NITRITI 12:8 - ALLAH NIHYET MEM TUNGWATU NYA

⁸ Lene noni jo leu sirima buug ndam mpia nibiho ei cet him ei minu ndig Betel kin Ai ikieti ba, hok nide prak meng ei sirima. Betel jo ei nite bei mpia nicutti lo, Ai jo ei nite bei mpia nipriti. Noni dingug tig nindig bijo-jo yam dip bu ei sirima bingon nimbar hum dok leu api bikuk no bak tuhan.

NITRITI 12:8 ပူးပေါင်းရင်းမြစ်များ

NITRITI 13:18

Gima rino Abram llet nide prak meng yati bimbut tut bohok hanyen ei biei pigig nghousi di ninyeng Mamre di tungwatu nya ipigig ser mem ide kwar di ikuk yok bak nya dideu Hebron. Lene noni dingug tig nindig bijo-jo yam dip nok nimbar hum dok mem binggei sut tuhan.

NITRITI 13:3

Noni bong-bong nyen kak puig sinon ndam minu ndig Betel bingkwei hanyen ug ei nide igkumti ei Betel kin Ai ikieti ba,

NITRITI 13:4

tau kep nimbar hum dok po bon pima lene kuk no bak tuhan hanyen bu ei sirima.

NITRITI 21:33

Lene Abraham ta biei tamariska nikioi gom ei Bersyeba. Hon kep njap dima kui lene noni kuk no bak tuhan dino Allah Di Niyaijo Kikau ei sirima.

NITRITI 22:9

Tirigi ikwei krau mbigdip po Allah pai sut pima tu lene Abraham dingug tig nindig bijo-jo yam dip nok nimbar hum dok leu api kon biei binyohou prion eisi. Lene noni ngot nipmot Ishak nimig ninda kin yam leu api kon ba, kes ei biei mui dip.

NITRITI 26:25

Lene Ishak dingug tig bijo-jo yam dip nok nimbar hum dok bikuk no bak tuhan ei mpia dima. Lene noni hok nide prak meng yati ei sirima leu api nide awak nya itig minyei bousi gom kin bu.

NITRITI 28:19

Lene noni jem gumihyep dima ninyeng Betel. (Ninyeng timiei rino Lus.)

NITRITI 31:25

Mpe dima lene Yakub hok nide prak meng yati ei nungug tou gom lo, Laban kin nide limwa nya yohok ide prak meng yati ei nungug tou hiter di jo dideu.

NITRITI 33:20

Lene noni dingug tig nok nimbar hum dok ei sirima bipiga ei mem El ba, Noni ne mben Israel ide Allah ri.

NITRITI 35:3

Lewo nyeni imbut rin bingkwei hanyen ug ei minu ndig Betel ba, ei sirima mididingug tig binok nimbar hum dok mem Allah di nyohou da mpe di po mun di buhun cut igkep da pima. Noni ningat rin bit da kikau bidem dimbutti nya hagom.”

NITRITI 35:7

Lene Yakub dingug tig binok nimbar hum dok ei sirima bijem ninyeng “El-Betel” lewo Allah ndo Nonti brei binoni ei sirima tirigi po noni nang leu nikindig pima.

NITRITI 4:26

Lene Set yai nipmot bijem ninyeng Enos. Mpe dima lene tungwatu nya kindi indat kep tuhan ninyeng tirigi ikuk yok biNoni.

NITRITI 8:20

Lene Nuh dingug tig nindig bijo-jo yam dip bibingon nok nimbar hum dok leu api bui mindhe-ndhe kin ha di map kui bi nya hi gom hi gom bidigo leu api ndig hagom bak tuhan eisi.

NEHEMIA 11:31

Keret Benyamin bihi ibong bidem minu ndig Geba kin Mikhmas kin Ai kin Betel kin minu mien ngot di jo dideu nya cem minu ndig Anatot kin Nob kin Ananya kin Hazor kin Rama kin Gitaim kin Hadid kin Zeboim kin Nebalat kin Lod kin Ono cem. Ibibong bidem Mbang Briep Tukan Nya cem.

MAZMUR 116:4

Lene dahara tuhan “tuhan e, dahara Na leu binhyepo ateu da bidingwes ngun!”

NEHEI LEUSI 17:15

Lene Musa dingug tig binok nimbar hum dok bijem ninyeng “tuhan Rinok Ditde Kendera.”

YESAYA 10:28

Tentara Asyur igyai minu ndig Ayat bigyati tu. Injei siceu binjiriek minu ndig Migron tu! Inju ide njita di itin ei nya keyam ei minu ndig Mikhmas!

YOEL 2:32

Noro tuhan miteu bibikwop tungwagom-gom di hara Noni leu api yai niyaijo nijep. Bit leu nok Noni pai ‘Timiei minu ndig Yerusalem di didimig ei su nya mingwes ngun.’ ”

KISAH 2:21

Mpe dima lene Tuhan miteu bibikwop tungwagom-gom di hara Noni biyai niyaijo nijep biyok.’

KORINTUS GI NIGOM 1:2

Nipigo Allah de mbusyamei ei minu ndig Korintus. Allah hig jeni bijinok Nide limwa di ingon kwes-kwau nya tug hon jide ninok gom kin Kristus Yesusti. Ba, gima noyam kin yo di mbusyamei nya di ikuk yok bak Yesus Kristus bidem minu. Noni ne Tuhan mem yoni kin nyeni cem ri.

IBRANI 11:9

Niba ningon comti bindei ba, noni bong ei ningkiaisi di Allah preu ei mem noni. Noni bong kep prak meng behei leu api Ishak kin Yakub cem ibong kep ide prak meng behei ba, iba yo kep nipreu eisi noyam kin Abraham.

YOSUA 22:10

Tirigi keret Ruben kin Gad kin Manasye di ibong ei Minyei Yordan nite bei mpia nipriti yuug krau hanjop Gelilot ei Minyei Yordan nite bei mpia nicutti yo lene iwin nimbar hum dok di nindig krop di kei-kau-kei gom ei minyei nintig dip.

YOSUA 7:2

Tirigi mben Israel ibong dideu minu ndig Yerikho di timek lene Yosua pinak tentara nya ibou poi biyuug ei minu ndig Ai ei minu ndig Betel nite bei mpia nipriti dideu Bet-Awen. Yosua cuk yo dima “Juug yok jiyai kep minu ndig Ai kin minu di gahai nya.” Tirigi yuug yok igyai kep minu dima leu su,

YOSUA 8:12

Yosua cuk tentara nya ibou sribu muhwi nipou su ba, iku yonti nyahan ei minu ndig dima nite bei mpia nicutti ei minu ndig Ai kin minu ndig Betel ikieti.

YOSUA 8:17

Timiei pinai nya yahagom ei minu ndig Ai yehei mem gima yuhuk bram tentara Israel apino isindui sut dimbou pmem ei minu ndig dima bijo hak noro hi ya ser bi.

YOSUA 8:3

Leu api Yosua tin ei mem njei sut nide tentara nya yahagom ug ei minu ndig Ai. Noni mbus tentara di ikon pran kan nya ibou sribu ningot ningai. Leu api pinak yok ba, iba mmun bimbut.

YOSUA 8:30

Leu api Yosua nya iwin nimbar hum dok gom mem mben Israel ide tuhan Allah ei Nungug Ebal.

YOSUA 8:9

Leu api Yosua cuk yok ba, yuug ku yok nyahan ei minu ndig Ai nite bei mpia nicutti ei minu ndig Ai kin minu ndig Betel ikieti. Leu api igwam ba, imem kep ser ei sirima. Noro Yosua bong mmun dima bit mben Israel ei prak meng yati.

NIJAM NIKEI NYA 6:24

Lene Gideon ba tig bidingug nimbar hum dok gom mem tuhan ei sirima lene jem ninyeng “tuhan Nok Nibousi Mem Nibong Kei Nigwam Keisi.” (Nimbar hum dok dima no jo ei Abiezer nide bat nya ide minu Ofra kikau kwei bipek ammani kep.)

SAMUEL GI NIGOM 30:27

Minu ndig dima yok rino Betel kin Rama ei Yehuda nite bei mpia nibiho kin Yatir kin Aroer kin Sifmot kin Estemoa kin Rakhal kin minu ndig di mben Yerahmeel kin mben Keni kin mben Horma kin mben Bor-Asan kin mben Atakh kin mben Hebron ide nya cem. Daud njei ndigban di kwas dima tut nibou nya ei minu ndig di noni kin nide tentara nya ibong-bong nyen eisi pima yahagom ba, yahagom ima bidem yok.