NIPINGOK NINGONTI 2:3 - ALLAH NIHYET MEM TUNGWATU NYA

³ Igbit ri. Ma ata abou ei niyai ningon kiti lene ma ahara mem ningon di dor niti.

NIPINGOK NINGONTI 2:3 ပူးပေါင်းရင်းမြစ်များ

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

NIPINGOK NINGONTI 3:6

Ma apwoi tuhan ningon biken tirigi bon nikwesti hagom apino Noni mindo puig di bie ndam ayaijoti di kei bibor bina.

MAZMUR 119:169

tuhan e, asindui sut ba, ditde nahara Nati hwou bipek Na. Ayai ningon di huk niti bida bit leu Ade nipreu eisi.

MAZMUR 119:125

Dinok awak mem Nani. Abindei ba, dingon dor niti leu binhyepo dingon ki tut Ade ningginausi nya.

LUKAS 11:13

Mbro nok gino jisibut lo, jingondut jimunggwom bat nya lene jo nibreisi bipia Jicig ei gwamti miyai Ninnei Gi Kwes bak yo di yahara Noni tut!”

MAZMUR 119:73

Apai tes da ba, abibon jau da ei dipmem ninghopti. Ayai ningon huk niti bida mem gima dipikor ei Ade nicukti nya.

MAZMUR 119:34

Abindei ba, dingon hukti tut Ade nicukti nya leu binhyepo dibit leu api midiba dingon titut yam biyai hagom.

NIBOHON MBEN ISRAEL GI NIGOM 22:12

Ade tuhan Allah miyai angon di binggok puig tut mun di abon kin angon di ki tut mun nyeng hagom cem bina leu binhyepo anyeng tak kep mben Israel bit leu tuhan niggai serti nya.

NIPINGOK NINGONTI 8:17

Dingon ngakei yo di ingon ngakei da. Yo di inggok ser da mingat da bou igyai him.

NIPINGOK NINGONTI 2:2

Ma ayok ngon kep dihyet ba, angon dorti tut nisinati.

NIPINGOK NINGONTI 2:4

Ma anggok ser mun dima dem kep nok no di nggok ser mas lene ma aput ser mun dima dem kep nok no di put ser ndigban niku.

NIPINGOK NINGONTI 4:1

Dimunggwom bat jen, ma jingig jitingou mem jicig nipingok jeti bijiyok ngon kep leu api mijitug ndei ningon kiti.