NITRITI 12:6 - ALLAH NIHYET MEM TUNGWATU NYA

⁶ Abram ya bidem minu dima ba, ngig niyai kep minu dima buug krau biei pigig triti di ninyeng More di timiei minu Sikhem nya ipigig ser mem ide kwar di ikuk yok bak nya. (Mpe dima lene mben Kanaan igya bidem minu dima hagom.)

NITRITI 12:6 ပူးပေါင်းရင်းမြစ်များ

NITRITI 10:15

Lene Kanaan nipmot mighumbou ninyeng Sidon ba, nikinjoi ninyeng Het.

NITRITI 13:7

Apino yo di ighyen kep Abram de mindhe-ndhe nya kin yo di ighyen kep Lot de mindhe-ndhe nya igbroi yam. (Mpe dima lene mben Kanaan kin mben Feris igya bidem minu dima hagom.)

NITRITI 33:18

Gima rino Yakub nya ijo leu Mesopotamia bimbut kikau. Yoni iba ingwes ngun bikwei krau minu ndig Sikhem ei minu Kanaan hanyen bu. Lene yohok ide prak meng yati ei susti di jo dideu minu ndig dima.

NITRITI 34:2

Tirigi Sikhem ngat Dina nuubbuti bou niyai him lene noni kat bicut tut noni. Sikhem nicig ninyeng Hemor ba, Hemor ninyeng tak kep mben Hewi ei minu ndig dima.

NITRITI 34:30

Lene Yakub nso tut bipai bak Simeon kin Lewi “Jibindei ba, mbigom mun di buhun micut igkep da. Nogindini mben Kanaan kin mben Feris kin timiei minu dini yahagom mingon mpo tut da. Dibon ditde limwa nya imang bi. Gino yo dima ibicom yam nok gom bikon pran bit da lene jei bi nyeni ide keret mimai bingwig hak ug.”

NITRITI 35:4

Lene yoni ikes ngkiai ide kwar pima yok kin ide mitingou him hagom ei Yakub nindati leu api noni tig hagom ei dihyei jou hammi biei nindig bibor gom nikiou dideu minu ndig Sikhem.

NIBOU NDIG NYA GI NIGOM 12:1

Lene Rehabeam ug ei Sikhem lewo mben Israel di ibong bei mpia nijjai yahagom induk yam ei mpia dima leu binhyepo ita noni nok nibou ndig.

NIBOU NDIG NYA GI NIGOM 12:25

Niabiati ita Yerobeam nok nibou ndig mem mben Israel lene noni bindei ba, minu ndig Sikhem di jo ei nungug him hanjop Efraim bon tentara nibousi di igya coi nya apino noni bong ei minu ndig dima mem nituti poi. Lene noni ug bu bibong ei minu ndig Pnuel lene bindei ba, minu ndig dima cem bon tentara nibousi di igya coi.

MAZMUR 60:6

Asok kep yo di ikuk yok biNa leu binhyepo ingwes ngun leu hukum di micut igkep tungwatu nya.

HOSEA 6:9

Imam nya di ibong ei hanjop dima idem kep nimpung nipos kep ndigban cig di ikkin ser tungwatu di injiriek yok nya. Igyai nimai bak tungwatu nya ei puig di ikak ug ei minu ndig niya coi Sikhem cem! Ibisinggre ba, ibon mun di kinei dima yok hagom.

YOHANES 4:5

Yesus ug krau mpia di birok kik minu ndig Sikar ei hanjop Samaria di jo dideu mpia ttou nsi gom di Yakub pek bak nipmot Yusuf.

KISAH 7:16

Ide limwa nya ikon Yakub kin Yusuf ingut kwei ei Sikhem bitig ingut ei jui nsi di Abraham ba mitiei bipek leu Hemor nipmot bat nya.

NINDAT KEP TUHAN NICUKTI NYA 11:30

Nungug cin dima jo ei nite bei mpia nicutti leu Minyei Yordan nyai ei mben Kanaan di ibong ei Mbang Briep Yordan inyeng tak kepti. Hacem jo nite bei mpia nicutti dideu biei nghousi ei More di ipigig ser dideu minu ndig Gilgal.)

IBRANI 11:9

Niba ningon comti bindei ba, noni bong ei ningkiaisi di Allah preu ei mem noni. Noni bong kep prak meng behei leu api Ishak kin Yakub cem ibong kep ide prak meng behei ba, iba yo kep nipreu eisi noyam kin Abraham.

YOSUA 20:7

Lene nibou mben Israel indo minu ndig poi ei Minyei Yordan nite bei mpia nicutti dini jug nok minu ndig ninang coi nya. Minu ndig Kedes ei nungug him keret Naftali ide ei Galilea kin Sikhem ei nungug him keret Efraim ide kin Hebron ei nungug him keret Yehuda ide.

YOSUA 24:32

Gi nipou mimbrek ngan tu ne ide pung Yakub ba mitiei perak ningat sratus gom bipek mpia ttou nsi gom leu yo di intun Hemor him. Hemor dima ne Sikhem nicig ri. Tirigi po mben Israel ingwes ngun leu minu Mesir pima lene ikon brua gom di ide pung di Yusuf ningut joti bimbut tut kak imbutti nya kikau kwei bipek njap dini kep. Leu api itig brua dima tut Yusuf ningut di joti ei mpia ttou nsi di Yakub pek ei Sikhem tu lewo Yusuf de nintun him yamti di bram yam nya iba yokep mpia ttou nsi dima tu.

NIJAM NIKEI NYA 7:1

Njap poi ser lene Gideon kin nide limwa nya ikiju mem ha yausi ba, yuug hok ide prak meng yati dideu minyei bousi Harod. Lene mben Midian yohok ide prak meng yati ei mbang briep gom bei mpia nijjai di birok kik Nungug More nimigya.

NIJAM NIKEI NYA 9:1

Mpe di gom bu ne Abimelekh di Gideon nipmot tirimpoi pima ug cem kep nipmem nide bat nya di ibong ei Sikhem bisok nihyet ei yok dip,