NITRITI 13:8 - ALLAH NIHYET MEM TUNGWATU NYA

⁸ Lene Abram pai bak Lot “Sani ne adig-ajoi rin ba, dem mem ade awak nya kin ditde awak nya igbroi yam bi.

NITRITI 13:8 ပူးပေါင်းရင်းမြစ်များ

NITRITI 13:9

Gima rino ma sikwas yam hak ug. Ando igbit hanjop nsi di angon ngakei. Gino aug ei gimu lene da duug ei guhu.”

NITRITI 14:14

Tirigi Abram miap mun di cut igkep Lot di nikinjoi nipmot po nibou ndig nya ikat tu pima lene noni nduk nide limwa pinai nya ibou sratus ningai ba, simnaimuhwidip brimigtehiningai di yahagom ikon pran kan leu api yuhuk bram nibou ndig pima yok kikau ug ei minu ndig Dan.

NITRITI 45:24

Lene noni kes yok bimbut ba, sok kep yok bipai “Ma jingon nso jenti tut ba, jihyet srou kui yamti hapuig au.”

NITRITI 46:34

ma jibuhup bipia jihyen kep mindhe-ndhe nya habiei jimien kikau kwei bipek ammani kep bit leu nok jidigup bat-jidigai bat nya di igyai kep midyai nok gima nipou su. Gima rino noni misindui sut je bijibong ei Gosyen.” Yusuf pingok ingonti nok lewo timiei minu Mesir nya ikou sut gima ijem isut bit yo di ighyen kep domba nya kin kambir nya.

MAZMUR 133:1

Doia nikui ug ei Mbigdip Sion. Gino Allah de limwa nya ingon kwes kin yam ba, ibet ingon mem yam ne gima kei bibor kei!

NEHEI LEUSI 2:13

Njap di hyep bu lene noni ug ngat yok hanyen bittau kep mben Ibrani ibou can di ibui yam leu api hig ser no di bindei “Nggon rino abui asut mben Ibrani dima i?”

NIPINGOK NINGONTI 15:1

Nibuhupti di nem-nnai bindei ba, no di gga bibor ningon cut hanyen. Noro nibuhupti di singga miep hum kin no di gga nide nigga biborti.

NIPINGOK NINGONTI 15:18

Nigga haninyaisi bindei ba, niwaisi yamti ntun him noro noom ningonti bindei ba, ningon kwes kin yamti ntun him.

NIPINGOK NINGONTI 20:3

Yo di iliriem yam yahagom ingkek ndok. Tungwatu nya minggei sut na gino aom angon ba, aba na kum yok bi.

MATIUS 5:9

Bikwop yo di ibakei tungwatu nyati nya ingon nggei-hi-nggei lewo Allah mipai bipia yoni ne nimunggwom bat nya ri!

KISAH 7:26

Njap di hyep bu lene Musa tau kep mben Israel ibou can di ibui yam leu api noni pi bibakei yokti bipai biyok ‘Disut bat jen, jikinjoi bat yam ri. Nggon rino jibui yam i?’

ROMA 12:10

Ma jiba jingon di gom bingon ngakei yam bit leu nok yo di ikinjoi bat yam ei Kristusti. Ma jiba jibou coi mem yam bijinggei sut yam cem.

FILIPI 2:14

Ma jilua sok drek dip jiyai munti nya ba, jiliriem yam cem au.

TESALONIKA GI NIGOM 4:9

Suar dipas mun nyeng hi ei srat diniti tut jingon ngakei yamti bi. Lewo Allah Nonti pingok ei jingonti tut jingon ngakei yamti tu.

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.

IBRANI 13:1

Ma jingon ngakei yam kikau bit leu nok yo di Kresten di ikinjoi bat yam.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

PETRUS GI NIGOM 2:17

Ma jibou cut bak tungwatu nya yahagom. Ma jingon ngakei jisut bat yo di ingon jo kep nya bijittin tut Allah. Ma jibou cut bak nibou ndig Kaisar.

PETRUS GI NIGOM 3:8

Nirop ninda ndigsi rinok gini. Ma jahagom jice tut yam hyet kin jingon kanti cem gom. Ma jingondut yam tereu nok yo di itig mbier tut yam. Ma jingon nggriu sut yam bijiba jibou coi mem yam cem.

PETRUS GI NIGOM 4:8

Gi bon ninyeng dor njiriek nindigsi nya rino nicukti di bidip huk je leu binhyepo jingon ngakei yam mungkun kei. Lewo ningon ngakei yamti dima mibindei ba, jikos ser sisar di jibon biyam.

PETRUS GI NICAN 1:7

Ma jiba ningondut yamti bindei mbut jide niyai mun tug hon ningon kwesti. Ma jiba ningon ngakei tungwatu nyati bindei mbut ningondut yamti.

YOHANES GI NIGOM 4:7

Disut bat di dingon kieti jen! Jikwei ba, yahagom ingon ngakei yam lewo Allah ne nibousi mem ningon ngakei yamti ri. No di ningon ngakei Allah kin tungwatu nya ne Allah nimunggwom rin ba, ningon dorti tut Noni.

NIJAM NIKEI NYA 9:26

Mpe dima lene Gaal di Ebed nipmot kwei sut nikindig bat-nikinjoi bat nya ba, yahagom ibong ei Sikhem. Apino mben Sikhem iba ingon com noni.