NITRITI 14:18 - ALLAH NIHYET MEM TUNGWATU NYA

¹⁸ Lene Melkisedek di nibou ndig Salem cem ya um Abram biyai roti kin ba anggur ngei bak. Melkisedek ne imam mem Allah Di Ninyeng Jei Bibor ri.

NITRITI 14:18 ပူးပေါင်းရင်းမြစ်များ

SAMUEL GI NICAN 2:5

Gima rino noni sok nihyet bak yo dima bipai biyok “Handei kon ba, tuhan minjei mun di kei bak jeni drek dip gi po jindo jingon di gom tut jide nibou ndig tug hon gi jitig ningut pima.

MAZMUR 104:15

ita ba anggur bidut ningei di bindei di ingon kei bibor. Ita biei zaitun bipot ningei di bindei bingon llei bibor. Igyai miai ba, ibiyai njita di igyem di biyai nisindemti biyok.

MAZMUR 110:4

tuhan preu ei tug hon neheng bipai “Dikon anyeng nok imam noyam kin imam Melkisedek kikau buug hon nohonti bi.” Ba, Noni mingkwei leu nipreu eisi dima bi sren.

MAZMUR 50:14

Ma jibon midut nibipai sigyo bak Allah ba, jiyai bipek kep mun di jipreu ei bak No Di Ninyeng Jei.

MAZMUR 57:2

Allah e, angondut da lewo digwam coi Nani. Diku da nding ei anyehei behei kikau bibou hou sigau di nimig ten bibor kes leu ug.

MAZMUR 7:17

Gima rino ide nisibutti dima bindei ba, hukum cut igkep yok hanyen. Yonti ide ningon mbukti hwen bit yok hanyen cem.

MAZMUR 76:2

Allah ninyeng jei ei hanjop Yehuda. Ninyeng tibim bidem minu Israel nisurti-nipekti.

MAZMUR 76:3

Minu ndig Yerusalem ne mpia di bong niti ri. Mbigdip Sion ne mpia di Ningat rin eisi ri.

DANIEL 4:31

Nipou tirigi dikes dihyet bigyo rino nihyet gom tibim kwei leu mpia-bbed him bipai bida “Nibou Ndig Nebukadnezar e, angig atingou mem dihyet! Ade ninyeng tak kepti di sindem bibor sindi pror hak leu na.

MIKHA 6:6

Tirigi ikuk nye bak tuhan di ninyeng tak kep gwamti ne suar ipwoi mindei kwei bigyai biNoni i? Suar ijem sapi nehen pap di kei bibor kei nya di indig kep hum ei nimbar hum dokti tirigi ibikuk nye biNoni e?

MBEN ISRAEL IMBUT-MBUT NYEN 18:28

Tug hon nisinati dima lene mijiba mben Israel ide munkwas gom leu ningot gom di jima bou je pima bikwas munkwas nidor njiriekti pima tut tuhan. Lene ma jiyai munkwas nidor njiriekti dima bak Imam Harun.

MBEN ISRAEL IMBUT-MBUT NYEN 24:16

Allah nihyet tibim ei ditingou nsi. No Di Ninyeng Jei Bibor ndo ningon kanti brei bida ba, diba diyai di piga hak bingat ningat-hi-ngat di Allah Di Sindem Bibor ndo bida.

KISAH 16:17

Misop dini mig buwei kep Paulus nyeni ninno bahara “Yo dini ne awak mem Allah di ninyeng jei rin o! Ikwei tri tut nisinati bije leu binhyepo jiyai niteu leu sisarti kin niyaijo nijep o!”

KISAH 7:48

Gi nok lo, Allah Di Ninyeng Jei Bibor bong ser ig di tungwatu ingot bou inda him bi. Lewo nabi gom pas kep,

GALATIA 6:10

Gima rino biken tiri bon nituti ne ma impu tungwatu yahagom lo, impu isut bat yo di iba ingon com Kristus nya nipou ug e.

IBRANI 5:10

Leu api Allah ta Noni nok Imam Nibou Ndig noyam kin Imam Melkisedek.

IBRANI 5:6

Bit leu nok gi ipas ei Allah nihyet nibokti hiter bu “Dita Nani ba, anok Imam noyam kin Imam Melkisedek bijo kikau buug hon nohonti bi.”

IBRANI 6:20

Yesus tin puig buug ei ninsi dima mem nye bitug ndei ninyeng Imam Nibou Ndig kikau noyam kin Imam Melkisedek tu.

IBRANI 7:1

Melkisedek ne nibou ndig ei minu ndig Salem rin ba, yai midyai nok imam mem Allah Di Ninyeng Jei Bibor. Tirigi Abraham ngkwei hanyen leu nikon pran bitot nibou ndig nya bingwigsi dima lene Melkisedek kwei um noni bingat nadi tindei mun di kei mem noni.

SRAT RUT 3:10

Lene Boas buhup “Nnaba tuhan minjei mun di kei bak nani lewo gino ibinai ayai munti dini kin mun di abibon bak agnyot lene ayai munti di nogindini bindo tut ade ningon ngakeisi di nindig bibor dor njiriek bu. Mbro nok gino bon nituti mem gima ajem ajjep bit pinai pilei di nyeng hi e, he no di nuhui mbum hi e lo, ayai nok gima bi.