NITRITI 1:9 - ALLAH NIHYET MEM TUNGWATU NYA

⁹ Leu api Allah pai bu “Ma minyei gi hi di jo ei mpia-bbed him nibehei pima biam sok yam ei gom leu binhyepo dihyei ninjek dip tau ei nibreisi.” Lene dem igbit nipaisi.

NITRITI 1:9 ပူးပေါင်းရင်းမြစ်များ

NITRITI 1:8

Lene Noni jem niban di bikwas minyei leu yam dima ninyeng “Mpia-bbed Him”. Nok rino mmun pren leu api njap tek ba, gima ne njap gi nican ri.

NEHEMIA 9:6

Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.

AYUB 26:10

Allah ciu ninghau gom ei muk ndig ningwa dip leu binhyepo bikwas nipigati leu nidinditi.

AYUB 26:7

Allah kieng mpia-bbed him gau muk ningwa dip. Noni pindur dihyeisi dini ei mpia-bbed him ningwakti lo, mun nyeng hi hati bi.

MAZMUR 104:3

angot ig mem Nanti ei minyei ngwa dip di jo anai gwam nibehei lene apri ba, agwam ei bumbuhui nya di nok Ade kroba pran kin hou ninyehei dip ba, abidor-dor nyen.

MAZMUR 33:7

Noni hajung muk ndigsi hagom bijo ei mpia tou nsi gom lene kat kep muk jou titut yam ug ei ugyousi gom.

MAZMUR 95:5

Noni pai tes muk ndigsi ba, ninyeng tak kep. Noni pai tes dihyeisi dini ba, ninyeng tak kep.

NIBA NINGON SRIP HUKTI 1:7

Minyei pmem hagom biam bicom muk noro muk gi kui buut bi sren. Ningei ngkwei hanyen ug ei nibrig leu api biam hanyen kwei.

YEREMIA 5:22

Dani ne tuhan ri. Nggon rino jittin tut Da bi i? Suar jidigit tut Da! Dani rino dipai tes muk nintig dip di bikkin ser muk ngei di dwoi njiriek bi bijo ninno bijo kikau. Muk dwoi nindig biroi lo, njiriek hanjop niya kwas yamti dima bi.

YUNUS 1:9

Yunus buhup “Dani ne munggwom Ibrani rin ba, dikuk da bak tuhan di nok Allah ei gwamti di pai tes muk ngei kin mam bei a.”

PETRUS GI NICAN 3:5

Yo dini ibisinggre bipai jit tut Allah di ba nicukti bipai tes mpia-bbed him kin dihyeisi dini mimbrek ngan tu dima bi. Noni bindei ba, dihyeisi ttau hak leu minyei jou lo, ba minyei bipai tes dihyeisi.

NINGAT-HI-NGAT NYA 10:6

beheng bitug hon Allah di Niyaijo kikau buug hon nohonti bi di pai tes mpia-bbed him kin dihyeisi dini kin muk ngeisi bitut mun di joti nya hagom ninyeng bipai “Jam dem tu ba, itum ingon tut bu bi.