NITRITI 1:26 - ALLAH NIHYET MEM TUNGWATU NYA

²⁶ Lene Allah pai bu “Nogindini ma ipai tes tungwatu nya noyam kin nyeni ba, idat nyeti. Leu binhyepo inyeng tak kep wau nya kin ha nya kin mindhe-ndhe nindigsi nya hagom. Gi hi di tungwatu nya ighyen kep kin gi hi di ibong bigbehei nya kin gi nindig nya kin nimien nya cem hagom.”

NITRITI 1:26 ပူးပေါင်းရင်းမြစ်များ

NITRITI 11:7

Nna ba nyeni nihwou ndam yok ba, ninggek tut ighyet leu binhyepo imiap yam hyet bu bi.”

NITRITI 2:19

Gima rino Noni kam dihyei ndung poi mien ba, op nok mindhe-ndhe mambei nya kin ha nya ei hou him hagom leu api jem hagom kwei bak tungwatu dima mem gima ngat ninyeng dima miyai bak mindhe-ndhe dima yok. Mpe dima lene sindi nitriti mem mindhe-ndhe di itug kep dihyeisi kin hou him hagom igyai inyeng ri.

NITRITI 3:22

Lene tuhan Allah pai “Nogindini tungwatu dem kep nok nyeni lewo ningon dor niti tut gi kei nya kin gi kinei nya tu. Gima rino suar nicuon ser noni leu binhyepo noni kwei puk biei ngat di bindei niyaijo kikau biyem au. Leu gi mporo yem ningat lene niyaijo ninno.”

NITRITI 5:1

Yo di intun Adam him inyeng rinok gini. [Tirigi po Allah pai tes tungwatu pima lene yoni noyam kin Noni ba, idat Noniti cem ba, itta noyam kin Noni nitta.

NITRITI 9:6

Lewo dipai tes tungwatu nya itta noyam kin Danti ditta. Gima rino tungwa tou rino hwen mun lene no dima mitug ndei nimai leu tungwatu nya drek dip.

AYUB 35:10

Noro yahara bak Allah di pai tes yok cem di bindei ba, iba ingon com Noni ei mpe dino mun buhun cut igkep yok dima bi.

AYUB 39:11

Aba angon com noni tut nide nisindemti ba, ayok ngon mem gima noni yai kep ade midyai di buhun bibor e?

AYUB 5:23

Gino akkin dihyei ei miaisi lene tig nya misigi ser midyai di ayai dima bi. Mindhe-ndhe bigbehei di niten-pos cem mittem na bi.

MAZMUR 100:3

Ma jiyok ngon kep bipia tuhan ne Allah ri. Noni pai tes nye binyeng tut nye cem. Ninyeng tak kep nye ba, inok Nide limwa nya kin Nide mben di Noni nyohou.

MAZMUR 149:2

Je di mben Israel e, ma jiyai nillei drek dip jide No di pai tes je. Je di timiei Sion e, ma jinggei-hi-nggei drek dip jide Nibou Ndig!

NIBA NINGON SRIP HUKTI 7:29

Gi ndi duum hak rino “Tirigi Allah bibon nye lene joi sut nye noro nyenti rino iluei itta ba, inok mun di ngot-nga.”

DIUN MIMUN 1:11

Midiba mas bibon miep komti bidicim perak nitou nya eisi mem nani.”

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

YESAYA 6:8

Lene tuhan nihyet tibim ei ditingou nsi bipai “Midipinak tou i? Midisok dihyet ei tou nya dip i?” Lene dibuhup “Ditin ei su. Apinak da hak ug!”

YESAYA 64:8

Noro tuhan e, Nani ne nyeni nicig ri. Ninok igtuyap di aop bou anda him ba, apai tes nye.

YEREMIA 27:6

Dani rino dikes ngkiai nya dini yok hagom ei Ditde awak di Nebukadnezar dinok Nibou Ndig mem minu Babel ninda nsi ba, dibikes mindhe-ndhe di niten-pos nya cem ei ninda nsi bininyeng tak kep.

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 5:17

Noro Yesus pai biyok “Dicig yai kep midyai nya kikau kwei bipek ammani kep ba, Dani cem diyai kep midyai nya.”

KISAH 17:20

Lewo ningon kiowi tut ade ningginau nyeti dima ba, ningon ya mem gima ambot kep binye.” (

KISAH 17:26

Noni ripo pai tes tungwagom nok ide pung di intun him lene bindei ba, tungwatu nya ibong bidem dihyeisi dini nisurti-nipekti. Nipou tirigi Noni pai tes yok bigyo ne Noni nyohou kos tut ide nijam di igyaijo kin mpia ttou nsi di ibong eisi cem.

KORINTUS GI NIGOM 11:7

Ma pinai nya inggai kep ser ibou au. Lewo Allah pai tes no di pinai noyam kin Nonti bidat Noti. No di pinai tereu nok kisina di bindo Allah Nonti njem kin nikei-kausi ri. Noro no di sop tereu nok kisina di bindo tut no di pinai nikei-kausi ri.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 4:4

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

EFESUS 4:24

Ma jiba jide niyaijo nijepti di Allah pai tes di dat Noniti nimbai dima bijuk je nok sinsun. Leu api jingon gom tut Allah kin jide ningon sren kin jingon kwes kin Allah hagom mintun jingon mien paisi him.

KOLOSE 1:15

Allah ningat jo nding leu tungwatu nya igyai him noro Noni ndo Nonti ningwes brei biyok tug hon Kristus. Kristus ne Nipmot mighumbou di ninyeng jei bidor njiriek Allah nipai testi nya hagom ri.

KOLOSE 3:10

Nogondini ba niyaijo nijep bijuk je tu. Jeni ne tungwatu di nijep bu rin ba, Allah di pai tes mun nyeng hagom yai jide niyaijo nijep bije ba, pindi-pindi nyen je bijinok nijep bijidat Nonti nimbaiti bikwop mmun-njap leu binhyepo jingon bit Allah mungkun kei.

YAKOBUS 3:7

Bon tungwatu nya inek mindhe-ndhe di niten-pos nya kin ha nya kin mun di srei ei dihyeisi kin mun di jo ei minyei jou hagom kan ba, gi ipijuk ne muhup.

YAKOBUS 3:9

Iba idweb bipai sigyo bak Icig Allah di ninyeng tak kep nye lo, ibikkin kep tungwatu di Allah bon bou ninda him noyam kin Nonti nya inghapti cem.

YOHANES GI NIGOM 5:7

Mun nyeng ningai di ingat gini bou igyai him bitri tut yo rinaha.