NIJAM NIKEI NYA 7:2 - ALLAH NIHYET MEM TUNGWATU NYA

² Lene tuhan pai bak Gideon “Ade limwa nya imang ndig njiriek dingon kanti. Midibindei ba, mben Midian micut bak je bi lewo jei bi ne ade limwa nya mikan bipia yonti igya kep bihwen ide siceu nya tug hon ide nisindemti apino minggei sut Da di tuhan bi.

NIJAM NIKEI NYA 7:2 ပူးပေါင်းရင်းမြစ်များ

NINDAT KEP TUHAN NICUKTI NYA 8:17

Gima rino ma jikan bipia mijinyeng tut mun dima yok hagom tug hon jide nisindemti au.

KORINTUS GI NICAN 4:7

Noro mun di bitut ninnei di kei-kau-kei dima jo nyahan ei ingonti noyam kin mun di jo ei dibijigsi. Tug hon nisinati dima ne jo nibreisi bipia nyeni imbun nisindemti di sindem bibor nya bi noro Allah Nongkom rininyeng tak kep.

ROMA 11:18

Gima rino ma jingwes pri gau ninda nya di Allah sriot leu biei zaitun nitu dima au. Ma jiyok ngon kep bipia jeni ne ninda nya he. Ninda nya yai njita hi bak nigau nya bi noro nigau nya igyai njita bak ninda nya.

ZAKHARIA 12:7

Da di tuhan midibindei ba, tentara minu Yehuda ibindei timek siceu nya nipou ngig-ngat leu binhyepo ninyeng jeisi di yo di intun Daud him kin timiei minu ndig Yerusalem igyai dima nindig dor njiriek ninyeng jeisi di timiei minu Yehuda nindigsi nya igyai bi.

ZAKHARIA 4:6

Malaikati dima cuk da bidipai sut tuhan nisokti dini bak Zerubabel. “Bit bon agiyai mun bipek kep tug hon tentara nya ide nisindemti kin nanti ade nisindemti cem kan bi. Noro tug hon Dinnei he.

YEHEZKIEL 28:17

Aimaisi di ubbu ngat dima bindei ba, angon jei. Anyeng jeisi bindei ba, aba angon di mbum bibon mun. Gima rino dinjei na ug ei dihyeisi. Dibindei ba, anok bindo di bipingok nibou ndig nindigsi nya ingonti leu binhyepo ibiyok ngon kep.”

SAMUEL GI NIGOM 14:6

Lene Yonatan pai bak pinai pilei pima “Akwei ba, suug ei mben Filistin ide prak meng yati. Yoni ikuk yok bak Allah bi. Mpaba tuhan mimpu sa lewo Noni sindem mem gima bindei ba, side siceu nya micut tug hon tentara di imang bibor kin tentara di ibou poi he cem.”

NINDAT KEP TUHAN NICUKTI NYA 32:27

Noro dikou sut gima ide siceu nya inggei sut yonti bikan bipia yonti rino ico kep Ditde limwa nya bingwig a.’ Lewo Da di tuhan ridibindei ba, Ditde limwa nya icut bak ide siceu nya tu.

ROMA 3:27

Gima rino bit bon nyeni ingon jei sut mun nyeng hi kan bi. Nggon rino bit bon ingon jei sut mun nyeng hi kan bi i? Lewo igyai ingon di kwes kin Allah drek dip gi ibit leu nok Puig Yahudi nicuk nyeti e? E bi! Noro ingon kwes kin Allah drek dip ide ningon jo kep Kristusti.

HABAKUK 1:16

Leu api ikuk yok bak ide jala ba, ibon midut ei nimbar hum dokti kep lewo ide jala bindei ba, ibong kei igwam kei bigyem njita nyeng hagom bidem cem.

DANIEL 4:30

bidikan “Mbenjen! Siyai bong kep minu Babel di kei bibor kei dini! Siwin side minu dini nok nibousi mem sinyeng tak kepti nok mun di bindo tut side nisindemti kin sinyeng jeisi kin side nikei-kau keisi.”

YEHEZKIEL 28:2

“Na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak nibou ndig Tirus bipia aba angon di jei bikon nanti ba, agwam ei banggo mbrei dip ei muk ningwa dip leu api ade limwa nya ikuk yok bina. Abon nanti nok no di ikuk yok bak ug lo, ma ayok ngon kep bipia nani ne tungwatu nitu he ri.

YEREMIA 9:23

Lene tuhan pai “Ma yo di ingon ki nya illei sut ide ningon kiti au. Ma yo di isindem nya illei sut ide nisindemti au. Ma yo di inyeng nya illei sut mun di inyeng tut nya au.

YESAYA 10:13

Nibou ndig Asyur ba ningon di jei bipai “Diba ditde nisindemti bibon mun dima yok hagom tu. Dikan tut mun di dibon nya bidingon ki. Didip tut mben nya ide minu niya kwas yamti lene dipos ide mun di inju ei ide minu nya hagom leu yok. Dico kep nibou di inyeng tak kep ide limwa nya nyen-nyen noyam kin sapi banteng nikre.

NIBOHON MBEN ISRAEL GI NICAN 14:11

Leu api Asa ngat nadi bak nide tuhan Allah bipai “tuhan e, Nangkom ngat he rino ampu kep tentara di isindem bi nya ba, ibindei timek tentara di isindem bibor. Nyende tuhan Allah e, ma ampu nye nogindini! Nyeni niba ningon com Nani ba, ninjei kwei tug hon anyeng mem gima nikon pran bit nimpung tentara di nindig bibor dini. tuhan e, Nani ne nyende Allah ri. Jo nibreisi bipia bit bon tungwatu nya ibindei timek Nani kan bi.”

YESAYA 2:17

Yo di inggei sut yonti inyeng micut ba, yo di ingon jei mikuk yok bak tuhan lewo suar tungwatu nya yahagom ikon Nongkom ninyenga.

YAKOBUS 4:6

Mbro nok gima lo, nisingat tutti di Allah yai binye sindem bibor dor njiriek bu. Bit leu nok gi ipas ei Allah nihyetti “Allah timbe tut yo di ingon jei noro singat tut yo di iba ibou coi mem yam.”

YESAYA 2:11

Yo di inggei sut yonti inyeng micut leu api yo di ingon jei mikuk yok bak tuhan lewo suar tungwatu nya ikon Nongkom ninyenga.

NINDAT KEP TUHAN NICUKTI NYA 8:18

Ma jiyok ngon kep bipia tuhan di nok jide Allah yai nisindemti bije leu binhyepo jinyeng tut ndigban. Noni yai nok lewo ningon gom tut mun po Noni preu ei mem jidigup bat-jidigai bat nya pima.

NITRITI 46:2

Mmun mau rino noni ngat ningat-hi-ngat bingat lo, Allah mbrap bit noni bipai “Yakub e, Yakub e?” Lene noni buhup “We? Da rini.”

MBEN ISRAEL IMBUT-MBUT NYEN 31:4

Suar bikwop keret mben Israel hi gom hi gom kes tentara nya ibou sribu gom mem gima injei siceu ba, ikon pran a.”