NITRITI 13:15 - ALLAH NIHYET MEM TUNGWATU NYA

¹⁵ Leu mporo midipek hanjop nsi di acap ser dima yok hagom bina kin ade nintun him yamti di bram yam nya cem bijo ninno bijo kikau.

NITRITI 13:15 ပူးပေါင်းရင်းမြစ်များ

NITRITI 12:7

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NITRITI 13:17

Nogindini ma ambut bidem minu dini nisurti-nipekti hagom leu mporo midiyai hagom bina yo.”

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NITRITI 15:7

Lene tuhan pai binoni “Dani ne tuhan rin ba, dibuwak nani kwei leu atimieisi ei minu ndig Ur ei minu Babilonia leu binhyepo dipek minu dini hagom bina nok ade hanjop nsi.”

NITRITI 18:18

Nide nintun him yamti di bram yam nya mporo midigek kep mpia apino inok mben di sindem bibor bi e? Mben dihyeisi dini hagom mitug ndei mun di kei leu Dani tug hon noni bi e?

NITRITI 24:7

Lewo tuhan di ninyeng tak kep mpia-bbed him jem da kwei leu dicig kin dide bat nya itimieisi ba, preu ei mem da bipia ditde nintun him yamti di bram yam nya mporo miba yokep minu dini hagom. Noni rino micuk Nide malaikati gom di mpu na leu binhyepo abuwak sop gom kwei bak dipmot nok nitnem.

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NITRITI 28:14

Yo di intun nani him midigek kep mpia ba, imangti ningot ndig noyam kin dihyei ndung nimangti. Lene mporo yoni mikieng kep mpia ug ei nite bei mpia nicutti kin nite bei mpia nipriti kin nite bei mpia nijjai kin nite bei mpia nibiho. Ba, mben dihyeisi dini hagom mporo mitug ndei mun di kei tug hon nani kin ade nintun him yamti di bram yam nya cem.

NITRITI 28:4

Nna ba Allah njei mun di kei bak nani kin ade nintun him yamti di bram yam nya bit leu nok Noni njei mun di kei bak Abraham! Nna ba anyeng tak kep minu di abong ser dini di Allah pek bak Abraham nipou su!”

NITRITI 35:12

Diyai minu po diyai bak Abraham kin Ishak nipou su dini hagom binani bu leu api yo di intun nani him mporo migyati nok ide minu ninda rom.”

NITRITI 48:4

Lene Noni preu ei mem da bipia Noni mibindei ba, ditde nintun him yamti di bram yam nya idigek kep mpia apino inok pung di keret nya imang bibor intun him. Lene Noni mipek minu dima hagom bida kin ditde nintun him yamti di bram yam nya bijo ninno.

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

NIBOHON MBEN ISRAEL GI NIGOM 16:18

tuhan pai bak “Midiyai minu Kanaan binani binok ade dihyei ninda rom.”

NIBOHON MBEN ISRAEL GI NICAN 20:7

Nani ne nyende Allah ri! Tirigi Ade limwa di mben Israel nya ikwei krau minu dini lene akes hagom bak asut di Abraham leu binhyepo dihyei dini nok mben Israel ide dihyei ninda rom bijo ninno bijo kikau.

MAZMUR 37:22

Yo di tuhan bindei ba, ingon nggei-hi-nggei micoi ug ei minu di Noni preu ei mem yok. Noro Noni mibindei ba, yo di itug ndei Nide nisigionti mitug midut.

MAZMUR 37:29

Yo di ingon sren nya miba yokep idihyei bibong kei bigwam kei bijo ninno bijo kikau.

NEHEI LEUSI 32:13

Ayok ngon kep Ade awak di Abraham kin Ishak kin Yakub nya. Ayok ngon kep bipia apreu ei mem yok tug hon neheng bipia ide nintun him yamti di bram yam nya imangti midem ham mpia-bbed him. Lene apreu ei mem yok tut ide dihyei hanjop nsi bipia apek dihyei dima biyok leu binhyepo inyeng mitak kep hagom bijo ninno bijo kikau.”

NEHEI LEUSI 33:1

Lene tuhan pai bak Musa “Suar nani kin yo di abuwak yok kwei leu minu Mesir pima jahagom jimbut leu mpia dini bijimbut kikau ug ei minu di dipreu ei mem Abraham kin Ishak kin Yakub kin ide nintun him yamti di bram yam nya tu.

YESAYA 63:18

Nggon rino asindui sut nyende siceu nya ba, ibindei timek Ade Ig lene ibimangkrei Ade nungug tou di kwes-kwau i?

MBEN ISRAEL IMBUT-MBUT NYEN 34:2

biyai nicuk mben Israelti binoni bipai “Jei bi lene mijicoi ug ei minu Kanaan. Gima ne minu di diyai bak jeni nok dihyei ninda rom ri. Minu dima bon ninyanti kin nijeisi nok gini.

MATIUS 5:5

Bikwop yo di iba ibou coi mem yam nya ingon nggei-hi-nggei lewo yoni migyai mun di Allah preu ei mem yok!

KISAH 7:5

Mpe dima lene Allah ndo minu ttou nsi gom bak Abraham binok nide dihyei ninda rom bi. Noni pek hanjop nsi mien hi mem miai ngausi cem bi. Noro Allah preu ei mem noni kin yo di intun noni him bipia inyeng mitak kep minu dini hagom ei nidipti bu. Tirigi Allah preu ei mem noni dima lene Abraham yai nimunggwom hi bigyo.

NINDAT KEP TUHAN NICUKTI NYA 34:4

Lene tuhan pai bak Musa “Dihyei hanjop nsi dima hagom dipreu ei mem Abraham kin Ishak kin Yakub leu binhyepo diyai bak ide nintun him yamti di bram yam nya. Disindui sut gima acap hagom noro dipai ser nhyema acoi ug eisi bi.”

NINDAT KEP TUHAN NICUKTI NYA 9:5

tuhan misindui sut jeni bijiyai ide minu bijiyati tug hon jide nikwes-kwausi kin gi jibit Nonti ningon kanti nya bi. Noni mihwen yok bingwig leu je drek dip ide nisibut biborti ba, Noni yai igbit mun po Noni preu ei mem jidigup bat-jidigai bat di Abraham kin Ishak kin Yakub nya cem.