NITRITI 12:2 - ALLAH NIHYET MEM TUNGWATU NYA

² Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 12:2 ပူးပေါင်းရင်းမြစ်များ

NITRITI 13:16

Midibindei ba, ade nintun him yamti di bram yam nya mporo midigek kep mpia. Ningat ne bit bon tungwatu nya ikwop dihyei ndung nimangti kan bi. Bit bon ikwop yo di intun nani him imangti kan bi.

NITRITI 15:5

Lene tuhan buwak Abram ug ei nisai leu api pai binoni “Ma acap ser mpia-bbed him bibou akwop bidem ham mpia-bbed him nya nimangti hagom ug e. Lewo ade nintun him yamti di bram yam nya imangti midem kep ham dima yok hagom nimangti.”

NITRITI 17:20

Dimiap ahyet tirigi ahara Da tut Ismael tu. Mporo midinjei mun di kei bak noni leu api noni bon nimunggwom bat nya ba, nide nintun him yamti di bram yam nya idigek kep mpia. Noni minok pung di minir nya ibou simnaibrimigcan intun him. Midibindei ba, nide mben idigek kep mpia.

NITRITI 18:18

Nide nintun him yamti di bram yam nya mporo midigek kep mpia apino inok mben di sindem bibor bi e? Mben dihyeisi dini hagom mitug ndei mun di kei leu Dani tug hon noni bi e?

NITRITI 18:19

Sidimig noni leu binhyepo noni micuk nimunggwom bat nya kin nide nintun him yamti di bram yam nya leu binhyepo ibit sihyet ba, igyai mun di igbit cem ingon sren cem. Gino igyai gima hagom nok lene misiyai bit leu nok gi sipreu ei mem noniti pima ri.”

NITRITI 19:29

Gima rino tirigi Allah cok tut minu ndig nya ei mbang briep dima hagom bitut Lot de biyati cem bingwig lene ningon prion ser Abraham bi. Lewo Noni sindui sut Lot binang biningwes ngun leu su.

NITRITI 24:1

Mpe dima lene Abraham wer andig-ndau bibor ba, tuhan njei mun di kei bak noni bimpu noni tut nide midyai nya hagom ninno tu.

NITRITI 24:35

tuhan njei mun di kei nindig bibor bak andigpoi ba, noni nyeng bibor. tuhan yai mun nyeng hagom binoni nok domba nya kin kambir nya kin sapi nya kin unta nya kin keledai nya kin perak kin mas cem nindig bibor kin awak pinai nya kin sop nya hagom cem.

NITRITI 25:11

Niabiati Abraham mai leu su lene Allah njei mun di kei bak nipmot Ishak. Noni bong dideu minyei bousi di ninyeng No Di Niyaijo Ngig Niyai Kep Da Nide Minyei Bousi Ri.

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 27:29

Nna ba mben nya hagom ibon yonti nok awak mem na bibit ahyet. Nna ba anyeng tak kep ade bat nya yahagom leu binhyepo yo di intun apmem him yahagom ikuk yok ei amig him. Nna ba yo di isigion na yahagom itug ndei nisigionti hanyen ba, yo di ingon kei sut na lene yoni cem mitug ndei mun di kei bu.”

NITRITI 28:14

Yo di intun nani him midigek kep mpia ba, imangti ningot ndig noyam kin dihyei ndung nimangti. Lene mporo yoni mikieng kep mpia ug ei nite bei mpia nicutti kin nite bei mpia nipriti kin nite bei mpia nijjai kin nite bei mpia nibiho. Ba, mben dihyeisi dini hagom mporo mitug ndei mun di kei tug hon nani kin ade nintun him yamti di bram yam nya cem.

NITRITI 35:11

Lene Allah pai binoni “Dani ne Allah Di Sindem Bibor ri. Suar abon yo di intun nani him imang bibor! Ei nidipti bu lene keret nya mintun nani him ba, anok pung di nibou ndig nya cem intun him.

NITRITI 46:3

Lene Allah pai binoni “Dani ne Allah di acig kuk no bak ri. Ma attin tut gima ambut ug ei minu Mesir au. Lewo midibindei ba, ade nintun him yamti di bram yam nya idigek bibor binok mben nindig bibor bu.

SAMUEL GI NICAN 7:9

Dingat rin bit nani bidem ambutti nya hagom ba, dihwen ade siceu nya bingwig ei aho bei cem tu. Midibindei ba, anyeng jei bibor noyam kin nibou ndig di inyeng jei nindigsi nya bidem dihyeisi dini hagom.

NIBOU NDIG NYA GI NIGOM 1:47

Gima he bi lewo yo di igya kui Nibou Ndig Daud induk yam ei Andigpoi dima noho bei bipigo noni bipai ‘Nnaba ade Allah bindei ba, Salomo ninyeng jei dor njiriek na di Andigpoi anyeng di jei. Nnaba Salomo de ninyeng tak kepti mbut sindem bibor dor njiriek na di Andigpoi anyeng di tak kep ade limwa nyati.’ Lene Nibou Ndig Daud kuk no bak Allah ei nibongti,

AYUB 35:8

Noro ade sisar di abon nya he ribindin asut bat nya lene ade nibon munti di kei rino bimpu yok cem a.

MAZMUR 107:38

tuhan singat tut yok bibindei ba, idigek kep mpia ba, ide mindhe-ndhe di ighyen kep nya ibep hanyen nok gi dem cem.

NEHEI LEUSI 1:7

Noro yo di intun yoni him inyeng rino mben Israel ba, idigek kep mpia bibon imunggwom bat nya imang ndig ba, ide nintun him yamti di bram yam nya ikieng kep minu Mesir nisurti-nipekti hagom.

NEHEI LEUSI 32:10

Ma abigen ser dingon kanti gom dini au. Dingon sibui sut yok nindig bibor ba, mbigom midicok tut yahagom bingwig hak ug. Lene midibindei ba, nani kin ade nintun him yamti di bram yam nya jahagom mijinok mben nindig bibor biluei yohoti bu.”

YESAYA 51:2

Ma jiyok ngon kep jidigup bat-jidigai bat di Abraham kin Sara di isrek tut je. Mpe di po didimig Abraham lene noni bon nimunggwom hi bi. Noro dinjei mun di kei bak noni tug hon nide nintun him yamti di bram yam nya di diyai binoni.

YEHEZKIEL 34:26

Midinjei mun di kei bak yoni bidisindui sut ba, ibong ttai Ditde mbigdip di kwes-kwau. Tirigi isuar biget ne midibindei ba, mpia but mem yok ei minu dip dima.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

ZAKHARIA 8:13

Je di timiei minu Yehuda kin minu ndig Yerusalem e! Nipou pini jug tirigi ngkiai nya isigion yam ne isimbot dat ‘Nnaba mun di buhun di cut igkep minu Yehuda kin Israel nya cut igkep nani cem!’ Noro miditeu je bijingwes ngun apino ngkiai dima yok isimbot dat biyam ‘Nnaba mun di kei di juk kwei mem minu Yehuda kin Israel nya juk kwei mem nani cem!’ Gima rino ma jibrim jingkek ba, jittin tut au!”

MBEN ISRAEL IMBUT-MBUT NYEN 14:12

Mbigom lene midikes nsuwer ajar di buhun bibor di mihwen yok bingwig leu dihyeisi dini leu api midibindei ba, anok pung di keret nijep nindig bibor ba, sindem bibor cem dor njiriek yoni bu.”

MBEN ISRAEL IMBUT-MBUT NYEN 22:12

Lene Allah pai bak Bileam “Ma abit yo dima ba, ambriom mben Israel au lewo dijoi sut yok.”

MBEN ISRAEL IMBUT-MBUT NYEN 23:20

Allah cuk da ba, suar dingat nadi tindei mun di kei mem yo dima. Tirigi Noni yai Nide mun di kei bak tungwatu nya lene bit bon dipos mun di kei dima hanyen leu yok kan bi.

ROMA 4:11

Leu api noni yai midut sunat ei niabiati bu. Midut sunat ne mun di bindo bipia Allah joi sut Abraham nok no di pwoi Allah ningon drek dip niba ningon com Allahti nipou bibie tirigi noni yai midut sunat bigyo ri. Gima rino Abraham ne ide pung di bitut innei mem yo di iba ingon com Allah yahagom intun him ri. Mbro nok gino igyai midut sunat bi lo, iba ingon com Allah lene Noni joi sut yok nok yo di ipwoi ningona.

GALATIA 3:14

Kristus niyai munti dima bindei ba, mun di kei di Allah preu ei mem Abraham kwei pek kep mem ngkiai nya cem. Tug hon nisinati dima lene nye di iba ingon com Allah igyai Ninnei di Noni preu ei mem nye.

GALATIA 3:7

Gima rino ma jikan kep bipia yo di intun Abraham him ningat-ngat nya rino yo di iba ingon com Allah.

NINDAT KEP TUHAN NICUKTI NYA 26:5

Lene ma no di ttei bansi dima kwei ndat kep nihyet dini ei tuhan di nok jide Allah Noho bei bipai ‘Arig tuhan e, pung di dintun him ne tungwagom leu Aram po mbut-mbut nyen bibuwak nide ig bei nsi nya yahagom ug ei minu Mesir pima ri. Tirigi yoni yuug krau minu Mesir lene imangti gom-gom he noro idigek kep mpia ei sirima apino imang nding bu ba, isindem bibor cem.