima bibindei sar nibou ndig dima yok yahagom. Lene ibindei sar minu ndig di ide di inyeng tak kep nya cem leu api igyai bigyati. Lewo tuhan Allah Israel hati tut tentara Israel bikon pran tut yok.