NITRITI 13:13 - ALLAH NIHYET MEM TUNGWATU NYA

¹³ Mpe dima lene timiei minu ndig Sodom nya imbuk bibor ba, ibon sisar tut tuhan.

NITRITI 13:13 ပူးပေါင်းရင်းမြစ်များ

NITRITI 10:9

Noni ngim igkei tug hon tuhan de nisindemti. Gima rino tungwatu itri tut “Nna ba tuhan bindei ba, angim igkei dem kep nok Nimrod.”

NITRITI 15:16

Lene ei nidipti bu mem nijam di agnyon bat nya ignyon bat nya igyaijo lene ade nintun him yamti di bram yam nya mporo mingkwei hanyen ei sirini. Lewo midijji mben Amori leu minu dini bigyo bibou ikum ei ide nimbukti nindig bibor bu ug e leu api mpe dima lene midikes hukum ei yok dip.”

NITRITI 18:20

Lene tuhan pai bak Abraham “Tungwatu nya ipai kep mben Sodom kin Gomora inghapti ba, ningat ne ibon kep sisar nindig bibor.

NITRITI 19:13

Lewo minicok tut minu ndig dini ningwig ug ri. Timiei minu ndig dini inghapti di kinei bibor tibim ei tuhan nitingou nsi tu ba, Noni cuk nye kwei leu binhyepo nicok tut Sodom bihigom.”

NITRITI 38:7

Noro Er bon sisar nindig bibor apino tuhan ningon sibui sut noni bikes hukum nimai ei noni dip.

NITRITI 39:9

Dinyeng tak kep hagom noyam kin nonti ninyeng di tak kep hagom cem. Ningon tak kep mun nyeng gom leu da bi noro nitnem rinani lene ningon tak kep na leu da. Bit bon dibon mun di tunggwei sut noni nok gini ba, dibon sisar tut Allah cem kan bi.”

NITRITI 6:11

Noro tungwatu nindigsi nya yahagom imbuk bibor ei Allah niyai him. Ibon munti di kinei bibor nya kieng kep dihyei nisurti-nipekti hagom.

NIBOU NDIG NYA GI NICAN 21:6

Lene bibui nipmot hi bindig ei nimbar hum dok dimati ba, bikuk no bak kwar nya cem. Noni brim ningkek mem nung nya igyai kepti nya kin nipui mun nimbot kepti tug hon ham mpia-bbed him nya kin nikan tut nisindemti nya di jo nding leu tungwatu nya igyai him kin ninggok tut ninnei nitrowai nya leu binhyepo indo bindo binoni cem. Manasye bon sisar nindig bibor tut tuhan apino tuhan gga bibor drek dip nide sisar di nindig bibor di noni bon dima.

YESAYA 1:9

Gino tuhan Di Sindem Bibor sindui sut nye ba, ibou poi ingwes ngun bi ne nyeni yahagom isar bingwig dem kep nok Sodom kin Gomora.

YEREMIA 23:14

Noro dingat lo, nabi nya ei minu ndig Yerusalem ibon sisar nindig bibor binjiriek yok bu. Lewo iris ei tungwatu nya dip cem icut tut hiter nitnem cem yahati tut yo di igyai munti nya kinei bibor cem kikau ba, hi ttin ser nide sisar kan bi. Ba, yahagom ibon kep sisar di kinei bibor noyam kin timiei minu ndig Sodom kin Gomora bou diyai him.”

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.

MBEN ISRAEL IMBUT-MBUT NYEN 32:23

Noro ma jiyok ngon kep bipia gino jiyai bipek kep mun di jipreu ei pima bi lene jibon sisar tut tuhan ba, mijitug ndei hukum drek dip.

MATIUS 9:10

Tirigi Yesus yem njita bit Matius ei nide ig lene yo di igya tindei belasten di igyem tungwatu nya imuhup kin nikinei-kinau nindigsi nya imang bibor induk yam kwei ba, igwam bit Yesus kin yo di igya kui Noni.

MATIUS 9:13

Je juug ba, jihig yam ser ningginausi tut Allah nihyet di pai binye ‘Dijoi sut ningondut yamti nindig bibor dor njiriek nikos mindhe tut ninggromti’. Lewo dikwei mem gima dinduk yo di ikan bipia ikei-kau nya bi noro mem gima dinduk yo dino hiter irok yok ei itta.”

YOHANES 9:24

Lene nibou nya ihig no dima kwei mbigom bu bibidip huk “Ma aheng bitug hon Allah ninyeng bipia ma apai mun di nijit-jau binye. Nikan tut bipia No dima ne No di bon kep sisar ri.”

YOHANES 9:31

Ningat ne Allah buhup yo di ibon kep sisar ighyet bi. Noro buhup yo di ikuk yok biNoni kin yo di ice tut bibit Nonti ningon kanti yahagom ighyet.

ROMA 1:27

Pinai nya cem igyem njita tut sop nya bit leu nok tungwatu nya igyai kepti bi noro ingon pri kep yam ba, pinai yonti cem icut tut yam apino itug ndei hukum drek dip ide sisar di kinei bibor dima.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

PETRUS GI NICAN 2:10

Ba, gini bitut yo di ibit ingut kanti di mpiei bibor di srou yok kin yo di ingwes pri gau Allah de nisindemti cem bibie ug e. Guru nitrowai nya ingon jei bibor ba, illei-lau cem. Ba, ikucang Allah De nipai testi di dia-diau nya ei ginyo kug bingwes mien tut bi!

YUDAS 1:7

Ma jiyok ngon kep minu ndig Sodom kin Gomora kin minu mien di gahai nya. Lewo timiei minu dima yok igyai bram malaikati dima yok igyai kepti nya bicut tut yam. Pinai yonti icut tut yam ba, sop yonti icut tut yam apino yahagom itug ndei hukum ei hum njengti di bit bon hi mu kan bi. Ba, gima nok mun di bisok kep bijo nibreisi mem yo di yahagom.

SAMUEL GI NIGOM 15:18

Nok gima cem Noni pinak na di Andigpoi ba, cuk na leu binhyepo ahwen mben Amalek di isibut bibor dima. Allah cuk na di Andigpoi ba, ata abou ei gi akon pran bit yok kikau bibou yahagom imai bingwig ug e.

SAMUEL GI NIGOM 2:17

Gima rino Eli nipmot bat cin ibon sisar di buhun bibor ei tuhan niyai him lewo ibimangkrei mun di mben Israel indig ei nimbar hum dokti bak Noni.