NIBOU NDIG NYA GI NIGOM 9:3 - ALLAH NIHYET MEM TUNGWATU NYA

³ bipai binoni “Dingig ditingou mem ahyet tirigi angat nadi pima tu. Didimig Ditde Ig di angot dini pijum ei nok gumihyep gom ngat mem tungwatu nya ikwei kuk yok biDa eisi bijo ninno bijo kikau. Lene midiyok diyai kep ig dini ba, midinyohou kikau.

NIBOU NDIG NYA GI NIGOM 9:3 ပူးပေါင်းရင်းမြစ်များ

NIBOU NDIG NYA GI NIGOM 8:29

Handei kon ba, ayok ayai kep Ade Ig dini mem mmun-njap lewo gini ne gumihyep di adimig ei mem Ade limwa nya ikuk yok biNa eisi ri. Handei kon ba, angig atingou mem dihyet tirigi diba doho rok Ade Ig dini bidingat nadi.

NIBOU NDIG NYA GI NICAN 20:5

bingkwei hanyen ndam Hizkia di ninyeng tak kep tuhan de limwa nya bitri tut tuhan nihyet di sok ei no dip bak “Dani ne tuhan Allah di adigai Daud kuk no bak ri. Ba, dimiap ade nadi bidingat ayai nggwei di kibor cem tu. Midibindei ba, akei hanyen leu api ug ei njap nitindur can bu lene akiju ba, aug coi Ditde ig ug ri.

NIBOU NDIG NYA GI NICAN 21:7

Manasye ttei kwar sop Asyera ningwes bitas pijum ei tuhan De Ig. Noro tuhan pai sut Nide Ig dima bak Daud kin nipmot Salomo nipou su “Ditde ig kin minu ndig Yerusalem di didimig leu keret Israel simnai brimigcan ide hanjop nya dini ne mpia di dindo ei nok gumihyep nibon midut eisi bak Dani ri.

NIBOHON MBEN ISRAEL GI NICAN 33:7

Noni ttei kwar Sop Asyera ningwes bitas ei tuhan De Ig. Noro Allah pai sut Nide Ig dima bak Daud kin nipmot Salomo nipou su. Noni pai “Ditde Ig ei minu ndig Yerusalem di didimig ei leu keret Israel simnaibrimigcan ide hanjop nsi dini ne mpia di dindo ei nok gumihyep nibon midut eisi bak Dani ri.

NIBOHON MBEN ISRAEL GI NICAN 6:40

Ditde Allah e, nogindini ma ayok ayai kep nye ba, amiap kep nyende nadi di ningat bak Nani ei gumihyep dini.

EZRA 6:12

Diyok ngon mem Allah po dimig Yerusalem ei nok mpia gom ngat di tungwatu nya ikuk yok biNoni eisi pima miyai nimai bak bikwop nibou ndig kin keret dihyeisi dini nya di isrep tut dicuk jeti dini binggek tut tuhan De Ig di iwin dima. Dani ne Darius rin ba, ditri tut ditde nicukti tu. Suar tungwatu nya yahagom iba ingon titut yam ce tut ba, ibit.”

MAZMUR 10:17

tuhan e, ningat ne amiap kep yo di ibon inyeng bi nya ide nadi leu api abiwin kep ingonti.

MAZMUR 116:1

Dingon ngakei tuhan lewo Noni ngig nitingou mem dihyet ba, yok ngon kep ditde nadi.

MAZMUR 34:17

Noro Noni tte tut yo di isibut nya igyai munti di kinei nya. Tirigi imai leu su ne jei bi tungwatu nya ibbwe ser yok bihigom.

MAZMUR 65:3

lewo abuhup nyende nadi. Tungwatu dihyeisi dini hagom mikuk yok biNa drek dip ide sisar di ibon tu nya.

MAZMUR 66:19

Noro Allah miap dihyet bingig nitingou mem nadi di dingat bak Noni cem tu.

NEHEI LEUSI 20:11

Lewo Da di tuhan dipai tes dihyeisi kin mpia-bbed him kin muk ngeisi bitut mun di joti nya hagom mem njap nitindur muhwindagom. Noro dikes dinda tut midyai bidigwam kep dinghuisi ei njap gi nimuhwindacan. Gima rino Da di tuhan dijoi sut Njap Nigwam Kep Ninghuisi lene dibindei bikwes-kwau kei mem Da.

NEHEI LEUSI 29:44

Midibindei ba, Prak Meng kin nimbar hum dok kwes-kwau kei leu api mididimig Harun kin nipmot bat nya bijo ter leu nindigsi nya leu binhyepo igyai kep midyai nok imam mem Da.

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEREMIA 7:10

Niabiati jibinut kep jibon sisarti dima hagom leu su lene jikwei ya ei Doho bei ei Ditde Ig dini bijipai ‘Nibong kei nigwam kei o!’ Leu api jibisinggre bijibon kep mun dima yok hagom hanyen bu.

DANIEL 9:23

Tirigi sindi ahara bak Allah pima ne Noni buhup ahyet. Dikwei mbot kep bina lewo Allah ningon ngakei na. Ma angig atingou mem dihyet lewo dicoi ei ningat-hi-ngat dima ningatti bidipai bina ri.

MBEN ISRAEL IMBUT-MBUT NYEN 16:38

Srier dima ne yo di itug ndei hukum nimai drek dip ide sisar ide munkwas mem tuhan ri. Srier dima yok kwes-kwau lewo yo dima ittei mem ibikuk yok ei tuhan Noho bei. Gima rino suar jitug srier dima bidile ba, jibinggai nimbar hum dok nitta bei nisai. Gima ne ngkimom-tembaga nibiyok ngon kep di mibisok kep mben Israel nindigsi nya ri.”

MATIUS 6:9

Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.

YOHANES 11:42

Dikan tut bipia amiap dihyet bikwop mmun-njap noro dipai nok gima drek dip yo dini leu binhyepo ingon jo kep bipia Nani rino apinak Da kwei a.”

KISAH 10:31

Noni pai bida ‘Kornelius e, Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

NINDAT KEP TUHAN NICUKTI NYA 11:12

Jide tuhan Allah nyohou minu dima ba, ya ser kikau bikwop ari bingwam leu nimbie him kikau ug bipek ningwigsi kep.

NINDAT KEP TUHAN NICUKTI NYA 12:11

tuhan di nok jide Allah mindo minu ttou nsi gom ngat lene ma jikuk je biNoni ei sirima. Lene ma jittei mun di dicuk je tut hagom ei sirima. Nok mindhe-ndhe di jindig kep hum ei nimbar hum dokti kin mindhe-ndhe mem nibon midut nindigsi nya kin mun di jikwas gom leu ningot gom lene nok kin mun nindigsi di jikwas tut Noni kin mun di jipreu ei mem Noni nipou su nya hagom.

NINDAT KEP TUHAN NICUKTI NYA 12:21

Gino minu ttou nsi gom ngat di Noni ndo ei su jo minu ting bibor lene Noni misindui sut gima jibui mindhe-ndhe di jihyen kep nya di Noni yai bije tu ba, jiyem mikwau dima ei jide ig bei bit leu jingon kanti nok gi po dipai bije tu pima.

NINDAT KEP TUHAN NICUKTI NYA 12:5

Lewo tuhan di nok jide Allah mindo minu ttou nsi gom ngat ei jide mben nya ide hanjop nsi nikieti nya leu binhyepo Nide limwa nya minduk yam bikuk yok biNoni eisi.

NINDAT KEP TUHAN NICUKTI NYA 16:11

Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.

YOHANES GI NIGOM 5:14

Ibrim ingkek ei Allah Noho bei lewo ingon dorti tut bipia Noni miap kep ighyet tirigi yahara Noni bit leu ningon kanti mem nye.