NIJAM NIKEI NYA 3:3 - ALLAH NIHYET MEM TUNGWATU NYA

³ Mben di ibong ei minu dima kikau yo ne timiei nya di ibong ei minu ndig muhwi di mben Filistin ide kin timiei minu Kanaan kin mben Sidon kin mben Hewi di ibong ei nungug him Libanon ei Nungug Baal-Hermon binjiriek Nitinggoisi Hamat.

NIJAM NIKEI NYA 3:3 ပူးပေါင်းရင်းမြစ်များ

SAMUEL GI NIGOM 29:2

Lene mben Filistin ide nibou ndig ibou muhwi injei sut ide nimpung gom-gom ba, nimpung dima yok bihi ibou sratus gom lene bihi ibou sribu gom. Daud ya tut nide tentara nya ba, injei bram yam bigya abia kep yok bibit nibou ndig Akhis.

SAMUEL GI NIGOM 13:5

Lene tentara Filistin cem induk yam ei mem gima ikon pran bit mben Israel. Ide kroba pran nimangti sribu ningot ningai lene ide tentara di ibri kuda kan imangti ibou sribu muhwindagom lene ide tentara nindigsi nya imangti dor njiriek iggum di jo muk pimat nimangti. Yahagom ikwei hok ide prak meng yati ei Mikhmas di jo dideu Bet-Awen bei mpia nipriti.

SAMUEL GI NIGOM 6:18

Nok gima cem mben Filistin ipinak kwar ncup di iba mas bibon bibikwop ide minu ndig di ide nibou ndig ibou muhwi inyeng tak kep nya bitut ide minu ndig di bon ngug tig bikrop ttai kin ide minu mien di bon ngug tig bi nya cem. Hon kep njap dima kwei bipek nogindini kep lene tig nindig bibor ei Yosua di timiei Bet-Semes de beisi po imam nya ikes tuhan De Brua Gi Preu ei dip pima rinok tig nibiyok ngon kep mun di pek kep mem mben Israel.

NIJAM NIKEI NYA 18:7

Gima leu lene ibou muhwi dima ikiju bimbut ug ei minu ndig Lais. Lene ingig igyai kep timiei di ibong ei minu ndig dima ba, jo nibreisi mem yok bipia timiei Lais igyai kepti noyam kin mben Sidon igyai kepti. Mbro nok gino mben Lais iba ibou coi mem tungwatu nya ba, mun nyeng hi bindin yok bi ba, ibong kei igwam kei cem lo, tungwatu di imbuk tut yok hi bi. Ibongti kin imati kin igyemti dem mem yok ba, mun nyeng hi di nggruk mem yok bi.

NIJAM NIKEI NYA 14:4

tuhan bie tut Simson niyai munti dima noro nicig-nipmem nya ikan tut bi. Lewo tuhan sindi nggok nituti mem gima Noni hwen mben Filistin. Mpe dima lene mben Filistin inyeng tak kep mben Israel.

NIJAM NIKEI NYA 10:7

Igyaisi dima bindei ba, tuhan gga yok apino sindui sut mben Filistin kin mben Amon di inyeng tak kep yoni.

NIJAM NIKEI NYA 4:2

Gima rino Noni sindui sut yok leu api icut bak Yabin di nibou ndig minu Kanaan di ninyeng tak kep ei Hazor. Nide nibou tentara ninyeng Sisera di bong ei Haroset-Hagoyim.

YOSUA 11:3

Lene noni sok nihyet bak nibou ndig mben Kanaan di ibong ei Minyei Yordan nite bei mpia nicutti kin nite bei mpia nipriti cem bak nibou ndig mben Amori kin mben Het kin mben Feris kin mben Yebus ei nungug him kin nibou ndig mben Hewi ei Mizpa di jo ei Nungug Hermon nikiou.

NINDAT KEP TUHAN NICUKTI NYA 3:9

Timiei Sidon ijem Nungug Hermon ninyeng Siryon noro mben Amori ijem ninyeng Senir.)

NINDAT KEP TUHAN NICUKTI NYA 1:7

Ma jilet jide prak meng nya bijimbut ug ei mben Amori ide minu di bon nungug him kin minu di gahai dima kou cem. Nok Yordan nyai kin hampiati kin les him kin hanjop di jo bei mpia nibiho kin mukti di jo ndam Muk Hacan hagom. Ma jicoi ba, jiya bidem minu Kanaan kin Nungug Libanon kikau ug bipek minyei nindig Efrat.

MBEN ISRAEL IMBUT-MBUT NYEN 34:8

lene mbut kikau ug bipek kin Puig Hamat leu api mbut kikau ug bipek kin Zedad,

MBEN ISRAEL IMBUT-MBUT NYEN 13:29

Mben Amalek ibong ser hanjop nsi gi bei mpia nibiho. Mben Het kin mben Yebus kin mben Amori yahagom idis yam bibong ser nungug him. Lene mben Kanaan ibong ser hanjop mukti kin Minyei Yordan nyai cem.”

NITRITI 49:13

Zebulon mibong kep muk nipimat ba, kibar minyei nya piar nyahan ei nide muk nuhuisi di mbris. Nide dihyei hanjop nsi nohon keti ug bipek Sidon.

YOSUA 9:7

Noro nibou mben Israel ibuhup “Nibon gi preu bit jeni mem mindei i? Mpaba jide minu dideu dini kou e?”

YOSUA 11:19

Mben Hewi di ibong ei minu ndig Gibeon he rino ibon gi preu bit mben Israel ba, ijem isut bit yam ser di igyaijo ei a. Ter leu gima lene yo di ibong ei minu ndig nya ei minu dima hi di bon gi preu bit mben Israel ba, jem nisut bit yoni bi. Ba, tentara Israel ibindei timek minu ndig nindigsi nya hagom tug hon gi ikon pran bit yok.

NIJAM NIKEI NYA 3:2

tuhan ba nisinati dima bingginau mben Israel ide nintun him yamti di bram yam nya tut nikon pranti lewo igikon pran bit ide siceu di nipou nya bi sren.

SAMUEL GI NIGOM 6:4

Lene timiei nya ihig ser imam pima yok “Nikwas mun di kei mindei tut Noni i?” Leu api imam nya ibuhup “Ma jiba mas bibon kwar arimesa njep ningat muhwi kin kwar ncup ningut muhwi ba, jibikwop nibou ndig mben Filistin ibou muhwi. Lewo Allah kes hukum di nok arimesa njep kin ncup di ingwig kep je ei jeni kin jide nibou ndig nya cem dip.

SAMUEL GI NIGOM 6:16

Tirigi nibou ndig mben Filistin ibou muhwi ingat gima bou igyai him lene ingkwei hanyen ug ei Ekron mem njap gom ndia.

SAMUEL GI NICAN 24:7

Ijo leu minu ndig dima bimbut ug ei nite bei mpia nibiho ba, yuug krau minu ndig Tirus di bon nide ngug tig di bikrop ttai a. Lene yuug ei mben Hewi kin mben Kanaan ide minu ndig nya hagom biyuug kikau ug ei Bersyeba ei hanjop keret Yehuda bei mpia nibiho.

NIBOU NDIG NYA GI NIGOM 8:65

Gima rino Salomo kin mben Israel yahagom ibon Njap Ndig Ig Jibei Mpam Meng ei sirima mem njap muhwindacan. Yo di idem yam ei su imangti ningot ndig. Ikwei leu minu ting ei Puig Hamat bei mpia nijjai kikau ug bipek hanjop minu Mesir bei mpia nibiho.

YEHEZKIEL 47:20

Minu niya kwas yamti ei nite bei mpia nicutti ne Muk Hacan ri. Gima mbut kikau ug ei bei mpia nijjai ug bipek kin mpia ttou nsi gom ei nite bei mpia nicutti di bon puig di ibikak ug ei nitinggoisi Hamat.

NIBOU NDIG NYA GI NIGOM 9:20

Salomo ba mben Amori kin mben Het kin Feris kin Hewi kin Yebus ide nintun him di bram yam nya biyai midyai nibidip huk tungwatuti nya pima. Yo dini ne yo di intun mben Kanaan him di bram yam di mben Israel igyai nimai biyok bingwig bi ei mpe di po ibindei timek yok bigyai ide hanjop nsi nya bigyati pima ri. Mben Kanaan ide nintun him di bram yam dima inok awak kikau kwei bipek ammani kep.