NITRITI 12:7 - ALLAH NIHYET MEM TUNGWATU NYA

⁷ Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NITRITI 12:7 ပူးပေါင်းရင်းမြစ်များ

NITRITI 12:8

Lene noni jo leu sirima buug ndam mpia nibiho ei cet him ei minu ndig Betel kin Ai ikieti ba, hok nide prak meng ei sirima. Betel jo ei nite bei mpia nicutti lo, Ai jo ei nite bei mpia nipriti. Noni dingug tig nindig bijo-jo yam dip bu ei sirima bingon nimbar hum dok leu api bikuk no bak tuhan.

NITRITI 13:15

Leu mporo midipek hanjop nsi di acap ser dima yok hagom bina kin ade nintun him yamti di bram yam nya cem bijo ninno bijo kikau.

NITRITI 13:17

Nogindini ma ambut bidem minu dini nisurti-nipekti hagom leu mporo midiyai hagom bina yo.”

NITRITI 13:18

Gima rino Abram llet nide prak meng yati bimbut tut bohok hanyen ei biei pigig nghousi di ninyeng Mamre di tungwatu nya ipigig ser mem ide kwar di ikuk yok bak nya dideu Hebron. Lene noni dingug tig nindig bijo-jo yam dip nok nimbar hum dok mem binggei sut tuhan.

NITRITI 13:4

tau kep nimbar hum dok po bon pima lene kuk no bak tuhan hanyen bu ei sirima.

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

NITRITI 17:3

Lene Abram kuk no biba ningwak bikik dihyei leu api Allah pai binoni,

NITRITI 17:8

Mbro nok gino abong angkiaisi ei minu Kanaan dini lo, mporo midiyai minu dini leu nisurti-nipekti hagom binani kin ade nintun him yamti di bram yam nya bijo ninno bijo kikau bidinok ide Allah ri.”

NITRITI 18:1

Lene tuhan ndo Nonti bak Abraham tirigi noni bong dideu biei pigig nghousi ei Mamre nok mpia di tungwatu nya ikuk yok bak ide kwar nya eisi. Lene Abraham gwam ser dimbou heisi ei prak meng behei mem mpia huk pijum di wam bibor.

NITRITI 22:9

Tirigi ikwei krau mbigdip po Allah pai sut pima tu lene Abraham dingug tig nindig bijo-jo yam dip nok nimbar hum dok leu api kon biei binyohou prion eisi. Lene noni ngot nipmot Ishak nimig ninda kin yam leu api kon ba, kes ei biei mui dip.

NITRITI 24:7

Lewo tuhan di ninyeng tak kep mpia-bbed him jem da kwei leu dicig kin dide bat nya itimieisi ba, preu ei mem da bipia ditde nintun him yamti di bram yam nya mporo miba yokep minu dini hagom. Noni rino micuk Nide malaikati gom di mpu na leu binhyepo abuwak sop gom kwei bak dipmot nok nitnem.

NITRITI 26:25

Lene Ishak dingug tig bijo-jo yam dip nok nimbar hum dok bikuk no bak tuhan ei mpia dima. Lene noni hok nide prak meng yati ei sirima leu api nide awak nya itig minyei bousi gom kin bu.

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NITRITI 28:4

Nna ba Allah njei mun di kei bak nani kin ade nintun him yamti di bram yam nya bit leu nok Noni njei mun di kei bak Abraham! Nna ba anyeng tak kep minu di abong ser dini di Allah pek bak Abraham nipou su!”

NITRITI 32:30

Lene Yakub simbot dat “Mei! Dingat Allah niimaisi bou diyai him tu lo, diyaisi jo yo!” Gima rino noni jem gumihyep dima ninyeng “Pniel”.

NITRITI 33:20

Lene noni dingug tig nok nimbar hum dok ei sirima bipiga ei mem El ba, Noni ne mben Israel ide Allah ri.

NITRITI 35:12

Diyai minu po diyai bak Abraham kin Ishak nipou su dini hagom binani bu leu api yo di intun nani him mporo migyati nok ide minu ninda rom.”

NITRITI 35:7

Lene Yakub dingug tig binok nimbar hum dok ei sirima bijem ninyeng “El-Betel” lewo Allah ndo Nonti brei binoni ei sirima tirigi po noni nang leu nikindig pima.

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

NITRITI 8:20

Lene Nuh dingug tig nindig bijo-jo yam dip bibingon nok nimbar hum dok leu api bui mindhe-ndhe kin ha di map kui bi nya hi gom hi gom bidigo leu api ndig hagom bak tuhan eisi.

SAMUEL GI NICAN 24:25

Leu api noni win nimbar hum dok gom mem tuhan ei mpia dima lene ba sapi dima yok bibon midut nindig mindhe titut ei nimbar hum dokti kin midut nibiyai ningon kwes kin tuhanti cem. Apino tuhan buhup Daud de nadi ba, nsuwer ajar di hwen mben Israel pima kes hon hak ug.

NIBOU NDIG NYA GI NIGOM 18:32

Lene noni ba tig dima yok bidingug nimbar hum dok di nok gumihyep po tungwatu nya ikuk yok bak tuhan eisi pima. Lene noni tig got di bikrop ttai nimbar nikiou nok gi dem mem isiber minyei di dem liter simnaimuhwidip eisi.

NIBOHON MBEN ISRAEL GI NIGOM 16:16

Noni bon Nide gi preu dima bit Abraham nipou leu api bit Ishak cem,

NIBOHON MBEN ISRAEL GI NIGOM 16:18

tuhan pai bak “Midiyai minu Kanaan binani binok ade dihyei ninda rom.”

NIBOHON MBEN ISRAEL GI NICAN 20:11

Nogindini mben dima yok ijoi sut ibindei timek nye ba, ijoi sut ijji nye leu minu di akes binye dini ri.

NIBOHON MBEN ISRAEL GI NICAN 20:7

Nani ne nyende Allah ri! Tirigi Ade limwa di mben Israel nya ikwei krau minu dini lene akes hagom bak asut di Abraham leu binhyepo dihyei dini nok mben Israel ide dihyei ninda rom bijo ninno bijo kikau.

EZRA 3:2

Imam Yesua di Yozadak nipmot kin nisut bat imam nindigsi nya kin Zerubabel di Sealtiel nipmot bitut nide bat nya cem yahagom ikinding tuhan di mben Israel ide Allah de nimbar hum dok hanyen leu binhyepo ibibon midut nya eisi bit leu nok Allah de awak di Musa pas ei nide Srat Nicukti.

NEHEI LEUSI 17:15

Lene Musa dingug tig binok nimbar hum dok bijem ninyeng “tuhan Rinok Ditde Kendera.”

NEHEI LEUSI 24:4

Lene Musa pas kep Tuhan De nicuk noti nya hagom. Njap di hyep bu mem ha yausi lene noni dingug tig nibiyok ngon kep nindak simnaibrimigcan ei nok nimbar hum dok ei nungug dima nikiou. Bikwop tig dima hagom ndo tut mben Israel ide keret gom gom.

NEHEI LEUSI 32:13

Ayok ngon kep Ade awak di Abraham kin Ishak kin Yakub nya. Ayok ngon kep bipia apreu ei mem yok tug hon neheng bipia ide nintun him yamti di bram yam nya imangti midem ham mpia-bbed him. Lene apreu ei mem yok tut ide dihyei hanjop nsi bipia apek dihyei dima biyok leu binhyepo inyeng mitak kep hagom bijo ninno bijo kikau.”

NEHEI LEUSI 33:1

Lene tuhan pai bak Musa “Suar nani kin yo di abuwak yok kwei leu minu Mesir pima jahagom jimbut leu mpia dini bijimbut kikau ug ei minu di dipreu ei mem Abraham kin Ishak kin Yakub kin ide nintun him yamti di bram yam nya tu.

NEHEI LEUSI 6:3

Mpe dima lene dipreu ei mem yok bipia ei nidipti bu lene mporo midiyai minu Kanaan po nipou yo igyaijo eisi nok ingkiaisi pima biyok nok ide minu ninda rom.

NEHEI LEUSI 6:4

Dimiap kep mben Israel ighyet tirigi ilua biDa drek dip mben Mesir di iba isibut bico kep yok leu api diyok ngon kep mun di dipreu ei mem yok tu.

YEREMIA 3:18

Mben Israel mibicom yam bit timiei Yehuda nya ba, yahagom ingkwei hanyen leu ingkiaisi di jo nite bei mpia nijjai kwei. Yoni mingkwei hanyen kwei ei minu di diyai bak jidigup bat-jidigai bat nya nok dihyei ninda rom tu.”

MBEN ISRAEL IMBUT-MBUT NYEN 26:53

“Ma akwas dihyei dima tut keret mben Israel ba, abibit leu keret gom-gom imangti.

MBEN ISRAEL IMBUT-MBUT NYEN 32:11

‘Yo dini iba ingon di gom bibit Da bi. Gima rino deheng tut bipia bikwop yo di ide njap ug ei ari bingwam nyatungwagom bikui mpe di po yehei leu minu Mesir pima lene hi dima micoi ug ei minu di dipreu ei bak Abraham Ishak Yakub yoni pima bi.’

KISAH 7:5

Mpe dima lene Allah ndo minu ttou nsi gom bak Abraham binok nide dihyei ninda rom bi. Noni pek hanjop nsi mien hi mem miai ngausi cem bi. Noro Allah preu ei mem noni kin yo di intun noni him bipia inyeng mitak kep minu dini hagom ei nidipti bu. Tirigi Allah preu ei mem noni dima lene Abraham yai nimunggwom hi bigyo.

ROMA 9:8

Ningat ne yo di intun Abraham him tug hon Allah nipreu ei mem noti yongkom he rino Allah nimunggwom bat di nijit nya lene nindigsi leu gima di intun Abraham him nya ne nimunggwom bat nya rin bi.

GALATIA 3:16

Allah preu ei mem Abraham kin no di ntun noni him cem. Bit leu nok gi ipas ei Allah nihyetti “Mem yo di intun Abraham him” bi. Gi nok lene gima bitut imang bibor. Noro bit leu nok gi ipas ei Allah nihyetti “Mem No di ntun noni him.” Nipasti dima ndo tut tungwagom he ba, No dima ne Kristus ri.

GALATIA 4:28

Disut bat jen, jeni ne Allah nimunggwom bat nya rin ba, jintun Noni him tug hon Nide nipreu ei mem nyeti noyam kin Ishak di ntun Abraham him tug hon Allah nipreu ei mem Abrahamti.

NINDAT KEP TUHAN NICUKTI NYA 1:8

Dani ne tuhan rin ba, dipreu sut minu dima hagom bak jidigup bat-jidigai bat di Abraham kin Ishak kin Yakub kin ide nintun him yokti di bram yam nya. Gima rino ma jicoi ba, jiya bidem minu dima hagom.’ ”

NINDAT KEP TUHAN NICUKTI NYA 30:20

Ma jingon ngakei tuhan di nok jide Allah ba, jibit nihyet ba, jingon gom tut Noni cem apino jeni kin jide nintun him yamti di bram yam nya mijibong kei mijigwam kei mem nijam di jei bibor ei minu di Noni preu ei mem jidigup bat-jidigai bat di Abraham kin Ishak kin Yakub nya tu.”

NINDAT KEP TUHAN NICUKTI NYA 34:4

Lene tuhan pai bak Musa “Dihyei hanjop nsi dima hagom dipreu ei mem Abraham kin Ishak kin Yakub leu binhyepo diyai bak ide nintun him yamti di bram yam nya. Disindui sut gima acap hagom noro dipai ser nhyema acoi ug eisi bi.”

NINDAT KEP TUHAN NICUKTI NYA 6:10

“tuhan di nok jide Allah miyai dihyei hanjop nsi bitut minu nindig bibor di jiwin bi nya di mpung tut ndigban bije bit leu nok Noni preu ei mem jidigup bat-jidigai bat di Abraham kin Ishak kin Yakub nipou su.

NINDAT KEP TUHAN NICUKTI NYA 9:5

tuhan misindui sut jeni bijiyai ide minu bijiyati tug hon jide nikwes-kwausi kin gi jibit Nonti ningon kanti nya bi. Noni mihwen yok bingwig leu je drek dip ide nisibut biborti ba, Noni yai igbit mun po Noni preu ei mem jidigup bat-jidigai bat di Abraham kin Ishak kin Yakub nya cem.

IBRANI 11:13

Yo dini yahagom iba ingon com Allah kikau ba, ibimai kep. Igyai mun di Allah preu ei mem yoni bi noro ingat mun dima yok hagom ei minu ting bipigo he. Ipai sut yonti bipia inok ngkiai nya kin yo di ibong-bong wai bidem minu ei dihyeisi dini.

IBRANI 11:8

Niba ningon comti bindei ba, Abraham ce tut bibit Allah nihyet tirigi Noni dimig Abraham ba, pinak noni ug ei minu di Allah preu ei mem noni. Abraham kes nitimieisi bimbut ug ei ningkiaisi di noni kan tut bi.

YOSUA 1:6

Ma angon nddong ba, abrim angkek lewo attei nibou tut yo dini tirigi icoi bigyai minu di dipreu ei mem idigup bat-idigai bat nya bigyati.

YOSUA 22:10

Tirigi keret Ruben kin Gad kin Manasye di ibong ei Minyei Yordan nite bei mpia nipriti yuug krau hanjop Gelilot ei Minyei Yordan nite bei mpia nicutti yo lene iwin nimbar hum dok di nindig krop di kei-kau-kei gom ei minyei nintig dip.

YOSUA 8:30

Leu api Yosua nya iwin nimbar hum dok gom mem mben Israel ide tuhan Allah ei Nungug Ebal.

NIJAM NIKEI NYA 6:24

Lene Gideon ba tig bidingug nimbar hum dok gom mem tuhan ei sirima lene jem ninyeng “tuhan Nok Nibousi Mem Nibong Kei Nigwam Keisi.” (Nimbar hum dok dima no jo ei Abiezer nide bat nya ide minu Ofra kikau kwei bipek ammani kep.)

SAMUEL GI NIGOM 7:17

Bikwop mpe di noni yai midyai dima bingwig lene ngkwei hanyen ug ei nide ig ei minu ndig Rama bigwam nok nikei ei mpia dima bu. Lene noni dingug tig bijo-jo yam dip nok nimbar hum dok mem Allah ei minu ndig Rama.