NITRITI 1:21 - ALLAH NIHYET MEM TUNGWATU NYA

²¹ Gima rino Allah pai tes mindhe-ndhe di nindig krop di igyaijo ei muk jou kin mindhe-ndhe hi gom hi gom di igyaijo ei minyeisi kin ha nya hi gom hi gom cem. Lene ningon llei bibor tirigi ngat mun di Noni pai tes dima yok.

NITRITI 1:21 ပူးပေါင်းရင်းမြစ်များ

NITRITI 1:18

Ba, nipigati nibousi nya hi nok nibousi mem njap lene hi nok nibousi mem mmun. Leu binhyepo kwas nipigati ter leu nidinditi. Leu api Allah ningon llei tirigi ngat mun di Noni pai tes dima yok.

NITRITI 1:20

Lene Allah pai bu “Ma wau nya kin mun di ha minyei kan nya hagom ngwig ei muk ngeisi ba, ha nya hagom dimba-dimba nyen ei hou him.”

NITRITI 1:22

Lene Noni njei mun di kei bak mun dima yok hagom bipai bak mun di igyaijo ei minyeisi “Suar jidigek kep muk ngeisi nisurti-nipekti hagom.” Lene pai bak ha nya cem “Suar jidigek ba, jimangti kum eisi kikau.”

NITRITI 1:25

Gima rino Noni pai tes mindhe-ndhe nya bitug kep dihyeisi hagom ba, ningon llei tirigi ngat mun di Noni pai tes dima yok.

NITRITI 1:31

Lene Allah ngig niyai kep mun di Noni pai tes nya hagom ba, ningon llei bibor. Nok rino mmun pren leu api njap tek ba, gima ne njap gi nimuhwindagom ri.

NITRITI 2:19

Gima rino Noni kam dihyei ndung poi mien ba, op nok mindhe-ndhe mambei nya kin ha nya ei hou him hagom leu api jem hagom kwei bak tungwatu dima mem gima ngat ninyeng dima miyai bak mindhe-ndhe dima yok. Mpe dima lene sindi nitriti mem mindhe-ndhe di itug kep dihyeisi kin hou him hagom igyai inyeng ri.

NITRITI 6:20

Mindhe-ndhe nya kin ha nya kin mun di srei ei dihyeisi nikre hi niwek hi bit leu ninyeng hagom minduk yam kwei ndam na leu binhyepo ingwes ngun leu minyei di misu nindig bibor dima.

NITRITI 7:14

Ba, mindhe-ndhe di tungwatu nya ighyen kep kin gi hi di ibong bigbehei nya gi nindig kin nimien nya kin ha nya kin mun di srei ei dihyeisi hagom bidem mindhe-ndhe nyeng hagom icoi ug ei kibar nsi.

NITRITI 8:17

Ma akes ha nya kin mindhe-ndhe nindig nya kin nimien nya hagom bintek gimahap leu binhyepo yahagom ibep hanyen bidem inyeng bidigek kep mpia.”

NITRITI 8:19

Lene mindhe-ndhe nya kin ha nya hagom yehei leu kibar nsi bu bibon nimpung nya bidem inyeng hanyen.

NITRITI 9:2

Ba, mindhe-ndhe nya kin ha nya kin wau nya hagom mittin tut je. Dikes hagom ei jindati bijinyeng tak kep yok.

NITRITI 9:7

Ma jibon jimunggwom bat nya imang bibor leu binhyepo jide nintun him yamti di bram yam nya midigek kep dihyei nisurti-nipekti hagom.”

AYUB 12:7

Ma jihig ser ha nya kin mindhe nindigsi nya leu api yoni mingginau jeni.

AYUB 26:5

Bildad buhup “Njungwes di ingat rin ei minu nimai nya ide idigit ba, minyei kin mun di joti nya cem hagom ugwa-kwei.

AYUB 7:12

Nggon rima angig ayai kep da ba, aya ser da kikau i? Akan bipia dani ne mindhe naga di niten-pos di bong ei muk jou rin e?

MAZMUR 148:7

Je di jibong ei dihyeisi dini e, ma jinggei sut tuhan. Je di sroi ei muk jou kin muk ndigsi,

NEHEI LEUSI 1:7

Noro yo di intun yoni him inyeng rino mben Israel ba, idigek kep mpia bibon imunggwom bat nya imang ndig ba, ide nintun him yamti di bram yam nya ikieng kep minu Mesir nisurti-nipekti hagom.

NEHEI LEUSI 8:3

Minyei Nil mimpung tut ugwaham nya apino yehei leu minyei ba, icoi ei Firaun de ig kin nghim nsi kin nibongti ba, ibicoi yo di igya kui noni kin nide limwa nya ide ig nya kin ide atriemti nya kin ide bokorti nya.

YEHEZKIEL 32:2

Na di tungwatu di ayaijo kikau bi e, ma asok kep nibou ndig minu Mesir sindem. Atri tut Ditde nisokti dini bak “Mbro nok gino awer na singa nehen pap ei mben nindigsi nya ikieti lo, adem kepti rino unggor di bong kep minyeisi. Aba amig biroi minyei ba, abindei mumpiang bingwig ei minyei hagomti cem.

YUNUS 1:17

Mpe dima lene tuhan cuk wau ndig krop gom kwei leu binhyepo pinde Yunus titut yam. Noni gwam ei wau ninghopti mem mmun-njap nitindur ningai.

YUNUS 2:10

Tirigi Yunus ngat nadi nok rino wau njim tut noni hanyen ug ei muk nintig dip bit leu nok tuhan nicukti.

MATIUS 12:40

Yunus bong ei wau ndig ninghopti mem mmun-njap ningai. Nok gima cem tut Munggwom Tungwatu Nipmot. Noni mibong ei dihyei jou mem mmun-njap ningai.