NITRITI 1:28 - ALLAH NIHYET MEM TUNGWATU NYA

²⁸ Lene Noni njei mun di kei bak yoni bipai “Ma jiyai jimunggwom bat nya imang bibor leu binhyepo jide nintun him yamti di bram yam nya midigek kep mpia bikieng kep dihyei nisurti-nipekti binyohou hagom. Dita jeni bijinyeng tak kep wau nya kin ha nya kin mindhe-ndhe di ibong bigbehei nya hagom.

NITRITI 1:28 ပူးပေါင်းရင်းမြစ်များ

NITRITI 1:22

Lene Noni njei mun di kei bak mun dima yok hagom bipai bak mun di igyaijo ei minyeisi “Suar jidigek kep muk ngeisi nisurti-nipekti hagom.” Lene pai bak ha nya cem “Suar jidigek ba, jimangti kum eisi kikau.”

NITRITI 17:16

Midinjei mun di kei bak noni leu api dibindei ba, noni migwam tut apmot gom bina. Midinjei mun di kei bak noni ba, noni minok pung nipmem di mben imang bibor intun him apino nide nintun him yamti di bram yam nya ibihi igyai inyeng nibou ndig.”

NITRITI 17:20

Dimiap ahyet tirigi ahara Da tut Ismael tu. Mporo midinjei mun di kei bak noni leu api noni bon nimunggwom bat nya ba, nide nintun him yamti di bram yam nya idigek kep mpia. Noni minok pung di minir nya ibou simnaibrimigcan intun him. Midibindei ba, nide mben idigek kep mpia.

NITRITI 24:60

Lene nikijam kin nipmem ipigo noni bipai binoni “Nnaba ade nintun him yamti di bram yam nya imangti ibou juta mang bibor o! Nnaba igya kep bihwen ide siceu nya ba, itimek leu itimieisi o!”

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 33:5

Lene Esau kon nibou bingat sop nya kin munggwom nya lene hig ser Yakub “Tou nya rino ibit na dima i?” Api Yakub buhup “Andigpoi e, yo dini yahagom ne dimunggwom bat nya ri. Allah yai yahagom bida lewo ningon nggriu sut da.”

NITRITI 49:25

Acig de Allah hati tut nani ba, Allah Di Sindem Bibor njei mun di kei bak nani. Mun di kei dima rinok biget di but kwei leu mpia-bbed him kin minyei di biam kwei leu dihyei jou kin munggwom imang bibor di intun nani him kin sapi nya,

NITRITI 5:2

Noni pai tes no di pinai kin no di sop leu api njei mun di kei bak yoni bijem inyeng pia Tungwatu.]

NITRITI 6:1

Tirigi po tungwatu nya idigek bikieng kep dihyei nisurti-nipekti hagom pima lene igyai ipmisop bat nya.

NITRITI 8:17

Ma akes ha nya kin mindhe-ndhe nindig nya kin nimien nya hagom bintek gimahap leu binhyepo yahagom ibep hanyen bidem inyeng bidigek kep mpia.”

NITRITI 9:1

Lene Allah njei mun di kei bak Nuh kin nipmot bat nya bipai biyok “Ma jibon jimunggwom bat nya imang bibor leu binhyepo jide ni ntun him yamti di bram yam nya midigek kep dihyei nisurti-nipekti hagom.

NITRITI 9:7

Ma jibon jimunggwom bat nya imang bibor leu binhyepo jide nintun him yamti di bram yam nya midigek kep dihyei nisurti-nipekti hagom.”

NIBOHON MBEN ISRAEL GI NIGOM 4:10

Mpe di gom ne Yabes ngat nadi bak mben Israel ide Allah bipai “Allah e, handei kon ba, anjei mun di kei bak dani lene abindei ba, ditde dihyei hanjop nsi bres binindig bibor bu cem. Anyohou da ba, mun di buhun jo minu ting leu da leu binhyepo diyai dinghuisi wei drek dip bi.” Leu api Allah buhup bak bit leu naharati dima.

AYUB 39:11

Aba angon com noni tut nide nisindemti ba, ayok ngon mem gima noni yai kep ade midyai di buhun bibor e?

AYUB 42:12

tuhan bindei ba, Ayub ningon nggei-hi-nggei nindig bibor ei ningwigsi dor njiriek ningon di nggei-hi-nggeisi nipou pima. Tini bu ne noni nyeng tut domba ningut sribu simnaibrimigtai kin unta ningut sribu muhwindagom kin sapi ningut sribu can kin keledai ningut sribu gom.

MAZMUR 107:38

tuhan singat tut yok bibindei ba, idigek kep mpia ba, ide mindhe-ndhe di ighyen kep nya ibep hanyen nok gi dem cem.

MAZMUR 115:16

tuhan Nongkom nyeng tut mpia-bbed him noro Noni yai dihyeisi dini bak tungwatu nya.

MAZMUR 69:34

Lewo tuhan ngig nitingou mem yo di yuhui mbum nya ighyet ba, ningon prion ser nide limwa di isima ei ig bui nsi nya bi.

MAZMUR 8:6

Apai tes tungwatu nya ba, abindei binyeng jei noro jei dor njiriek Na di Allah bi. Akes nikei-kau-keisi kin ninyeng jeisi bijo ei ibou nggram himti.

MAZMUR 8:7

Ando yok nok yo di inyeng tak kep Ade nipai testi nya hagom ba, inyeng jei dor njiriek mun ninyeng hagom,

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

IMAM NYA IDE MIDYAI 26:9

Midinjei mun di kei bak jeni lene midibindei ba, jignyot bat kin jidrot bat nya imang bibor. Midibindei ba, gi preu po dipreu ei mem jeni pima mipek kep mem je.

TIMOTIUS GI NIGOM 4:3

Yoni isrin ser tungwatu nya bipai bipia ma iwak yam au. Ma igyem njita di ipigig ser au. Noro Allah pai tes njita dima hagom mem nye di ingon jo kep tu nya leu binhyepo ijem sigyo kep leu api igyem hak ug. Lewo ikan tut ningginausi di nijit di kwei leu Noni tu.