NIBOU NDIG NYA GI NIGOM 9:4 - ALLAH NIHYET MEM TUNGWATU NYA

⁴ Gino aba angon di sren kin angon di gom bikuk na biDa bit leu nok acig Daud niyai kepti ba, abit Ditde niggai serti kin dicuk nati nya hagom lene,

NIBOU NDIG NYA GI NIGOM 9:4 ပူးပေါင်းရင်းမြစ်များ

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

NITRITI 20:5

Abraham nonti ris bida bipai sut Sara bipia noni ne nikwohop rin ba, Sara cem ris bida bipai sut Abraham bipia noni ne nikijam ri. Mun di diyai dima ne diba dingon di kwes biyai ba, diyai mun tunggwei bi.”

SAMUEL GI NICAN 22:22

Dibit tuhan de nicukti nya ba, digikiek doho tai leu ditde Allah bi.

NIBOU NDIG NYA GI NIGOM 11:38

Gino abit Ditde awak di Daud niyai kepti kin Ditde niggai serti nya ba, abindei bidijoi sut na tug hon gima abit Ditde nicuk nati nya di diyai bina cem lene midingat rin bit na kikau. Midita nani nok nibou ndig mem mben Israel leu api ade nintun him yamti di bram yam nya migya luei ahoti ba, inyeng mitak kep Ditde limwa nya bram yam bit leu nok gi dipreu ei mem Daud pima.

NIBOU NDIG NYA GI NIGOM 11:4

kikau bipek mpe di noni wer andig-ndau leu su lene nitnem bat nya ihwen ningon bibindei ba, Salomo kuk no bak mben ngkiai dima yok ide nung nya. Salomo nicig Daud ningon gom tut nide tuhan Allah kikau noro Salomo yai bram nicig Daud niyai kepti nya bi.

NIBOU NDIG NYA GI NIGOM 11:6

Noni bon sisar tut tuhan tug hon niyai munti dima noro nicig Daud ba ningon titut bibit tuhan.

NIBOU NDIG NYA GI NIGOM 14:8

Dibrim Daud de ninyeng tak kepti nite hi leu nide nintun him yamti di bram yam nya bidiyai binani tu. Noro ayai bram Ditde awak di Daud niyai kepti nya bi. Noni ba ningon di gom hak bibit Dani kin dicuk noti nya cem. Noni bon kep mun di dijoi sut nya he.

NIBOU NDIG NYA GI NIGOM 15:5

tuhan yai nok gima drek dip Daud po yai mun bipwoi tuhan ningon pima. Daud bon mun tunggwei tuhan nicuk noti nya bi. Noro nitunggwei sutti gom rino munhyet po kim Uria di mben Het pima.

NIBOU NDIG NYA GI NIGOM 3:14

Gino abit dihyet kin Ditde niggai serti nya bit leu nok acig Daud niyai kepti pima lene midibindei ba, ayaijo jei bibor cem.”

NIBOU NDIG NYA GI NIGOM 3:3

Mbro nok gino Salomo ningon ngakei tuhan bibit nicuk noti nya hagom lo, noni cem bui mindhe-ndhe mang bibor bibon midut ei nimbar hum dokti bidem mpia ttou nsi dima.

NIBOU NDIG NYA GI NIGOM 3:6

Lene Salomo buhup “tuhan e, angon ngakei Ade awak di dicig Daud ninno tu. Ningon kwes ba, ningon sren cem ba, ningon gom tut na di tuhan cem. Ando bindo tut Ade ningon ngakei noti kikau tirigi abindei ba, nipmot ya luei nohoti binok nibou ndig bu.

NIBOU NDIG NYA GI NIGOM 6:12

“Gino abit Ditde nikos tutti nya kin dicuk nati nya hagom lene midibibon na bit leu nok dipreu ei mem acig Daudti.

NIBOU NDIG NYA GI NIGOM 8:25

tuhan e, nogindini handei kon ba, abindei ba, Ade nipreu eisi hiter pima cem midem igbit angon kanti. Lewo apreu ei mem Daud bipia gino nide nintun him yamti di bram yam nya minyohou bit ahyet hagom noyam kin gi po noni bit ahyet pima lene yoni migya luei Daud nohoti bram yam bijo ninno bijo kikau.

NIBOU NDIG NYA GI NICAN 20:3

“tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

NIBOHON MBEN ISRAEL GI NICAN 17:4

Noro kuk no bak Allah Nongkom ngat he bibit nicukti nya hagom. Niyai munti nya noyam kin nibou ndig mben Israel igyai munti nya bi.

MAZMUR 101:2

Midiyok diyai kep diyaijoti leu binhyepo mun di suwok rap bi. Akwei ngat da apig bu i? Midiba dingon di kwes biyai mun ei ditde ig.

MAZMUR 128:1

Doia nikui ug ei Mbigdip Sion. No di ningon gom tut Allah bidimig niyaijoti bibit Allah nicukti ningon nggei-hi-nggei.

MAZMUR 15:2

No di dem mem gima ne no di bit Allah nihyet titut lene krau tunggwei puig bi di ba ningon di sren bipai nihyet ei nuhui him,

MAZMUR 26:1

Doia Daud. tuhan e, asimbot dat bipia dingon sren lewo diba dingon com Nani. Dihig dingon ei Nati poi mien cem bi.

MAZMUR 26:11

Noro tut dani ne diba dingon sren kei bidimig diyaijoti. Gima rino angondut da ba, ateu da leu mun di kri kep da!

MAZMUR 78:72

Daud ba ningon di sren kei binyohou yoni. Noni ba ningon di ki bikrau inda bibie tut yok.

NIPINGOK NINGONTI 10:9

Yo di ingon gom nya ingwes ngun noro tuhan ngat igbit no diris mun.

NIPINGOK NINGONTI 20:7

Munggwom nya di ibon icig bat di igyai munti nya kei bibor kei di ingon gom ne ingon nggei-hi-nggei.

NIPINGOK NINGONTI 28:18

No di ningon kwes ningwes ngun leu mun di cut igkep noni. Niris kep mun cig micut kros.

YEHEZKIEL 18:9

No dima bit dicuk noti nya biyok ngon kep diggai serti nya ba, nongkom he rino ningon sren binyohou nonti niyaisi cem. Da di tuhan Di Dinyeng Jei Bibor disimbot dat tu.

ZAKHARIA 3:7

“Gino abit Ditde niggai serti nya ba, abiyai kep midyai nya di dindo bina hagom ne anyeng mitak kep Ditde Ig ba, ayok ayai kep Ditde mpia di jo bas hak nya cem bijo kikau. Midingig ditingou mem ade nadi nya noyam kin gi dingig ditingou mem malaikati di ingat rin simiak da nya ide nadi.

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

NINDAT KEP TUHAN NICUKTI NYA 28:1

“Gino jibit jide tuhan Allah nihyet cem jiba jingon di gom bibit nicuk jeti nya di ditri tut bije njap di ammani lene Noni mibindei ba, jinok mben di inyeng jei dor njiriek mben nindigsi nya ei dihyeisi dini.