NIBWOS-BWOS NYENTI 2:6 - ALLAH NIHYET MEM TUNGWATU NYA

⁶ Noni bindei timek Nide Ig di nok mpia di mem Nide limwa nya idem yam mem gima ikuk yok biNoni eisi o! Lene bindei ba, tungwatu ibbwe ser Njap Nigwam Kep Ninghuisi kin njap nindig nya o! Lewo tuhan gga bibor ba, rok imam nya kin nibou ndig ei su o!

NIBWOS-BWOS NYENTI 2:6 ပူးပေါင်းရင်းမြစ်များ

MAZMUR 74:7

Indig Ade Ig ningat cem bitimek hak bibindei ba, map kui mpia di Ade limwa nya ikuk yok biNa eisi cem.

MAZMUR 76:2

Allah ninyeng jei ei hanjop Yehuda. Ninyeng tibim bidem minu Israel nisurti-nipekti.

MAZMUR 80:12

Ninda nya su kikau ug bipek kin Muk Hacan ba, ninggrupti nya diwim kikau ug bipek kin Minyei Efrat nyai cem.

MAZMUR 89:40

Gi preu di apreu ei mem Ade awak pima cut ba, acom nide topi mas ug ei igkropti tu.

YESAYA 1:13

Jittei mun di jibikuk je biDa dima mikui-kausi. Ninghap bindei ba, dingon him wei bibor. Diyai ngkek ttin ser jide njap ndig Bed Jep kin Njap Nigwam Kep Ninghuisi bitut jide njap ndig di jibon midut nindigsi nya cem. Jide sisar bindei ba, map kui njap dima hagomti tu.

YESAYA 1:8

Minu ndig Yerusalem nongkom he rino jo a. Noro jo nok minu di tentara igyon ttai di sindem bi noyam kin ig jibei di tungwatu nya yohok ei ba anggur nghousi kin ig jibei di yohok ei miai bimen nghousi cem.

YESAYA 43:28

jide imam nya ibindei ba, nirom kui Ditde Igti tu. Gima rino disindui sut ba, mben Israel ide siceu nya inim kep yok. Dibindei ba, Yakub de nintun him yamti di bram yam nya itimek bingwig.”

YESAYA 5:5

Gima rino dibibon miai ba anggur dima nok gini. Dinggek ngug di bikrop ttai mpia dima hagom leu api disindui sut mindhe-ndhe di ipijuk bi nya igyem ningat bitem dihyei tut.

YESAYA 5:6

Disindui sut ba anggur dima ba, mintu-minta mijei gau hagom. Dipe nimeng bidohom minta leu bu bi. Noro disindui sut ba, cibou nggwen kin tigau nggwen ceu hagom. Dicuon ser bumbuhui nhyema kwei sut biget ba, but eisi bu bi.”

YESAYA 63:18

Nggon rino asindui sut nyende siceu nya ba, ibindei timek Ade Ig lene ibimangkrei Ade nungug tou di kwes-kwau i?

YESAYA 64:11

Hum yem tuhan De Ig di kwes-kwau po nyeni nidigup bat-nidigai bat nya ipiga ei mem Na bibikon anyenga eisi pima bitimek bingwig. Ig nindigsi nya di nyeni ningat ningwes eisi nya hagom sar bingwig.

YEREMIA 17:27

Mun dima yok hagom mimbut bipek kep mem je gino jibit dihyet ba, jidimig Njap Nigwam Kep Ninghuisi pijum ei mem Da. Ma jikon ndigban nyeng gom mem njap dima ba, jibicoi kak dimbou pmem kwei ei minu ndig Yerusalem au. Gino jitunggwei Ditde nicukti dima yok ne midindig dimbou pmem minu ndig Yerusalem nya kin ig nibou ndig nya hagom bitimek bingwig hak. Bit bon jimu hum dima kan bi.’ ”

YEREMIA 42:18

Midisiber Ditde nigga biborti ug ei je di juug ei minu Mesir dip noyam kin gi Da di tuhan di Allah Israel disiber Ditde nigga biborti ei timiei minu ndig Yerusalem dip pima. Tungwatu di ingat jeni lene igyai ttin tut je bipai je kinei. Iba jinyeng bisigion yam cem. Leu api mijingat jitimieisi dini bou jiyai him bu bi.”

YEREMIA 45:4

Barukh e, Da di tuhan digwam kep midyai ninggek mun di diwin bitti ba, ditiba mun di dita. Midiyai nok gima tut dihyeisi dini hagom.

YEREMIA 50:28

Yo di inang leu minu Babel biyuug ei minu ndig Yerusalem ipui sut notou ide tuhan Allah birop bak mben Babel drek dip ide nibon munti bitut tuhan De Ig.)

NIBWOS-BWOS NYENTI 1:4

Hi di kwei ei tuhan De Ig ei njap nindig nya bu bi o! Sop gwam nitta pilei nya di ipai kep doia nya yuum niwei-nidut ei sirima o! Lene imam nya cem inso-nso nyen o! Tungwa hi gwam kui dimbou pmem nuhui nya bu bi lewo ningon nggukti jun kep minu ndig Sion tu o!

NIBWOS-BWOS NYENTI 4:16

tuhan yok ngon kep Nide limwa nya bu bi o! Nonti rino bindei di intek gimahap bidem minu o! Nonti rino bindei di imam nya ibon inyeng bu bi ba, hi di ngondut nibou nya bi o!

NIBWOS-BWOS NYENTI 4:20

Ikat tuhan de nibou ndig di Nonti dimig ei su ba, no dima ne no di nyeni niba ningon com nok no di mibindei ba, nibong kei nigwam kei ba, no di minyohou nye leu siceu di ihwen bit nye inda nsi cem rin o!

NIBWOS-BWOS NYENTI 5:12

Ikat kep nyende nibou nya ikimam ba, ipindur yok lene ikon ndigpoi nya inyeng bu bi o!

YEHEZKIEL 17:18

Gima drek dip gi nibou ndig minu Yehuda di pigau nehengti kin nipreu ei mem nibou ndig minu Babelti pima ri. Gima rino bit bon noni nang ba, hallu leu nide siceu nya inda nsi kan bi.

IMAM NYA IDE MIDYAI 26:31

binggek jide minu ndig nya bitimek bingwig ba, midinggek jide mpia di jikuk je kikep bak mun di mipror yon eisi nya ba, midirok jide mindhe-ndhe di jibui bijindig kep hum mem nibon midutti nya cem.

ZEFANYA 3:18

Noni ba ningon di nggei-hi-nggei bipai doia drek dip je noyam kin no di sindi bon pesta.” tuhan pai bu “Dibindei ba, mun di buhun di cut igkep je ngwig hon nohonti tu. Didip tut jinyeng di kinei leu je tu.”

MALEAKHI 2:9

Gima rino midibirop bije. Midibindei ba, mben Israel ingwes pri gau je lewo tirigi jingginau Ditde limwa nya ne jiyai igbit dingon kanti bi. Tirigi jingginau Ditde limwa nya ne jimbus nggok yok.”