NIBWOS-BWOS NYENTI 1:12 - ALLAH NIHYET MEM TUNGWATU NYA

¹² “Je di jikriau da kak puigsi nya e, jingat bijiyok ngon kep da o! Hi dima yai niwei-nidut nindig bibor di ditug ndei nogindini bi! tuhan kes ninghuisi wei dini ei da dip drek dip nigga biborti o!

NIBWOS-BWOS NYENTI 1:12 ပူးပေါင်းရင်းမြစ်များ

MAZMUR 88:16

Ditug midut habiei dimien kwei ba, nimai yok niyai kep da. Ditug ndei hukum di akes ei da dip lene gima bindei ba, dinghuisi wei bibor.

YESAYA 13:13

Midibindei ba, mpia-bbed him digit ba, dihyeisi dini ugwa-kwei bison leu nijoti mem njap di Da di tuhan Di Dinyeng Jei Bibor dindo Ditde niggati ei nibreisi.

YEREMIA 10:19

Lene timiei minu ndig Yerusalem yahara “Nyende nibokti buhun ba, bit bon jut hanyen kan bi. Nipou yo lene nikan bigya minahau mem mun di buhun dini noro dem tut gima nahau mem kan bi.

YEREMIA 18:16

Yoni ibimangkrei minu dini bibindei ba, tungwatu nya igyai ngkek ttin ser ba, ingon mpo tut. Yo di injiriek mpia dini mikit ibou leu ba, minga leu sut lewo ingon buhun tut.

YEREMIA 30:23

tuhan niggati dem kep hou sigau kin hou di nimig ten di ba sigau biyai di hwen yo di isibut nya. Hou dima ntus bi bibou Nide ningon kanti nya hagom pek kep ug e. Nide limwa nya mingon dorti tut gima ei nidipti bu yo.

YEREMIA 30:7

Tto bou di kwei sut mun di buhun bibor dideu su. Bit bon hi binai sut njap di buhun bibor dima kin njap hiter kan bi. Njap dima ne njap di bindei ningon mbut-mbut nyenti mem Ditde limwa nya rin noro miditeu yok bingwes ngun.”

YEREMIA 4:8

Gima rino ma jipim bijiba nicot pai cem. Jijuk sinsun kron di bindo tut ningon nggukti cem lewo tuhan De nigga biborti di cig-cai cut leu minu Yehuda bigyo.

YEREMIA 48:27

Nipou yo ne minu Moab pa ndip mben Israel bi e? Minu Moab bibon mben Israel dem kep nok gi ikat no di bit yo di inggimang nya pimo bi e?

NIBWOS-BWOS NYENTI 1:18

Noro tuhan ningon sren-srau! Dani rino ditunggwei sut Nide nicukti nya tu o! Je di ngkiai nya e, jimiap dihyet ba, jingat bipia dingat rin ei ninghuisi wei diniti o! Siceu nya ikat pinai pilei tde nya kin sop gwam nitta pilei tde nya bibindei ba, isima ei ingkiaisi tu o!

NIBWOS-BWOS NYENTI 2:1

tuhan ba niggati biyai nibou tut bibindei ba, nidinditi jun nungug Sion o! Noni com minu Israel ninyeng di jei di kui sur mpia-bbed him ug ei dihyeisi tu o! Njap dima ne tuhan gga bibor bikes Nide Ig ei nungug Sion bijo ei o!

NIBWOS-BWOS NYENTI 2:13

Ayo! Na di minu ndig Yerusalem di minu ndig Sion di dingon ngakei e, ade ninggekti kui sur mpia bidem kep muk ndigsi o! Dipai mindei mem gima dibigwam ser angon e? Lewo minu ndig hi giyai ninghuisi wei noyam kin gi na di minu ndig Yerusalem ayai bi sren o! Jit o! Bit bon hi dima miwin nani hanyen kan bi sren o!

DANIEL 9:12

Akes hukum ei nyeni dip kin nyende nibou ndig nya dip cem bit leu nok apreu ei mem nye nipou su. Abindei ba, minu ndig Yerusalem tug ndei hukum nindig bibor dor njiriek minu nindigsi nya ei dihyei nisurti-nipekti hagom ide hukum.

YOEL 2:2

Njap dima mitau kwei sut nidinditi di dindi-kai kin bumbuhui di dindi tut biget leu api hai ceng di nok tentara nimpung di nindig gom mikwei nggai kep nungug him nya noyam kin bumbuhui di ndok bibor. Mun di buhun di nok gini hi cut igkep tungwatu nya nipou bigyo lene micut igkep yok ei nidipti bu bi sren.

MATIUS 24:21

Lewo tungwatu nya ei nijam dima migyai ninghuisi wei nindig bibor dor njiriek ninghuisi wei di hwen tungwatu habiei leu nimbie him kikau kwei bipek ammani kep lene kikau ug bipek njap ningwig honti cem.