NITRITI 14:13 - ALLAH NIHYET MEM TUNGWATU NYA

¹³ Noro tungwagom ningwes ngun bidor kwei lene pui sut bak Abram di mben Ibrani pima. Abram bong dideu biei nghousi di timiei minu dima ipigig ser mem ide kwar di ikuk yok bak nya lo, Mamre ninyeng tak kep gumihyep dima. Mamre ne mben Amori rin ba, noni kin Eskol kin Aner ne yo di adig-ajoi rin ba, Abram nisut bat di ibicom yam bit noni ri.

NITRITI 14:13 ပူးပေါင်းရင်းမြစ်များ

NITRITI 10:16

Kanaan nok pung di mben Yebusi kin mben Amori kin mben Girgasi,

NITRITI 13:18

Gima rino Abram llet nide prak meng yati bimbut tut bohok hanyen ei biei pigig nghousi di ninyeng Mamre di tungwatu nya ipigig ser mem ide kwar di ikuk yok bak nya dideu Hebron. Lene noni dingug tig nindig bijo-jo yam dip nok nimbar hum dok mem binggei sut tuhan.

NITRITI 14:24

Gima rino miditak kep mun nyeng gom mem danti bi. Noro midirok ndigban di biluei mun di ditde limwa nya ibikon pran bi. Tut ndigban dima ne ma asindui sut disut bat Aner kin Eskol kin Mamre di yahati tut da pima he igyai hak.”

NITRITI 18:1

Lene tuhan ndo Nonti bak Abraham tirigi noni bong dideu biei pigig nghousi ei Mamre nok mpia di tungwatu nya ikuk yok bak ide kwar nya eisi. Lene Abraham gwam ser dimbou heisi ei prak meng behei mem mpia huk pijum di wam bibor.

NITRITI 21:24

Lene Abraham ce bipai “Diba neheng bipreu kep na bit leu angon kanti.”

NITRITI 21:27

Lene Abraham kwas domba nya kin sapi nya nimangti poi sut Abimelekh leu api yahacem ikwam minggwen.

NITRITI 21:32

Tirigi ipreu mun bit yam ei Bersyeba tu lene Abimelekh kin Pikhol ingkwei hanyen ug ei mben Filistin ide minu.

NITRITI 39:14

noni hig awak nindigsi nya kwei ba, om biyok bipai “Jingat i! Awak di mben Ibrani di dijjep kon ninyeng nok nibou ig bei nsi dini yai mun tunggwei sut nye nindig bibor ba, pi bicut tut da noro diba dihyet nindig bahara kep noni.

NITRITI 40:15

Lewo ningat ne tungwatu nya ikat da kwei leu mben Ibrani itimieisi ba, dibon mun tunggwei di bindei bidisima hukum ig bui nsi ei minu Mesir dini hi bi.”

NITRITI 41:12

Lene nipui sut mun di nimumpriem tut dima bak mben Ibrani gom di nok awak mem nibou mem yo di igya ser nya lewo noni sima ei ig bui nsi bit nye. Leu api noni mbot kep tut mumpriem nya binye.

NITRITI 43:32

Yusuf gwam kui meja gom biyem njita binongkom lene nikindig bat nya kin nikinjoi igwam kui meja hiter bu. Lene timiei minu Mesir nindigsi nya igwam kui ide meja hiter bu leu gino igyem njita bit mben Ibrani ne ikan bipia gima suwok.

AYUB 1:15

mben Syeba ikwei hwen nye bipos mindhe-ndhe nya hagom bingwig leu nye leu api igyai nimai bak ade awak nya yahagom. Dangkom ngat he rino dingwes ngun bidikwei pai bak na di Andigpoi.”

NEHEI LEUSI 2:11

Tirigi Musa wer pinjoi ndig tu lene ug cem kep nide adig-ajoi nya bingat lo, timiei minu Mesir nya iba imbuk bico kep yok nindig bibor. Mpe dima lene noni tou kep timiei minu Mesir gom di bui-bui nyen mben Ibrani gom di nimbier kim Musa.

NEHEI LEUSI 2:6

Lene noni kau nibeng leu bingat lo, munggwom pinai hi no bong eisi a. Lene ningwoi-ngwoi dima pim apino sop dima ngondut bipai “Gini ne ningwoi-ngwoi mben Ibrani pima ri.”

NEHEI LEUSI 3:18

Ditde limwa nya mingig itingou mem ahyet. Lene abuwak nibou mben Israel ba, juug ngat Firaun leu api apai binoni bipia tuhan di nok mben Ibrani ide Allah ndo Nonti bina tu. Suar Firaun sindui sut je bijimbut jimig mem mmun-njap ningai ug ei iggum ndigsi leu binhyepo jibon midut nindig mindhe-ndhe ei humti bak tuhan di nok jide Allah.”

YEREMIA 34:9

ide awak di mben Ibrani nok pinai nya kin sop nya leu api yuubon yok nok awak bu bi. Apino mben Ibrani hi muubon nide mben gom nok awak bu bi.

YUNUS 1:9

Yunus buhup “Dani ne munggwom Ibrani rin ba, dikuk da bak tuhan di nok Allah ei gwamti di pai tes muk ngei kin mam bei a.”

MBEN ISRAEL IMBUT-MBUT NYEN 13:23

Leu api yuug krau Mbang Briep Eskol ba, ikos ba anggur ngat nimbeu ndig di buhun bibor gom ei sirima. Apino suar ibou can isu biei eisi bittei. Yoni ipuk biei delima ningat poi kin biei ara ningat poi cem.

MBEN ISRAEL IMBUT-MBUT NYEN 21:21

Leu api mben Israel isok ighyet bak Sihon di nibou ndig mben Amori bipai binoni,

KORINTUS GI NICAN 11:22

Apo yoni ne timiei Ibrani rin e? Dani cem timiei Ibrani. Apo yoni ne timiei mben Israel rin e? Dani cem timiei mben Israel. Apo yoni intun Abraham him e? Dani cem dintun Abraham him.

FILIPI 2:5

Ma jingon mien paisi noyam kin Kristus Yesus ningon mien paisi.

SAMUEL GI NIGOM 29:3

Lene nibou pran mben Filistin ingat Daud nya ba, ihig ser yam “Tentara Ibrani dima yok ikwei mem mindei i?” Lene Akhis buhup “Gini ne Daud di nipou yo nok nibou tentara gom mem Nibou Ndig Saul leu Israel ri. Wer bong mimbrek bit da tu. Tirigi po noni kwei bong bit nye pima ne noni bon mun di tunggwei hi bou diyai him bi kikau kwei bipek ammani kep.”

SAMUEL GI NIGOM 4:12

Lene tungwagom di nimbier kim keret Benyamin dor kikau kwei leu mpia po tentara ikon pran bit yam pima bikwei krau Silo ei njap gom ndia. Lene noni rik nide sinsun birik-ta bikam dihyei ei nibou nggram him nok bindo bipia ningon ngguk bibor.