NITRITI 1:1 - ALLAH NIHYET MEM TUNGWATU NYA

¹ Ei nimbie him ngat tirigi Allah kinyon ei nipai tes dihyeisi kin mpia-bbed him kin mun di joti nya hagomti,

NITRITI 1:1 ပူးပေါင်းရင်းမြစ်များ

NIBOU NDIG NYA GI NICAN 19:15

Lene noni ngat nadi bipai “tuhan di nok Allah mem nye di mben Israel e, agwam ei Ade banggo mbrei dip nai njiriek kerub nya. Nangkom ne Allah rin ba, anyeng tak kep nibou ndig nya bidem dihyeisi dini hagom. Apai tes dihyeisi dini kin mpia-bbed him cem.

NIBOHON MBEN ISRAEL GI NIGOM 16:26

Mben hiter nya ide kwar nya di ikuk yok bak ne kwar nya he ri. Noro tuhan ne No di pai tes mpia-bbed him titut yam ri.

NIBOHON MBEN ISRAEL GI NICAN 2:11

Lene Nibou Ndig Hiram pinak srat ba, buhup bak Nibou Ndig Salomo hanyen bipai “tuhan ningon ngakei Nide limwa nya. Gima rino Noni kon Na Di Andigpoi ba, anok ide nibou ndig.

NEHEMIA 9:6

Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.

AYUB 26:13

Noni ba ninnei bicok mpia-bbed him leu ba, kwes kei. Lene ba ninda biyai nimai bak mindhe naga di niten-pos di srei binang cem.

AYUB 38:4

Gino angon dorti tut mun nyeng mang bibor ne ma abuhup Ditde nibisigbo nati dini. Nipou tirigi dipai tes dihyeisi dini ne angat rin ei siritou i?

AYUB 9:8

Allah sindem mem gima prion mpia-bbed him ba, hi dima mpu Noni bi. Noni co kep mindhe naga di bong muk jou bidram ninghim cem.

MAZMUR 102:25

Leu api dahara Noni “Allah e, ma ayai dinnei leu da mem ditde njap nahacanti dini au.” Na di tuhan ayaijo ninno bijo kikau.

MAZMUR 104:24

tuhan e, aba angon di ki bipai tes mun nyeng mang bibor. Dihyeisi dini mpung tut Ade nipai testi nya.

MAZMUR 104:30

Noro tirigi ahi innei ei ihwap nsi lene igyaijo hanyen. Abindei ba, mun di jo dihyeisi dini bep bidem ninyeng hagom.

MAZMUR 115:15

Ma tuhan di pai tes mpia-bbed him kin dihyeisi dini njei mun di kei bak jeni!

MAZMUR 121:2

tuhan di pai tes mpia-bbed him kin dihyeisi dini mikwei mpu da.

MAZMUR 124:8

tuhan di pai tes mpia bbed-him kin dihyeisi dini ne No di kwei mpu nye ri.

MAZMUR 134:3

Ma tuhan di pai tes mpia-bbed him kin dihyeisi dini di ningat rin ei Sion njei mun di kei bije.

MAZMUR 136:5

Noni ba ningon ki bipai tes mpia-bbed him. Nide ningon ngakeisi jo ninghig-niker.

MAZMUR 146:6

Noni ne Allah di pai tes gwamti kin dihyeisi kin muk ndigsi kin mun di joti nya cem rin ba ningon gom bijo ninno bijo kikau.

MAZMUR 33:6

tuhan pai tes mpia-bbed him tug hon nicukti. Noni pai tes mpia njap kin bed mmun kin ham mpia-bbed him nya hagom tug hon nihyet di tibim ei nuhui him.

MAZMUR 33:9

Noni hap niji bipai tes dihyeisi dini hagom. Tirigi Noni kes nicukti lene nipai testi hagom tau hak ei nibreisi.

MAZMUR 8:3

munggwom nya kin ningwoi-ngwoi nya di inggei sut Nani. Anyeng di tak kep Ade limwa nya nddong kei ba, bit bon tungwatu nya ilor ba, Ade siceu nya kin yo di isrep tut nya yahap iji kan bi.

MAZMUR 8:4

Tirigi diyok diyai kep mpia-bbed him di apai tes ei su kin bed kin ham mpia-bbed him nya di akes bijo ei nijoti,

MAZMUR 90:2

Nipou tirigi apai tes nungug nya kin dihyeisi dini cem bigyo ne Angat rin ba, ayaijo ug hon nohonti bi sren.

MAZMUR 96:5

Ngkiai nya ide mun di ikuk yok bak nya ne kwar he. Noro tuhan pai tes mpia-bbed him.

NEHEI LEUSI 20:11

Lewo Da di tuhan dipai tes dihyeisi kin mpia-bbed him kin muk ngeisi bitut mun di joti nya hagom mem njap nitindur muhwindagom. Noro dikes dinda tut midyai bidigwam kep dinghuisi ei njap gi nimuhwindacan. Gima rino Da di tuhan dijoi sut Njap Nigwam Kep Ninghuisi lene dibindei bikwes-kwau kei mem Da.

NEHEI LEUSI 31:18

Tirigi Allah kes nihyet hon bimbrap bit Musa ei Nungug Sinai bu bi lene noni kes tig mma can po pas kep Nide nicukti nya eisi pima ei Musa nindati.

NIPINGOK NINGONTI 16:4

tuhan niyai kepti nya hagom muug bipek nipekti. Yo di isibut nya yuug dor nipekti dino nisar ningwigsi.

NIPINGOK NINGONTI 3:19

tuhan ba ningon kiti bipai tes dihyeisi lene ba Nide nintin kimboti bikes mpia-bbed him ei nijoti.

NIBA NINGON SRIP HUKTI 12:1

Ma je di pilei nya jiyok ngon kep jide Nipai Tes Mun Cig nipou tirigi nijam ningon buhunti tau kep je bigyo. Leu mpe dima lene mijikan “Singon llei mem nijam di siyaijo dini bu bi.”

YESAYA 37:16

“tuhan Di Ninyeng Jei Bibor di Allah Israel di gwam nai kerub dip e, Nani ne Allah gom ngat hak di anyeng tak kep minu ninyeng tak kepti nya hagom ei dihyei ninjek dip dini ri. Nani rino apai tes mpia-bbed him kin dihyeisi dini.

YESAYA 40:21

Mei! Akan tut ba, amiap tut bi e? Hi pai brei bina habiei leu nipou kwei bi e? Mei! Angon dorti tut nimbie him tirigi po hi pai tes dihyeisi dini bigyo pima e?

YESAYA 40:26

Ma acap ser mpia-bbed him ba, ayok ayai kep! Tou ripai tes ham mpia-bbed him nya i? No di nyohou dimig ham hagom bidem kep nok tentara kan bidem tut nimangti jem inyeng bibikwop hagom! Bit bon ham gom pror kan bi lewo tuhan sindem mem gima nyohou ham nya hagom!

YESAYA 40:28

Mei! Jikan tut bijimiap tut bi e? tuhan ne Allah di niyaijo ninno bijo kikau ri. Noni pai tes dihyeisi dini titut yam. Ninghuisi wei ba, ninda mbris bi sren. Bit bon nye di tungwatu nya ikan bidem tut ningon kanti nya kan bi.

YESAYA 42:5

tuhan Allah pai tes mpia-bbed him biprion ei anai. Noni pai tes dihyeisi dini kin mun di hei bidem ninjek dip hagom. Noni yai niyaijo kin ninnei bak tungwatu nya yahagom. Nogindini tuhan pai bak Nide awak,

YESAYA 44:24

Jide tuhan di teu je leu jide sisar bipai tes je ei jipmem bat nya inghopti pai “Dani ne Nipai Tes Mun Cig ri. Dangkom diprion mpia-bbed him ei anai. Tirigi dipai tes dihyeisi lene hi mpu Da bi.

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

YESAYA 51:13

Mei, jibbwe ser jide tuhan di pai tes je di ba niban bijun mpia ei mpia-bbed him kin gi prion dihyeisi dini nikiou cem tu e? Nggon rino jidigit tut yo di ico kep tungwatu ide nigga biborti di itin ei mem gima icok tut tungwatu mem njap jei i? Ningat ne ide nigga biborti dima mingget je bi.

YESAYA 51:16

Dani rino diba Niban bijun mpia ei mpia-bbed him bidiprion dihyeisi dini nikiou cem tu. Dipai bak timiei Sion nya ‘Ditde limwa nya rijeni. Diyai Ditde ningginausi bije bidiba Ditde nisindemti binyohou je.’ ”

YESAYA 65:17

tuhan pai “Midipai tes dihyeisi kin mpia-bbed him di nijep bu leu api mun di pek kep mem tungwatu nya nipou su hagom mipror hanyen bipren leu ibou ngwakti.

YEREMIA 10:12

tuhan ba nide nisindemti bipai tes dihyeisi dini. Noni ba ningon di ki bibon minu nya hagom lene ba nintin kimboti bikes mpia-bbed him bijo nijoti.

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

YEREMIA 51:15

tuhan ba nide nisindemti bipai tes dihyeisi dini. Noni ba ningon kiti bibon minu nya hagom lene ba nintin kimboti bikes mpia-bbed him cem bijo nijoti.

ZAKHARIA 12:1

Gini ne tuhan nihyet di sok tut Israel ri. tuhan di prion mpia-bbed him bipai tes dihyeisi biyai niyaijo bak tungwatu pai,

MATIUS 11:25

Mpe dima lene Yesus pai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya yahagom igyai him leu api ambot kep tut hagom bak yo di ingon ki bi nya.

MARKUS 13:19

Lewo tungwatu nya ei nijam dima migyai ninghuisi wei nindig bibor dor njiriek ninghuisi wei di tungwatu nya igyai habiei leu nimbie him kikau kwei bipek ammani kep cem lene kikau ug bipek njap ningwig honti cem.

KISAH 14:15

“Andigpoi jen, jiyai nok gini leu binggon i? Nyeni cem tungwatu dihyeisi dini noyam kin jeni! Nikwei tri tut Nihyet Di Kei ba, nibrim je leu mun di bon ninyeng bi dini yok leu binhyepo jikuk je bak Allah di niyaijo di pai tes mpia-bbed him kin dihyeisi dini kin muk ngeisi bitut mun di joti nya hagom.

KISAH 17:24

Allah di pai tes dihyeisi dini bitut mun di joti nya hagom ne Tuhan mem mpia-bbed him kin dihyeisi dini ri. Noni bong ser ig kwar di tungwatu ibon bou inda him bi.

KISAH 4:24

Tirigi isut bat nya imiap mun di ipui sut dima lene iba ingon gom bingat nadi bak Allah bipai “Na di Tuhan apai tes mpia-bbed him kin dihyeisi dini kin muk ngeisi tut mun di joti nya hagom.

ROMA 11:36

Lewo Allah pai tes mun nyeng hagom ba, mun nyeng hagom jo nijoti tug hon Noni lene jo ei mem Noni cem. Ma tungwatu yahagom inggei sut Allah bijo ninno bijo kikau! Igbit ri.

KORINTUS GI NIGOM 8:6

Noro mem nyeni ne Allah gom ngat he ba, Noni ne Icig ri. Noni pai tes mun nyeng hagom ba, igyaijo tug hon Noni. Tuhan cem gom ngat ba, Noni ne Yesus Kristus ri. Allah pai tes mun di hagom tug hon Noni. Ba, igyai niyaijo nijep tug hon Noni cem.

EFESUS 3:9

Ditde midyai nya hi bu rinok gini. Dibindei ba, tungwatu nya ingon dorti tut notou nimimun di Allah tin ei nipou su mipek kep mem nye. Allah di pai tes mun nyeng hagom ku nimimun dima nyahan habiei ei nimbie him kikau kwei bipek ammani kep,

IBRANI 1:10

Allah pai bu “Tuhan e, Nani apai tes dihyeisi dini ei nimbie him ba, abon mpia-bbed him bou anda him.

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

IBRANI 11:3

Niba ningon comti bindei ba, ikan tut bipia Allah pai tes mpia-bbed him titut yam tug hon nihyet di tibim ei nuhui him. Noni ba mun di bit bon ingat bou igyai him kan bi bipai tes mun di ingat bou igyai him hagom.

IBRANI 3:4

Bikwop ig hagom no di ngot ig dima noha noro Allah Nonti ngot mun nyeng hagom.

PETRUS GI NICAN 3:5

Yo dini ibisinggre bipai jit tut Allah di ba nicukti bipai tes mpia-bbed him kin dihyeisi dini mimbrek ngan tu dima bi. Noni bindei ba, dihyeisi ttau hak leu minyei jou lo, ba minyei bipai tes dihyeisi.

YOHANES GI NIGOM 1:1

Nipas srat tut Nihyet di yai niyaijo nijep bak tungwatu nya dini bak jeni. Ba, Nihyet dima no rinaha habiei ei nimbie him kikau kwei bipek ammani kep. Nihyet dima tibim ei nitingou nsi cem ningat ningat bou niyai him cem niprios ningkek dip cem tu.

NINGAT-HI-NGAT NYA 10:6

beheng bitug hon Allah di Niyaijo kikau buug hon nohonti bi di pai tes mpia-bbed him kin dihyeisi dini kin muk ngeisi bitut mun di joti nya hagom ninyeng bipai “Jam dem tu ba, itum ingon tut bu bi.

NINGAT-HI-NGAT NYA 14:7

Noni ba nihyet nindig bipai “Ma jikuk je bak Allah bijinggei sut ninyeng di jei bibor. Lewo tto bou dem mem Noni mbus tungwatu nya ingonti. Ma jikuk je bak No di pai tes mpia-bbed him kin dihyeisi kin muk ngeisi kin minyei yaisi nya!”

NINGAT-HI-NGAT NYA 21:6

Noni pai bu “Hagom put tu! Dingat rin ei nimbie him kin ningwig honti. Dani ne Tuhan ei nimbie him kikau ug ei nohon keti ri. Midibindei ba, yo di inggobiau nya idem mem gima idut minyei leu minyei bousi di bindei bigyai niyaijo mikuisi.

NINGAT-HI-NGAT NYA 22:13

Dani ne nimbie him kin nohon keti cem rin ba, Dingat rin ei nitriti kin ningwigsi.”

NINGAT-HI-NGAT NYA 3:14

“Apas srat dini bak malaikati di buhup tut mbusyamei ei minu ndig Laodikia. Nipas kepti dini kwei leu No di ninyeng No Di Igbit di ba ningon gom kin ningon sren bitri tut mun di ngat bou niyai him. Noni ne nibousi mem Allah De nipai testi hagom ri.

NINGAT-HI-NGAT NYA 4:11

“Tuhan e, nyende Allah e, Nangkom dem mem gima ayai anyeng jei kin nikei-kau-keisi kin nisindemti. Lewo apai tes mun nyeng hagom ba, hagom jo nijoti bigyai niyaijo tug hon angon kanti.”