NITRITI 10:32 - ALLAH NIHYET MEM TUNGWATU NYA

³² Yo dini yahagom ne Nuh de nintun him yamti di bram yam bit leu nok ide keret hi gom hi gom tug hon idigup bat-idigai bat nya hi gom hi gom ri. Yo dini inok pung di mben dihyeisi dini hagom intun him ba, ikieng kep minu dima hagom niabiati minyei po su pima pingge leu dihyei ninjek dip tu.

NITRITI 10:32 ပူးပေါင်းရင်းမြစ်များ

NITRITI 10:1

Nuh nipmot bat di intun noni him inyeng rino Sem kin Ham kin Yafet. Niabiati minyei po su pima pingge hanyen lene ibou ningai dini ibon ipmot bat nya bu.

NITRITI 10:20

Yo dini yahagom intun Ham him ba, ikwas yam bit leu ide keret nya kin ide minu nya cem lewo bikwop keret dini ighyet ter leu yam.

NITRITI 10:25

Lene Eber yai nipmot bat nya ibou can. Gi mighumbou ninyeng Peleg lewo tirigi nide njap ngwig hon bigyo lene tungwatu ikwas yam bintek gimahap. Lene Peleg nikinjoi ninyeng Yoktan.

NITRITI 10:31

Ba, yahagom ne Sem de nintun him yamti di bram yam nya ri. Ikwas yam bit leu ide keret nya kin ide minu nya cem lewo bikwop keret dini ighyet ter leu yam.

NITRITI 10:5

Yo dini inok pung dino yo di ibong mukti kin mios nya yahagom intun him. Ba, yahagom intun Yafet him leu api ikwas yam bit leu ide keret nya kin ide minu nya cem lewo bikwop keret dini ighyet ter leu yam.

NITRITI 11:1

Habiei ei nimbie him lene tungwatu dihyeisi dini hagom imbrap nihyet gom ngat bimiap yam hyet.

NITRITI 9:1

Lene Allah njei mun di kei bak Nuh kin nipmot bat nya bipai biyok “Ma jibon jimunggwom bat nya imang bibor leu binhyepo jide ni ntun him yamti di bram yam nya midigek kep dihyei nisurti-nipekti hagom.

NITRITI 9:19

Nuh nipmot bat nya ibou ningai dini inok pung di tungwatu dihyeisi dini yahagom intun him.

NITRITI 9:7

Ma jibon jimunggwom bat nya imang bibor leu binhyepo jide nintun him yamti di bram yam nya midigek kep dihyei nisurti-nipekti hagom.”

AYUB 15:19

Mpe dima lene ngkiai nya ibong timiei ei ide minu ba, hi di bindei srawir yok leu puig di Allah de bi.

KISAH 17:26

Noni ripo pai tes tungwagom nok ide pung di intun him lene bindei ba, tungwatu nya ibong bidem dihyeisi dini nisurti-nipekti. Nipou tirigi Noni pai tes yok bigyo ne Noni nyohou kos tut ide nijam di igyaijo kin mpia ttou nsi di ibong eisi cem.