NIBWOS-BWOS NYENTI 5:1 - ALLAH NIHYET MEM TUNGWATU NYA

¹ tuhan e, ma ayok ngon kep mun di cut igkep nye o! Ma atou kep nye ba, angat niwer mindheti o!

NIBWOS-BWOS NYENTI 5:1 ပူးပေါင်းရင်းမြစ်များ

NEHEMIA 1:3

Lene ibuhup dihyet bipai sut mun di nggruk bibor di cut igkep yo di ingwes ngun di ingkwei hanyen ug ei itimieisi drek dip ngkiai nya di ibong timiei ei minu dima di ingwes pri gau yok. Ipai bida bipia hi kinding ngug tig di bikrop ttai minu ndig Yerusalem di nggek sinsiou kin dimbou pmem di itu ei ngug tig dima bigyo. Hum yem hagom bingwig bikinei kikau kwei bipek ammani kep.

NEHEMIA 1:8

Nogindini ma akan kep ahyet po atri tut bak Musa pima di dindat kep bipia gino mben Israel ingon gom tut Na bi lene ma ajji yok ug ei ingkiaisi.

NEHEMIA 4:4

Lene dingat nadi “Allah e, ma angig atingou mem yo di ighyet wer mpiahi tut nye. Abindei ba, ide nicug nyeti micut igkep yonti bu. Asindui sut ba, ninggimang mun cig nya ipos ide mun di inyeng tut nya hagom ba, mben ngkiai mihwen yok lene ikat yok ug ei ingkiaisi hak ug.

AYUB 10:9

Ma ayok ngon kep bipia aba dihyei igtuyap bipai tes da. Abindei da bidingkwei ba, dinok dihyei ndung hanyen e?

AYUB 7:7

Allah e, ma ayok ngon kep bipia diyaijoti noyam kin ninnei di ihi ei ihwap nsi he. Dingon nggei-hi-nggeisi pror leu da bibon niceti di mijo bi sren.

MAZMUR 119:153

Angig ayai kep ditde niwei-nidutti ba, ateu da bidingwes ngun lewo diba diyai ngat Ade nicukti nya bi.

MAZMUR 74:18

tuhan e, ayok ngon kep bipia Ade siceu iba ighyet bicig Na. Ngkiai nya di ikan tut Na bi ighyet wer mpiahi tut anyeng cem.

MAZMUR 79:12

tuhan e, ma abuhup mbimuhwindacan bram yam bak mben ngkiai dima yok drek dip ighyet di tigut Na.

MAZMUR 79:4

Mben ngkiai di ibong ttai nye ighyet tigut nye. Ipa tut nye ba, iba ighyet bicig nye.

YESAYA 62:6

Dikes yo di igya ser minu ndig Yerusalem ei ngug tig nidip. Ba, bikwop mmun-njap dimo igigwam nyahan bi. Noro suar iwin kep Allah ningonti tut Nide nipreu ei mem yoti.

YEREMIA 15:15

Lene dipai “tuhan e, hagom jo nibreisi mem Na. Ma ayok ngon kep da ba, ampu da cem. Ma abirop hanyen bak yo di ihwen bit da kin yo di ico kep da. Ma aom angon tut yok kikau bihwen da au. Ma akan kep bipia yo dima ingwes pri gau da drek dip anyenga.

YEREMIA 51:51

Jipai-pai nyen “Yo dima ipai nye kinei ba, igyai nimmai binye tu. Nigwam nimmaiti lewo ngkiai nya ibong ser ninsi di kwes nya ei tuhan De Ig hagom bidem ser nye tu.”

NIBWOS-BWOS NYENTI 1:11

Timiei nya iba ninso-nso nyenti binggok njita o! Iba ide ndigban di nibok kak pima biluei njita ba, iboom inghop leu binhyepo imai inggum bi o! Minu ndig Yerusalem hara nok tungwatu bipai “tuhan e, angat da ba, angig ayai kep da tut ditde ninghuisi wei hagom ug e!”

NIBWOS-BWOS NYENTI 1:20

Na di tuhan o! Angig ayai kep da tut gi dingon bos-bos nyen cem dingon kku da cem dingon mbris cem tut gi dinjiriek cem tut danti diyai mun tunggwei angon kanti nya nipou pima cem o! Siceu igyai nimai bak tungwatu bidem simpak bou hagom ba, itot nindigsi nya ei ig bei nsi bimai su o!

NIBWOS-BWOS NYENTI 1:9

Nimap di kui noti jo nibreisi kei lo, gihig ningon ei mun di micut igkep no ei nidipti ug bi! Noni nggek bitti nindig bibor lo, hi di gwam ser ningon bi o! Gima rino hara tuhan bingondut no lewo siceu nya ibindei timek no tu o!

NIBWOS-BWOS NYENTI 2:15

Yo di yahagom di injiriek kep na nya ighyet wer mpiahi tut na lewo atimek titut yam tu o! Ikit ibou nyen leu bipai “Gima ne minu ndig di kei bibor kei di tungwatu dihyeisi dini hagom inggap leu rin e?”

NIBWOS-BWOS NYENTI 2:20

tuhan e, angat yo di ayai niwei biyok dima ba, angig ayai kep yok ug o! Apo abibon yo di hiter noyam kin gi abibon yoniti dima tu e? Sop nya igyem yonti imunggwom bat di ingon ngakei yok nya o! Siceu nya igyai nimai bak imam kin nabi nya ei Ade Ig di kwes-kwau o!

NIBWOS-BWOS NYENTI 3:19

Dikan-kan nyen tut ditde nijo-jo nyenti kin mun di cut igkep da lene dem kep nok diyem mun di mpo-mpam di kos dikimam o!

NIBWOS-BWOS NYENTI 3:50

bibou Na di tuhan ei gwamti angig ayai kep nye ug e.

NIBWOS-BWOS NYENTI 3:61

Na di tuhan amiap ide nihyet nitigut dati ba, akan tut ide niyok nihyet mem yamti di itin ei mem da.

HABAKUK 3:2

tuhan e, dimiap tut Ade midyai nya leu api dinggap leu tut nindig bibor. Nnaba ayai kep midyai di nindig bibor pima hanyen mem nijam dini. Mbro nok gino nibindei ba, angon sibui sut nye lo, ma angondut nye.

LUKAS 23:42

Lene noni pai “Yesus e, ayok ngon kep da tirigi akwei hanyen nok Nibou Ndig!”