NITRITI 10:2 - ALLAH NIHYET MEM TUNGWATU NYA

² Yafet nimunggwom bat di intun noni him inyeng rino Gomer kin Magog kin Madai kin Yawan kin Tubal kin Mesekh kin Tiras.

NITRITI 10:2 ပူးပေါင်းရင်းမြစ်များ

NITRITI 10:1

Nuh nipmot bat di intun noni him inyeng rino Sem kin Ham kin Yafet. Niabiati minyei po su pima pingge hanyen lene ibou ningai dini ibon ipmot bat nya bu.

NITRITI 10:21

Lene Yafet nikindig Sem nok pung di mben Ibrani yahagom intun him.

NITRITI 9:27

Nna ba Allah bindei ba, Yafet de nintun him yamti di bram yam nya idigek bibor ba, ibong bit yo di intun Sem him. Kanaan minok awak mem Yafet.”

NIBOU NDIG NYA GI NICAN 17:6

tirigi Hosea ninyeng tak kep mben Israel mem nijam ari bingwam muhwindatai tu. Leu api Salmaneser bindei timek minu ndig Samaria leu lene yai biyati leu api bindei ba, tentara nya ikat mben Israel bikri yok ug ei minu Asyur ba, isima. Ikri yok ba, ikes nite hi bisima ei minu ndig Halah lene ikes nite hi bu bisima dideu Minyei Habor ei hanjop Gozan lene ikes nite hi bu bisima ei minu ndig gom-gom ei hanjop Madai apino yahagom inok awak ei ingkaisi.

MAZMUR 120:5

Buhun bibor mem da lewo suar dibong bit je. Gima noyam kin gi dibong ngkiai bong ei minu Mesekh kin gi dibong bit yo di imbuk bibor nya ei minu Kedar.

YESAYA 66:19

lene midikes mun di bindo ninyeng gom ei ikieti. Mididimig ibou poi di ingwes ngun leu api dipinak yok ndam ngkiai nya di ibong ei minu ting bibor di imiap tut Dani bi sren yo kin gi ingat Ditde ninyeng di jei biborti kin Ditde nisindemti bou igyai him bigyo nya. Midipinak yok ug ei minu Spanyol kin Libia kin Lidia di bon nikri kep tibor cig nya kin Tubal kin Yunani nya. Yoni mitri tut Ditde ninyeng jei biborti ei mben ngkiai dima yok ikieti.

YEHEZKIEL 27:19

kin ngkimom nitu nitug kin biei ngat di ui-gwang kei nya cem hagom bigo ndigban di ipek leu na nya.

YEHEZKIEL 27:7

Iba minghas linen di ibien di kwei leu minu Mesir binap ade sriwir nya binok mun di bindo mem gima hiter ibikan tut akwei leusi. Ade prak meng ne minghas nghei nta di nggriu-nggrop kei di kwei leu Mios Siprus ri.

YEHEZKIEL 32:26

Minu ndig Mesekh kin Tubal ingat rin ei mpia dima ba, ide tentara nya ijui bigahai yonti ijui a. Yahagom ikrop ei pranti nipou tirigi igyai midut sunat bigyo. Tirigi igyaijo yo ne ibindei ba, ningon ttin biborti kiju ei dihyeisi dini.

YEHEZKIEL 38:15

Akiju ba, ambut leu abong kikepti di jo ting bibor ei nite bei mpia nijjai ba, aya tut tentara di nindig bibor di mipbor ngat ningkom. Yo dima ne nimpung tentara di ibri kuda kan di ikwei leu minu ngkiai nya hagom ri.

YEHEZKIEL 38:2

“Na di tungwatu di ayaijo kikau bi e, ma asigion Gog di nibou ndig di ninyeng jei ei minu ndig Mesekh kin Tubal ei minu Magog.

YEHEZKIEL 38:6

Nikon pran cig nya leu minu Gomer kin Bet-Togarma ei nite bei mpia nijjai cem ikiju binjei bit noni ba, mben nindigsi nya cem imang bibor bu injei bit.

YEHEZKIEL 39:1

tuhan Di Ninyeng Jei Bibor pai, “Na di tungwatu di ayaijo kikau bi e, ma apai kep nibou ndig Gog di ninyeng tak kep minu Mesekh kin Tubal nya. Apai bak bipia nide nitok rino Dani.

NINGAT-HI-NGAT NYA 20:8

Leu api Bilis mimbut ug ei dihyei nisurti-nipekti hagom leu binhyepo ris bak tungwatu nya yahagom. Yo dini ne timiei minu ndig Gog kin Magog nya rin ba, imangti dem kep igum di jo ei muk pimat nimangti. Bilis nduk yo dini yahagom kwei mem gima ikon pran.